رد: طلب عاجل لاصحاب الخبرة فى مجال الليدات
 

المقاومة الى تتوصل مع الليدات تبدا من330 اوم ولغاية واحد كيلو اوم على حسب عدد الليدات الى انت موصلة ود هيفرق معاك فى شدة الاضاءة
واتمنى ان تكون هذة الاجابة كافية للغرض وارجو من اللة ان اكون قدرت اساعدك :waving::waving::waving:: waving::waving:

رد: طلب عاجل لاصحاب الخبرة فى مجال الليدات
 

شوف انت هتستعمل قانون اوم بس لازم تكون عارف الحاجات دى وهى
1- جهد المصدر اللى هو البطارية 12 فولت
2- تيار الليدات وده هتلاقيه بالامبير
3-الجهد المطلوب لأضائة الليد (3 فولت فى الغالب)
* طريقة الحساب لواحد ليد
المقاومة = ( جهد المصدر - جهد الليد ) / تيار الليد
مثال
جهد المصدر 12 فولت
جهد الليد 3 فولت
تيار الليد 30 مللى امبير أو 0.03 امبير
المقاومة = ( 12-3) / 0.03 = 300 اوم
خلى بالك لازم التيار يكون بالامبير لو كان بالمللى تقسم على 1000
* طريقة الحساب لـ 3 مقاومات على التوالى
جهد المصدر 12 فولت
جهد الليد الواحد 3 فولت مجموع جهد الليدات ( 3 * 3 = 9 )
تيار الليد الواحد30 مللى امبير أو 0.03 امبير
المقاومة = ( جهد المصدر - جهد الليد ) / تيار الليد
فى الحالة دى هنجمع جهد الليدات ونعتبره جهد الليد وبالنسبة للتيار مش هنجمع
المقاومة = ( 12-9) / 0.03 =100 اوم
يعنى كل 3 ليدات على التوالى يركب قبلهم مقاومة 100 اوم
توصيلة التوالى
طرف البطارية الموجب مع طرف المقاومة والطرف الاخر من المقاومة مع طرف الليد 1 الموجب وطرف الليد 1 السالب مع طرف الليد 2 الموجب وطرف الليد 2 السالب مع طرف الليد 3 الموجب وطرف الليد 3 السالب مع طرف البطارية السالب
معرفة اطراف الليدات السالب والموجب
بص كويس داخل الليد هتلاقى الطرفين من جوه واحد كبير وفيه زيادة ومايلة على الطرف التانى وهو ده الطرف السالب
الطرف اللى مفيهوش زيادة خالص وهو ده الطرف الموجب
وارجو انى تكون عمت الفائدة وتحت امرك فى اى استفسار

رد: طلب عاجل لاصحاب الخبرة فى مجال الليدات
 

فى حاجة نسيت اقولك عليها
توصيل اطراف المقاومة اى طرف مع البطارية والتانى مع الليدات
توصيل التوازى هيتطلب منك لكل ليد مقاومة ودى هتكون تكلفة ومساحة زيادة علشان كده التوالى افضل ومتنساش تبقى تحط فيوز حماية فى الاولى قبل المقاومة على طول وتحياتى لك

رد: طلب عاجل لاصحاب الخبرة فى مجال الليدات
 

الله ينور عليك :018A1D~146: ... تمام كدة

رد: طلب عاجل لاصحاب الخبرة فى مجال الليدات
 

ربنا يكرمك ...

انا استفدت من الى حضرتك قلته جدا و خاصة موضوع فرق الجهد و طرح جهد الليدات من الجهد الكلى
:018A1D~146:

رد: طلب عاجل لاصحاب الخبرة فى مجال الليدات
 

لون الليد الجهد المطلوب
احمر 2.00
اصفر 2.1
اخضر 2.2
ازرق 4.5 وفى نوع 3.3
ابيض 3.3

بالنسبة للازرق ايتدى الاول على جهد 3.3
معظم الليدات تستحمل لحد 30 مللى امبير ما عدا الاخضر 25 مللى امبير انت خليك فى المعقول واحسب فى قانون اوم الامبير على اساس 20 مللى امبير
* للعلم فقط تيار البطارية مش مهم بالنسبة لليدات لان المقاومة بتعمل كبح للتيار يعنى مبتخليش التيار يعدى لا المسموح بيه فقط
* لو معرفتش القطب السالب والموجب لليد ممكن تعمل تجربة بسيطة على حجر بطارية 3 فولت ومش هيحرق لك الليد

رد: طلب عاجل لاصحاب الخبرة فى مجال الليدات
 

متابع .....