رد: هتجنن من موضوع العازل الحرارى
 

بص يا باشا
انا جربت الاتنين، المضروب واللي مافيش اغلى منه
وجربت جميع درجات المضروب ده (لحد السوبر دارك)

اللي ب 70 ريال ده زي اي فاميه بيركب عند اي حد بتاع زينة في الشارع
هتركبه هتحس بفرق، الفرق هايعجبك في الأول عشان عربيتك كانت ابيض يا ورد، لكن مش هايعجبك مع مرور الوقت
لو انتا مثلا كنت مضايق من الحرارة بنسبة 100% هتلاقي نفسك مضايق منها بنسبة 80 او 90%
فتقدر تقول تقريبا تقريبا معملتش حاجة
مع الاخذ في الاعتبار ان كل ما تاخد درجة اغمق كل ما هاتكون احسن في موضوع الحرارة، وكمان بتقل فاعليتها مع الوقت

اما بقى بالنسبة للنوع الغالي، فده بصراحة اللي عازل بجد
لو انتا كنت مركب المضروب وشلته وركبت الغالي ده هتحس انك كنت عايش من غير حاجة اسمها عازل اساسا
اقدم شركة شغالة في النوع ده في العالم اسمها v kool
دي يا سيدي بتقولك على موقعها:
"Our “intelligent” window coating allows over 70% light transmission, and blocks out 94% and 99% infra-red and ultra-violet rays respectively, without impeding clarity and visibility, day or night."
الترجمة:
"غطاء النافذة "الذكي" يتيح نقل أكثر من 70٪ من الضوء، وصد 94٪ من الأشعة تحت الحمراء و 99٪ من الأشعة فوق البنفسجية على التوالي، دون تأثير على الوضوح والرؤية، ليلا أو نهارا."
ده معناه ببساطة شديدة انك هدخل معظم الضوء، وهتمنع تقريبا كل الحرارة
ده غير طبعا انهم بيدوك 5 سنين ضمان

رايي انا الشخصي:
لو عربيتك جديدة وفرشها جلد، يبقى تستاهل من الغالي
لكن لو عربية موديلها قديم وفرشها قماش، فتركب الرخيص وتبقى تغيرو كل ما تحس ان فاعليته قلت


وربنا يوفقك لما فيه الخير

رد: هتجنن من موضوع العازل الحرارى
 

رد: هتجنن من موضوع العازل الحرارى
 

انا شكلى هشوف فعلا ال 1500 ده هنا انا العربيه الحمد الله بحالها لسه بيجو 307 sw وهشوف بس كده ال 70 ريال ده شربه اقول لى قريبى ميجبوش

رد: هتجنن من موضوع العازل الحرارى
 

انا ركبت العازل ال بى 1550 من حوالى شهرين ركبته فى توب جير نوعه sun tek امريكى شفاف المهم الصراحه هو فى فرق لكن الفرق ميستهلش الفلوس ديه انا بركن العربيه فى الشمس بفتحها بلاقيها سخنه بردو اه مش زى الاول لكن بردو بتبقى مولعه خصوصا لو ركنتها لفتره طويله جدا هو الميزه الحاسسها فى التكييف يعنى لما بولعه وهى راكنه فى الجراج مثلا واطلع فى الشمس التكييف بيفضل بنفس الكفائه الشمس مش بتاثر عليه اى لو الحراره عدت ال 40 معرفش ازاى

رد: هتجنن من موضوع العازل الحرارى
 

سعر حلو بالنسبة لنوع أمريكى أصلى
لو العربية اتنقعت فى الشمس كل حاجة بتسخن والصاج هو الى له عامل رئيسى فى السخونة
اهم حاجة بتظبط مؤشر التبريد الأزرق على اد اه وكمان سرعه المروحة كام ؟؟

رد: هتجنن من موضوع العازل الحرارى
 

بعمله التكييف على اعلى بروده والمروحه على اعلى سرعه بحس ان طول ما الحراره اقل من 40 التكييف مسقع وزى الفل الحراره اعلى من 40 بلاقي التكييف بيقل من كام يوم كانت الحراره بره 47 ولما خدت العربيه من الشمس كانت 50 التكييف اكنى مكنتش مشغله مفروض العازل بيعزل 43% يعنى درجه الحراره مفروض تبقى جوه على الاقل 30 مثلا التكيييف قعد فتره طويله عقبال مسقع

رد: هتجنن من موضوع العازل الحرارى
 

هوا انا طبعا مقدرش اتكلم على صن تك لأني مجربتوش، بس انا شايف ان 43% دي قليلة شوية

بالنسبة لموضوع انك مش حاسس بالفرق فده ممكن يكون سببه بسيط جدا، انتا بتقول ركبته من شهرين يعني الجو كان اهدى شوية، فكونك انك تحس ان هيا هيا في شهر 8 فده يعتبر حاجة حلوة
نقطة تانية، خد بالك انك عزلت المساحات الشفافة في عربيتك فقط، فالحرارة لازم هاتدخل للعربية من مناطق تانية زي ما قال اخويا هشام، ده مش معناه انك دفعت فلوسك على الفاضي، ولكن معناه بس انك لازم تتوقع شئ من الحرارة في العربية
لو حاسس انك خدت عازل اقل من اللي هما قالو عليه، روحلهم تاني وخليهم يقيسو نسبة العزل الحراري بجهاز عندهم كده وتشوف بنفسك انها 43%
نصيحتي الاخيرة، حاول تشوف حد معاه نفس العربية (يفضل نفس الفرش ونفس اللون) ويكون مش مركب حاجة، وتركونو العربيتين نفس المدة في نفس المكان، وتقارنو مع بعض

الا صحيح، عربيتك لونها ايه؟