رد: مشكلة بعد ما غيرت زيت الباور (ارجو الأفادة من خبراء الأسبرانزا)
 

انا عملت كل الخطوات
والزيت نقص
وبدأت أزود
والصوت راح شوية
وبعدين نزلت العربية ومشيت بيها
الصوت رجع تاني
وفتحت الكبوت لقيت الزيت فاير وطالع من العلبة
وبعدين كررت التجربة تاني
وحصلت نفس الحكاية لما مشيت بالعربية
انا زهئت خلاص ومش عارف اعمل ايه

رد: مشكلة بعد ما غيرت زيت الباور (ارجو الأفادة من خبراء الأسبرانزا)
 

انا كدا زعلان جدااااااااااااااا
اخي معلش انا بحاول اساعدك علي قد كلامك
طيب لما انت عملت التجربة الصوت راح خالص
وفي المرة الثانية كان اية الاخبار
انت زوت الزيت حتي max level ولا بعدية
وبعدين مكانش في لزوم ان الميكانيكي يفك علبة الزيت من اساسة
كان من المفترض ان هوا يفك الوصلة الي عند الطرمبة
عامتا انا خايف ان الصوت راح بعد التجربة ورجع تاني ان يكون في تسريب من رباط العلبة
اوفي الوصلات مما يؤدي الي سحب هوا
برجاء نظف الماكينة من الزيت الي فار واتأكد من عدم وجود فقاقيع هوا داخل علبة الزيت وانت مدور الماكينة
او وجود نقص مستمر
او سماع صوت سحب هوا
هياعلبة الزيت موبيل لونها احمر وكان ثمنها كام

رد: مشكلة بعد ما غيرت زيت الباور (ارجو الأفادة من خبراء الأسبرانزا)
 

متابع
مش المفترض ان زيت الباور ما بيتغيرش

رد: مشكلة بعد ما غيرت زيت الباور (ارجو الأفادة من خبراء الأسبرانزا)
 

أولاً كتر خيرك انك بتساعدني
بس انا مخنوق من الي بيحصل في العربية
علبة الزيت لونها رصاصي ب45 ج:
وبكرر شكري ليك ولو ينفع اكلمك على التليفون أكون شاكر جداً وده رقم تليفوني :fun_11_15_21[1]:01111316316

رد: مشكلة بعد ما غيرت زيت الباور (ارجو الأفادة من خبراء الأسبرانزا)
 

انا تحت امرك ونفسي اساعدك و اسمع خبر خير ان شاء الله
علبة الزيت الرصاصي انا لسة حتطها في عربيتي وكويسة
وطمني عليك انا مستنيك

رد: مشكلة بعد ما غيرت زيت الباور (ارجو الأفادة من خبراء الأسبرانزا)
 

بص يابرنس
لازم تفرغ الهواء اللى فى الدايرة
ببساطة شديدة وحتعملها انت بسهولة من غير صنايعى

لانى انا بعملها وطلعت الهواء من دايرة الدبرياج ودة اصعب

بص بقى
هات معاك عبوة من زيت الباور بتاعك على شان النقص تعوضة

1- حتفك خرطوم الراجع بتاع الباور والعربية مطفية
2- الزيت حينزل طبعا مش كلة
3 - حتحرك الدريكسيون بعد التشغيل بخفة
4- تعوض الزيت من القربة
وهكذا لغاية ما الدريكسيون يبق مظبوط
5- لرجع الخرطوم الراجع
6- زود الزيت حتى المنسوب المطلوب

رد: مشكلة بعد ما غيرت زيت الباور (ارجو الأفادة من خبراء الأسبرانزا)
 

شكراً للأستاذ amr elsisi و الأستاذ haninatoon
أولاً المشكلة اتحلت والحمد لله
بفضل الله وبفضل خبرتكم
لكن المشكلة كانت في مسمار عند ماكينة الباور أسفل كمبروسر التكيف
ودة شكلة