|
رد: أستاذ اللى يقولى حل المشكلة دى
اعذرو جهلي يعني ايه سلانسية عشان انا عندي حاجه شبيهه للموقف ده لما بدور العربيه عشان اسخن الدريكسيون بيترج كده بس اول لما بزود بنزين العربيه بتسبت علي هيه ديه نفس الموقف ولا حاجه تانيه شكرا |
رد: أستاذ اللى يقولى حل المشكلة دى
اقتباس:
لا طبعا طالما رجلك لمست دواسة البنزين فأنت بعدت عن حالة السلانسيه ----------------------- أما لو رجلك كانت بعيده عن الدواسه وملهاش علاقه بيها يبقى مكنتك تمر بحالة سلاتسيه --------------------- طبعا فيه سلانسيه كذا نوع 1- سلانسيه طبيعى ..........من 750 لفه إلى 900 لفه لعمود كرنك المكنه 2- سلانسيه واطى ..........أقل من 750 لفه /ق 3- سلانسيه عالى ..........أكبر من 1000 لفه /ق ده تصور تقريبى لأحوال السلانسيه التى يمر بها أى محرك بنزين ---------------------------- حلو الكلام معناها إيه بأه كلمة سلانسيه .....وبنقول عليها كده ليه أولا الكلمه فى معناها ....ماهى إلى تعبير عن حالة الحمل والسرعه الساكنه التى يتم أخذها من المحرك وبالتالى فهى تعبر عن السرعه والحمل وقت السكون والإستقرار للمحرك ( وليست حالة التوقف) ولذا فهى قادمه من التعبير الأنجلش لكلمة silince .....أى السكون ....ومن هنا جاءت عملية التحريف لمعنى الكلمه علشان كده ممكن تعتبرها ....بدلا مانترجم ونقول سايلنسيه ......قولنا سلانسيه ---------------------- ولذا بتعرف سرعة المحرك هندسيا بالأيدل سبيد idle speed أى سرعة الحمل الخالى يعنى يادوب هى السرعه إللى بيكون فيها حمل المكنه على أقدها هى فقط لضمان إستقرار وإتزان فى دورانها المثالى ( دون حدوث أى إرتجاف أو إهتزاز ) |
رد: أستاذ اللى يقولى حل المشكلة دى
اخي الفاضل السلانسيه يعني السياره دايره من غير تذويد بنزين وده طبيعي لما بتكون السياره بارده او واطيه شويه وممكن كمان تبطل منك لحد متسخن او ظبط هوا الكربراتير :THUMB_~112: وتحت امرك اخوك في الله صقر
|
رد: أستاذ اللى يقولى حل المشكلة دى
الف الف شكر يارجـــــــــــــــــــــ الة بجد على ردودكم
انا روحت للميكانيكى وبعد المراجعة الدقيقة " بس بعد ما طلعت عينه وواقفهله ع الواحدة علشان يشوف شغله تمام " طلعت المشكلة فى الأسبراتير وخليته ظبطه وبقت تمام وقولت برضه اجرب موضوع هز الموتور ده ولقيت ان الشداد بيودع روحت مغيره بالمرة والنتيجة ان الرجة اختفت كأن شيئا لم يكن على فكرة هو بعد ماظبط الأسبراتير الرجة راحت والعربية رجعت زى الأول على الرجة الخفيفة اللى كانت فيها من الأول بس بعد تغيير الشداد اختفت نهائى والف شكر مرة تانية ملحوظة كويسة جدا بعد ما قريت رودوكم وروحت للميكانيكى وابتديت اتكلم معاه واقوله على ارائكم وطلعت عينه لقيت الميكانيكى اتعدل معايا وشاف شغله صح ولقيت الصبى بتاعه بيقولى بينى وبينه " عارف لو الأسطى لقاك مبتفهمش فى الميكانيكا كان طلع عينك وفتح لك فتحة كبيرة" وبصراحة فى اللحظة دى قولت لنفسى يعنى الواحد لو راح من نفسه كان عمله شغلانة علشان كده والله انا بحب المنتدى ده جدا وكل اعضاؤه اللى بجد رجالة على حق |
رد: أستاذ اللى يقولى حل المشكلة دى
:Bravo::Bravo::Bravo:
|
رد: أستاذ اللى يقولى حل المشكلة دى
حمدالله على سلامة العربية يا مايو ربنا يباركلك فيها يارب :fun_36_3_11[1]::fun_36_3_11[1]:
|
| الساعة الآن 12:24 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017