رد: عاوز نصيحة فى المقلب اللى أخذته
 

لا حول ولا قوة الا بالله العلى العظيم
اخى العزيز انا كان عندى المشكله دى قبل كدة وسمعت كلام الورشة وهى مكان كبير بصلح حتى سيارات التامين وللاسف بعد سنة ظهرت تانى بعض اثار البارومة مع انه قال انه حرق وصنفر ومش عارف ايه طالما الحديد عندك اتفشفش انا من راى تبيع احسن والله اعلم

رد: عاوز نصيحة فى المقلب اللى أخذته
 

خصوصا موديا عربيتك مش قديم وتقريبا فى السنين دى العربيت معظمها كانت بتنزل متجلفنة بالزنك تماما يعنى الواضح انها فيها مشكله والله اعلم وربنا يعينك

رد: عاوز نصيحة فى المقلب اللى أخذته
 

السمكرى بيقول لى المنطقة دى اكثر السيارات بتصاب بالصداء فى المنطقة دى اللى هى حولين الكوتشات نتيجة ترطشة الماية فى الشتاء. وتراكم الطين والماية هى اللى بتسبب الصداء والبارومة. انا مش غسلت العربية خالص فى المنطقة دى وفيها شوية طين. انا مش عارف ايه السبب فى البارومة دى وخاصة ان العربية 2001 ووارد كوريا وكل حاجة فيها كويسة ولكن الخبطة فى الحته الرفيعة دى فوق الكاوتش بالضبط كشفت الصداء والهيكل كان زى البسكوت انا هعمل اللى باين وخلاص ولما تظهر حاجة ابقى اغير الجنب كلة فى المستقبل

انا خايف من حاجة واحدة وهو الدهان. العربية ميتالك فستقى ومش عارف الراجل هيضبط اللون ازاى وهل هيكون هناك اختلاف؟؟

رد: عاوز نصيحة فى المقلب اللى أخذته
 

لأما تقلقش من درجة اللون ده بيبقى كمبيوتر وكل حاجة معروفة
وبعدين ممكن العربية تاخد حزام من غير السقف والكبوت
بس بعد ما تركب الرفارف الجديدة لازم تجيب كرتيرات المياة للعجلات عشان متعبيش مية وطين وتعمل برومة تانى
أكيد العربية دى ما اتغسلتش من تحت من 2001
تملى تخلى العربية مفيهاش طين من تحت
وخصوصا من عند العلب والباكتات
تقبل مرورى