المشاركة الأصلية كتبت بواسطة hisham853 (المشاركة 639523) راي حضراتكم اشوف التوكيل ولا اصلح بره مع العلم باني في بلد غريبه و معرفش حد كويس او صنايعي نضيف و شكرا لتعبكم معايا

والله دى ياباشا حاجة ترجعلك
هو شغل التوكيل ماتقدر تتكحم فيه وكمان تكلفته هتكون ضعف العادى وده أساساً لو كان التوكيل فيه قسم سمكرة ودوكو وده مش فى اى توكيل

يعنى انت مش هتقدر تقول للصنايعى فى التوكيل ردهالى عالبارد وكمان ماتقدرش تقوله ظبطهالى بحيث انى مارشش لأنه هو مصلحته يعمل ده كله وكمان هو مايقدرش يطلع شغل نص ونص "ده على كلامهم" حتى لو صاحب العربية طلب

ده غير بقى ان فى الواقع العملى شغل التوكيلات كله زبالة وكله اخلع ركب وشكراً ومافيش تصليح ده غير النصب بقى والفواتير العالية عشان نريح الزبون !!!

فانا من وجهة نظرى ياتروح تسأل حد ثقة فى منطقتك على صنايعى بيفهم يا أما تروح حوالين منطقة التوكيل هتلاقى فيه ورش تعديل وتظبيط وبيبقى 90% منهم شغلهم ممتاز
ياأما بقى فى حل أحسن لكنه هيكون مكلف شوية .. أنك تروح لأى مركز تعديل سيارات يكون مشهور زى اللى فى الحرفيين مثلاً .. بس دول بيبقوا عاملين نفسهم توكيل
هههههههههههههه

وربنا يعدى الحوار ده على خير وبإقل خساير وتكلفة بإذن الله

المشاركة الأصلية كتبت بواسطة ManOs Nitros (المشاركة 639780) يا ريت تعملها فى التوكيل :w6w200504111340266d

ماهو التوكيل مش هيطلع العربية بفاتورة أقل من باكو مرتاح
ده غير انه هيرش الباب كله ده أكييييييد

يعنى هيقلك 500 سمكرة ودوكو "ودول ترش بيهم عربية مش باب "
350 مفصلة باب خلفى " ودول تجيب بيهم قشرة باب جديدة "
300 مصنعية " ودول ماتديش نصهم للسمكرى"
وأخيراً هيضيفلك أشى كوالين وصدادات على طقم كاوتش " مع انها سليمة"

وآدينى قدام الناس أهوه بقلك ماهيطلعوك بأقل من باكو
هههههههههههههههههههههههه

مافيش مرة اودى العربية وأطلع مقايسة إلا لما يترصلى ب7 ولا 8 ألاف جنيه حجات والله بيبقى معظمهم مغيره فى فرع تانى ماكملتش شهرين
ههههههههههه

يعنى عند آخر مرة بقولهم صلحوا الريديتير عشان مخروم وبيفضى المية لو العربية أتركنت مدة وكده

أبص ألاقيهم غيروه كله أساساً وبعتولى قال ايه عاوزين مروحة جديدة لأن القديمة قال ايه قفشت !!
كنت عاوز أسبسبلهم والله بس قلت اهو الواحد مش بيتعلم بالساهل
ههههههههههههههههههههههههه