رد: نقل الرخصة من اوسيم
 

نصيحتى ليك حتى لا تتعرض لما تعرضت له انا... الا تتعامل الا من داخل المرور فقط ومن خلال الشبابيك الخاصه بالمرور ولو حد جه يقولك انا هخلصلك الورق واقعد على القهوه وفتح دماغك .حتلاقى نفسك دافع فلوس وبرضه هتمشى مع اللى ما دفعش كده هتنتظر وكده هتنتظر ....والنصيحه الاكبر لازم تلحق دورك بأنك تروح بدرى ساعه يعنى على الساعه سبعه نصف علشان الطابور ....والموظفين بيجوا على الساعه تمانيه ونصف ويبدأو يشتغلوا تسعه ونصف وربنا معاك ويقويك .......وربنا يخليلنا مصر أم الدنيا اللى فيها العجب

رد: نقل الرخصة من اوسيم
 

وأوسيم دى تلاقيها بعدمحطه أتوبيس البراجيل تدخل بعدها يمين وتخليك ماشى طوالى لحد ما تلاقى يافطه مكتوب عليها مرحبا بكم فى مدينه أوسيم ...........وكل ده فى مركز امبابه[

رد: نقل الرخصة من اوسيم
 

أنا اشتريت عربيتي السنة اللي فاتت وكانت أكبر غلطة غلطها في حياتي ولسة مش مسامح نفسي عليها لليوم هي اني رخصت في مرورأوسيم و مرور أوسيم يا اخواني هو عبارة عن فرع للمافيا في مصر بقيادة المقدم طارق نور الدين مدير المرور وحتي أصغر سايس واقف برة ياخد منك 2ج علشان تقف في الفحص ؛ المهم ترخيص عربيتي هيخلص شهر8 الجاي ولغاية دلوقتي أنا حامل هم اليوم اللي هرخص فيه بعد سنة . أنا حاليا مقيم في الاسماعيلية كل الحاجات اللي حضاراتكم اتفضلتوا وألتوها عشان تجديد الترخيص موجودة باستثناء العقد وشهادة البيانات لان كل الحاجات دي زي ما أنا فاكر بتتسلم في ملف المرور يعني كل الحاجات دي عندهم في مرور أوسيم , المهم دلوقتي اني عايز أروح أوسيم دي مرة واحدة بس مش عايز أدني رايح جاي عليها لأنها أسوأ أنواع العذاب.

السؤال الأهم : العربية مترخصة باسمي وفي الاخر بولاية والده ...؟ أنا هتم 21 سنة كمان شهر هيبقي ايه موقفي في الترخيص هل هحتاج الوالد معايا مع العلم ان الوالد مسافر وما بيجيش مصر الا نادرا ...؟؟؟وحتي لو جه مش هيرضي يروح معايا أوسيم لو هيدولوا 1000000000000000000000 جنيه هههه ...؟؟ أرجو سرعة الرد وهكون عاجز عن الشكر..

رد: نقل الرخصة من اوسيم
 

ظلمت المقدم طارق نور

والله انا نقلت من مرور مصر الجديده لمرور أوسيم دخلت عند طارق نور راجل محترم ومش متكبر وبعد فوات 3 سنين روحت اجدد الرخصه دخلت عنده الراجل مبتسم ومفيش اي مشكله منه

لكن باقي افراد المرور كل كلمه لازم تدفع

ماعدا راجل واحد بس والله العظيم اللي بيختبر العربيه بيحط جهاز في الشكمان اختبار العادم بعطيه فلوس رفض نهائي وده من الناس النادره في الزمن ده

رد: نقل الرخصة من اوسيم
 

والله يا مان من كتر اللي الواحد شافه هناك بطل يميز بين الحلو والوحش هو المقدم طارق نور الدين راجل محترم جدا جدا بس المشكلة الوحيدة ان كل المهازل اللي بتحصل في المرور بتحصل بعلمه ربنا يستر علينا.. بس السؤال لما جيت تجدد في أوسيم الموضوع أخد معاك وقت أد ايه ..أكتر من يوم ولا في نفس اليوم؟؟؟وتعبوك ولا ايه......

كل عام وأنتم بخير