|
رد: راحة البال
شوف يا باشا ..
مبدئيا احسن حاجة عملتها انك حبيت تفضفض هنا فى بيتك التانى ووسط اخوانك فى الله .. بالنسبة لمشكلة سيادتك احب اعرفك ان مفيش حد مرتاح ابدا .. تعب كلها الحياه فعلا .. ولو نظرت فى قلب كل واحد مننا هتلاقى اكوام من المشاكل والهموم ممكن تكون مخفيه وراء ابتسامه او ضحكه تخليك فاكر العكس وانك لوحدك اللى حزين ومهموم .... حاول يا باشا تحدد بالظبط انتا مشكلتك فين بالظبط وايه اللى مخليك حزين كده .. رتب حياتك واولوياتك وحط ادام هدف وهو "التخلص من حالة الحزن" ... بلاش تكون تايه وتحاول تعالج بمكلتك بمسكنات موضعيه تأثيرها مؤقت وملوش لازمة ... اقتنع انك قوى وتقدر تعدى الامتحان اللى ربنا دخلك فيه علشان يقيس صبرك وتحملك ويكافئك عليه .. انت قوى وتقدر تقاوم وهتقاوم وهتعدى من ديونك ومن همومك باذن الله .. قرب من ربنا اكتر لأن طريقة هو الاكيد .. حدد مشاكلك فى الشغل وحاول تعالج اسباب ديونك .. وانتبه لشغلك بعزيمه واصرار ... قرب اكتر من بيتك واولادك وزوجتك .. لانك ولا ليك غيرهم ولا هما ليهم غيرك .. واثبت وجودك معاهم وحسسهم بحبك وحنانك وقيمتك وتأكد انهم اول من هيقف معاك وجنبك ... اهم شئ فى كل الموضوع ان لا تستسلم للشيطان الحقير اللى شغال عليك ويقولك العيب فيك وانك اتغيرت وبقيت ضعيف ومبقدش قادر تبقى زى زمان وان مفيش طريق غير الهروب من الواقع .. وانك تحاول تبعد وتبقى لوحدك .... كل دى وسوسه شيطان يا باشا ... زوجتك لو حاسس منها بشويه عصبية فبلاش تزعل منها .. الضغط والمسئوليه بتعمل كتير .... يا أخى يكفى ان عندك ابن فى ثانويه عامه واكيد مغلبها وموتر اعصابها ده غير شقاوه الصغير ومسئوليه بقيت اطفالك .. ربنا يباركلك فيهم وفيها يا باشا ... حاول تبعث الفرحه فى البيت وحاول تكافئ زوجتك دايما .. مش بشويه اجهزه منزليه او غيره ... ولكن بأنك تحسسها بقيمتها وبوجودك جنبها .. وانك تحاول - ولو ظاهريا - انك تشيل معاها مسئوليه البيت والاولاد .. حسسها انك مهتم بيهم وانك مقدر اوى مجهودها فى البيت ... خد اولادك يوم فسحهم واتفسح معاهم مش تنزل تقضيه واجب كده .. شوف هما بيحبوا ايه واعملهولهم .. كده يعنى .. حاول تعند مع نفسك الأماره بالسوء وباذن الله قريب اوى هتقولنا ان حياتك بقت احسن ... وساعتها باذن الله هنقدر نقولك .. "مبروك عليك راحه البال" ................ |
رد: راحة البال
اقتباس:
انت عارف الواحد لما بتتعرض عليه مشكله بيعرض حل على صاحب المشكلة و يكون حل مميز لدرجة ان اصحاب المشكلات بيتصوروك عايش في نعيم من كتر الحكمه الي بتظهر من كلامك لكن لما اكون انا ف المشكله ف وسط الأزمه ما بعرفش اتخذ القرار بأتوه ربنا يقدرني اني آخد بكلامك و يجازيك كل خير |
رد: راحة البال
اقتباس:
المهم ان الانسان يقدر يعدى ويتغلب على اختبار ربنا لصبره ويقدر يثبت انه قوى وقادر يواجه بصبر وتحمل ربنا يعينك ويعيننا جميعا على كل اللى بنشوفه فى حياتنا ويرزقنا بنعمه راحه البال تحياتى يا حبيب قلبى وطمننا عليك دايما |
رد: راحة البال
علاج الغم :
لا اله الا انت سبحانك اني كنت من الظالمين جرب والله مش هتندم دا وعد من الله انك لو كنت مغموم وقلتها ان يفرج الله همك وغمك |
رد: راحة البال
اولا انا متاسف جدااا يا ا.حسين لاني قرات اول 3 سطور ودماغي راحت انه شعر او نثر وانا اصلا مش غاوي الادب بصفه عامه فحبيت اشجع صاحب الموضوع وده تفسير اللبس اللي حصل....
ثانيا يا اخي والله كلنا عندنا اكوام من المشاكل والديون اللي مش بتخلص... انا واحد من الناس احسدك علي قعدتك في بيتك وسط عيالك وديت نعمه كبيره جداااا غيرك متجوز اتنين صيدليه وديون وزوجه وطلبات واتهامات باني مش مدي للبيت اهتمام ... هي الدنيا كدا شقاء وتعب دائم ... والديون يا اخي والله ان شاء الله بسيطه بس حاول تجدولها وتقتطع شيء من دخلك كل شهر وحوشه مع المدام ( احسن مننا في التحويش الف مره ) يا راجل احنا سادين 40 الف في 5 شهور 10 في 5 في الف من الصيدليه في جزء محوشه والدين خلص وتوبه سكه البنوك تاني وربنا يسد عننا وعن المسلمين اجمعين ... |
رد: راحة البال
|
رد: راحة البال
السلام عليكم و رحمة الله و بركاته
الله يجازيكم كل خير |
| الساعة الآن 11:39 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017