مصر موتورز مجتمع السيارات - الحقوووووووووووووووونى... ! مخى هيولع

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - الحقوووووووووووووووونى... ! مخى هيولع (https://www.masrmotors.com/vb/showthread.php?t=82259)

رد: الحقوووووووووووووووونى... ! مخى هيولع

اقتباس:

المشاركة الأصلية كتبت بواسطة احمد المايسترو (المشاركة 637667)

شكر وتقدير لك اخى الكريم

انا عارف وفاهم الكلام الى حضرتك قلته وانا خلاص ان شاء الله ابقى اجيب شيفروليه لانوس لانى كل ما اتمشى بقيت ابص على العربيات لقيت كل الناس جايبها -انا ما يهمنيش انى ابقى مختلف - بالعكس ده طمنى انها كويسة الا ما كنش كله يحب يجيبها بس ممكن سوال اخير هو فى فرق بين دايو لانوس وشيفروليه لانوس ؟وبين 2010 و2011 ؟ ولا كله واحد

:ff5a34af6efef0e643e

طبعا فى فرق
دايو لانوس كان في منها تقفيل كورى وكانت عربية تحفة وحتى المصرى اللى كان ابو الفتوح بيقفلها لغاية 2008 كانت حلوة لانها كانت مكونات كورى انما شيفروليه لانوس الجديدة زبالة لانها بقت مكونات صينى والمكنة بتتقفل فى رومانية وليست كورى والصراحة باظت من ساعة توكيل منصور مقفلها فنصيحة ابعد عنها ولو كدة جيب اللوجان انظف 100 مرة من اللانوس

رد: الحقوووووووووووووووونى... ! مخى هيولع

اقتباس:

المشاركة الأصلية كتبت بواسطة AboNoRa (المشاركة 637565)

صلى بينا على النبى ( علية الصلاة والسلام ) ... وركز معايا

فيه فرق ما بين مواقع انترنت قائمة على مجموعة خبراء ومتخصصين بيجيبو العربيات ويعملولها اختبارات ومقارنات ودراسة وتحليل وو ويعملو عليها تقرير فى الاخر وتقييم وده بيمثل رأى الموقع وخلاص
وده الاسلوب الصحفى المتخصص واللى متبع فى المواقع الانجليزية والامريكية المشهورة والعريقة واللى غالباً بتستند الى مجلة او برنامج تليفزيونى معروف بيدى التقييم ده المصداقيه عند الناس

وفيه مواقع اجتماعية زى موقعنا ده قائمة على اراء الناس وتجاربهم وحوارتهم وفيها كل واحد بيكتب اللى هو عايزة لدرجة ان فيه واحد قال على عربيه ان بيبانها بتطير فى الهواء مع المطبات وفيه ممكن يقولك الموتور عفشته قافشه
طبعاً مش كل الناس ولا غلبهم بالشكل ده ديه بتبقى نوادر بس القصد ان وارد اى حد يكتب اى حاجة واحنا دورنا نتناقش ونصحح للناس بس لازم نسيب مساحة حرية كاملة لما يسمى رائى شخصى

ايه بقى الراى الشخصى ده ..
يعنى واحد راكب عربيه لوجان وشايفة احسن عربيه فى الدنيا
ليه يا عمنا علشان عربيه ثابته وكفايه انها اوروبى وعربيه مميزة مش منتشرة فى كل حته لدرجة انها بقت تاكسى ده غير انها واسعة من جوة وفيها اوبشن ووسائل امان
ده رائيه وليه حق فيه لان ترتيب اولوياتة كده

او واحد تانى ترتيب اولوياته عربيه اقتصادية فيقول الانوس اجدع ناس
ليه يا عمنا يقولك علشان بتمشى باى بنزين وقطع غيارها عند البقال بتلت تعريفه وصيانتها كل الميكانيكة حافظها وفوق كل ده وده عربيه متجربه بقالها سنين وايام وبياعه يوم ما ابيع همسك فلوس بسرعة ومش هخسر فيها كتير
برضو عندة حق لان ديه اولوياتة

وممكن لو اولوياته بين البينين فيقولك لاء حاسب الفيرنا هى التوب الجامد
ليه يا عم الحج .. يقولك مكنة 1600 موتور عفى يشد مع اى عربيه حاجتها موجودة فى كل حته وغبور بقى مننا وعلينا واحدث كتصميم من لانوس

وهكذا كل واحد بيشوف من وجهه نظرة هو
وبناء على اولوياتة هو اللى بتخلى ميزة عندة هى اهم حاجة فى العربيه
ونفس الميزة ديه عيب عند واحد تانى
او عيب بالنسبالة هو اسواء حاجة فى العربيه ونفس العيب ميهمش حد تانى

طبعاً انا معاك ان ده بيبقى مربك فى البداية بس مع الوقت بتبداء تفهم كل واحد بيفكر ازاى وتحس مين بيفهم ومين بيفتى ومع القرايه والسؤال والاجوبة بتلاقى نفسك بتفهم احسن حتى من الصحفيين بتوع النوع الاول من المواقع

احنا موقع اقرب للنوع التانى وهدفنا اننا نتفاعل مع بعض ومع كل مجتمع السيارات ونستفيد من تجارب الناس ونفيد الناس بخبراتنا

وفى النهاية اول واهم درس لازم نتعلمة ان مفيش عربيه افضل على الاطلاق
لكن فيه عربيه الانسب على الاطلاق وده بيبقى بناء على متطلباتك وترتيب اولوياتك زى ما شرحت

معلش طولت عليك ويارب اكون افتدك GIFT4U

مفيش بعد كده
اهم حاجه هي اولوياتك
وربنا يوفقك للافضل
ولا تنسي تصلي استخاره

رد: الحقوووووووووووووووونى... ! مخى هيولع

اقتباس:

المشاركة الأصلية كتبت بواسطة bunnybunny77 (المشاركة 637709)

اولا ابونورا قال فى تعليقه كل اللى كان نفسى اقوله
و بعد كده احب اقولك فى ناس بتقول ان الشيفروليه لانوس الاجزاء الصينى فيها كتير و اكتر من الدايو اللانوس اللى كانت كوري فى معظمها
و ان هذه الاجزاء عرضة للاعطال المتكررة و من اهم هذه الاجزاء طرمبة البنزين و بعض مكونات الدبرياج و الكهرباء (ده كلام سواقين التاكسى اللى ركبت معاهم)
*و انا رايى تستغل التخفيض اللى على الفيرنا(4 الاف جنيه) لان ماتش اللانوس و الفيرنا خلصان تعادل من زمان مهما ناقشنا(انت ماجبتش سيرة ال(byd f3) ,و انا بردو مش هفتحها)

*موتور الفيرنا احدث و اقوى و الهيونداى هى الشركة الكوريه الاكبر

و قطع الغيار فى الاثنين متوفرة و باسعار معقولة

يبقى انت الاولى بال 4 الاف اهم يساعدوا فى ترخيصها و الباقى يغطى الصيانات لفترة طويلة باذن الله
اتمنى لك التوفيق و مبروك مقدما.

شكرا جدا على الرد وفعلا هو تقريبا كل الناس معاها دايو لانوس مش شيفروليه لانوس طاب هو فى دايو لانوس زيرو دلوقتى ولا خلاص بطلت تتباع؟

وبالنسبة لل4 الاف جنيه لانوس برضوا نازل عليها نفس العرض وانا مبتدئ فى السيارات ممكن اعرف ايه تانى محتاج اصرفه اول ما اجيب العربية عشان احسب كويس معلش بس هتعبكم معايا....

اقتباس:

المشاركة الأصلية كتبت بواسطة tonsy1979 (المشاركة 637794)

شكرا جدا جدا على الرد
وفعلا طلع صح كلام حضرتك بس انتوا كده حيرتونى لوجان احسن ولا فيرنا ؟

ممكن سوال اخير ازاى اعرف نتيجة الاستخارة فى حالة زى دى؟

......................... ......................... ......................... ................

رد: الحقوووووووووووووووونى... ! مخى هيولع

بسم الله الرحمن الرحيم

انا لقيت العيوب دى عن الفيرنا فى احدى المنتديات
المكتوب بالاحمر ده تعليقى انا

عيوب السيارة هيونداى فيرنا 2011 :
1- صاج ضعيف. طاب انا لسه مبتدئ كده السيارة هيبقى شكلها سيئ

2- فرامل ضعيفة جدا لا تتناسب تماما مع قوة المحرك التى تغرى الكثيرين للانطلاق.

طاب افرض طلعلى توكتوك كده مرة واحدة خصوصا انهم بيسوقوا ولا على بالهم ايه ممكن يحصل

3- المساحة الداخلية صغيرة جدا حيث لا تتسع السيارة الا لاربع اشخاص متوسطى الحجم و الطول بما فيهم السائق.

انا مش بحب العربيات الضيقة خالص

4- السيارة خفيفة جدا و خاصة على السرعات العالية حتى ان السائق يضطر الى اغلاق جميع النوافذ ان اراد تخطى سرعة ال 100 كم/س.

دى مش مهمة اوى عشان عمرى ما هوصل نفسى لل100

5- ارتفاع السيارة عن الارض لا يتناسب اطلاقا مع الطرق المصرية و يقل هذا الارتفاع كثيرا مع زيادة حمولة السيارة و غالبا ما تحتك بالمطبات

طاب البلد يمكن ما فيهاش ولا شارع بدون مطبات العربية هتتدمر كده

6- الخامات المصنعة منها السيارة و خاصة خامات الصالون و التابلوه رديئة مقارنة بالسيارات المنافسة.

دى مش محتاجة تعليق

7- يضطر معظم مشترى هذه السيارة الى تغيير الاطارات حيث تباع هذه السيارة بنوع ردئ من الاطارات مما يسبب رجرجة السيارة و بالتالى عدم الثبات.

طاب انا يدوبك هقدر ادفع المقدم وهحاول اشوف ايه تانى محتاجاه مش كمان اغير الاطارات

8- السيارة تفتقر تماما لعوامل الامان بدءا من الصاج الخفيف و الفرامل الضعيفة جدا و عدم اتزان السيارة و عدم وجود واسائد هوائية.

برده دى باينة قلت انى مبتدئ كده دى ما تنفعنيش ابدا

9- هناك شكاوى كثيرة من الوكيل المحلى للسيارة و تدنى فى مستوى خدمة ما بعد البيع و اسلوب التعامل حتى اطلق عليه الكثيرون لقب الوكيل الاسوأ فى مصر
كده بقى اظن ان ما ينفعش اجيبها ابدا ال4 الاف الى نازلين من تمنها هدفعه تصليحات فى اول ايامها

ولو فى حاجة قلتها عنها غلط يا ريت حد يوضح

رد: الحقوووووووووووووووونى... ! مخى هيولع

اقتباس:

http://www.masrmotors.com/vb/images/icons/hot-news2.gif الحقوووووووووووووووونى... ! مخى هيولع

أهم من دا كله

مقولتليش يا أبو حميد

أخبارك إيه فى السواقه حاليا ...........؟

رد: الحقوووووووووووووووونى... ! مخى هيولع

انا خلاص هخلى ابن خالى يعلمنى هو معاه دايو لانوس 2009
او واحد صحبى برده عايز يعلمنى على عربيته بيجو 504
الاتنين حلوين فى السواقة ابقى اختار حد فيهم يعلمنى

انا الحمد لله عرفت كتير عن العربيات وبقيت كويس فيها ونزلت برنامج 3d driving school
بتدرب عليه تسليه عشان اعرف القوانين

ممكن سوال هو دلوقتى بيتباع دايو لانوس 2009 زيرو ولا ما ادورش مش هلاحقى عشان كلام الاخ قلقنى حول انهم خلو اغلبها صينى ولا عادى اتكل على الله واجيب شيفروليه لانوس ls وخلاص

رد: الحقوووووووووووووووونى... ! مخى هيولع

اقتباس:

ممكن سوال هو دلوقتى بيتباع دايو لانوس 2009 زيرو ولا ما ادورش مش هلاحقى

معتقدش

ولما تشترى زيرو ( أى طرازسياره )

خليك دايما مع الحاجه الطازه

لأن ركنت العربيه وهى جديده بدون إستعمال

( غير محبب فنيا وله مرود سيىء على مكونات السياره وخصوصا المحرك وعناصر التحميل الدواره زى رولمانات البلى وخلافه )