رد: ايه رايك الاصدقاء فى السيراتو ولا الاكسنت2012
 

الاكسنت افضل لانها نفس الموتور و وزنها أقل و اعلى فئة منها ارخص من اعلى فئة فى السيراتو و الثبات متقارب جدا فى الاتنين

رد: ايه رايك الاصدقاء فى السيراتو ولا الاكسنت2012
 

اعتقد ان السيراتو فئة اعلي من الاكسنت و اكبر و اوسع منها
الاكسنت تتقارن بكيا ريو
الشكل وجهات نظر مقدرش اقولك مين شكلها احسن
اعتقد سيراتو افضل
و حاول برضه تسوق الاتنين مع اي حد معرفه او صديق و علي حسب ما ترتاح .
ربنا يوفقك للخير
و مبروك مقدما

رد: ايه رايك الاصدقاء فى السيراتو ولا الاكسنت2012
 

شكرا يا هشام على مشاركتك ومشاركت كل اللى شاركونى الراى وعقبال ما ابارك لكم كلكم لما تغيرو انا اشتريت السيراتو تحفه الفتيس الجديد مخلى العربيه حكايه لكن العفشه زى ماهى رغم انى جايب الجنط ال15 وكمان العربيه كويتى ولكن وفى حكايه ليه انى استلمت العربيه من يوم 1 ابريل ولليوم لم ارخصها علشان غلطه فى اخر رقم فى بصمة الموتور ودىة غلطة اللر رفع البصمه فى المينا ورجع الورق تانى للمينا وهيتصلح وهيرجع على المرور المركزى فى مدينة نصر وبعد كده هيروح على مصر الجديده عشان يطلعو التعديل بالرقم الخطأ وهو الرقم الاخير شوفتو البلد الجميله اللى احنا فيها ادعولى ربنا يكفينا شر عيون الناس ويسر الامور وينتهى الموضوع فى اقرب وقت

رد: ايه رايك الاصدقاء فى السيراتو ولا الاكسنت2012
 

مبروووووووووووووووووك اولا
ويكفيك شرها زان شاء الله الموضوع هيتحل:fun_36_3_16[1]:

رد: ايه رايك الاصدقاء فى السيراتو ولا الاكسنت2012
 

:fun_36_3_9[1]:ركبت النمربأربع مسامير بعشرين جنيه البلطجيه عاملينها تسعيره
الزيرو بعشرين ولاد التيت وغير الهبل اللى انا شوفتو كمية العربجيه والاشكال اللى تقلقك مالهاش حل واشكال مليانه بيشل فى وشوشها حاجه عجيبه والداخليه سايبه الاشكال دى ازاى ماتعرفش وتحس ان الواحد بقى فريسه للكل كل واحد عايز يهبش اللى فى جيبك وكلهم بيصرفو على يتامى وكلام رعاع ماتفهمش وبعد عناء ثلاث ساعات اخير ظهرت الرخصه والبيه المندوب بديلو 200جنيه مش عاجبو وهو ولا عمل حاجه ولا حرك ساكن من مكانو ووقنا طوابير فى كل شىء وانا طبعا متبهدل معاه وكلام المعرض اللى اشتريت منو كلام ايه يسهلك كل حاجه وبعد البيع انسى معرض سىء جدا
ومستوى سىء فى التعامل بعد ماممسكو الفلوس فى ايديهم والله انصح الجميع بعدم التعامل معاهم فى معرض u 2 فى مصر الجديده من اول صاحبو ومدير المعرض ولحد بتاع التراخيص حاجه مش ممكن اتصل بيهم عشان يتصرفو فى مصيبة البصمه بتاعت الموتور وهما ولا يردو وحاجه زباله اسف على التعبير لمقامك الرفيع لكن والله كانت تجربه سيئه من معرض يدار بشكل ولا سوق العاشر لدرجة لما جيت استلم العربيه كان مدير المعرض عايز يبدلها بواحده تانيه ونا كنت قارى كل حاجه فيها ودفعتلهم ثلاثون الف عربون لحد مايظبطو ورقها واسلمهم الباقى ولكن تقريبا كان فى شىء فى نفس ابن يعقوب واخدت اللى شوفتها من الاول ولكن اتمنى ان لايمر احد من هذا المنتدى بتجربت الشراء منهم لتلاعبهم فى كل شىء لدرجة انهم طلبو الايصالات الخاصه بالدفع لمبلغ ال 110000 الف واديتهم للمندوب النحس بتاع التراخيص اللى وقعت فيه ويلا كانت واقعه شوفت بقه رحلة عذاب لشراء سياره حاجه تضحك لما وصلنا اليه من تخلف ولف ودوران يلا لا يسعنى غير انى اشكرك بجد على مشاركتك الرقيقه وعقبال ما اباركلك انت كمان وربنا يوسعها علينا وعليك بكل خير

رد: ايه رايك الاصدقاء فى السيراتو ولا الاكسنت2012
 

مبروك عليك العربية ويديك خيرها ويبعد عنك شرها والحمد لله ان المشكلة اتحلت :iloveyou24:

رد: ايه رايك الاصدقاء فى السيراتو ولا الاكسنت2012
 

الف مبرووك على السيراتو ربنا يديك خيرها ويكفيك شرها

تقبل تحياتى