رد: فصل الموبينة بالارضى
 

3- ملف الأشعال ....البوبينا
عباره عن محول كهربى ....يقوم بتحويل جهد البطاريه المنخفض (12 فولت )
الى الجهد العالى الازم للأشعال ...وتتراوح عملية رفع الفولت داخل البوبينا من 15 - 25 ألف فولت كهربى
يتكون من رقائق من الحديد المطاوع ( القابل للمغنطه المؤقته ) ....حيث يتم لف ملفات الملف الثانوى للبوبينا ذو المقطع الدقيق للغايه حول هذا القلب ....وتكون ملفات الملف الثانوى مصنوعه من النحاس المعزول بماده عازله مناسبه لتحمل درجات الحراره الناتجه من مرور التيار العالى فى الشده داخل ملفات الملف الثانوى
فوق الملف الثانوى يقع الملف الأبتدائى ذو عدد اللفات القليله ومقطع السلك الكبير
حيث يصنع من سلك نحاسى أيضا ذو قطر أو مقطع أكبر
يوجد بداخل بعض ملفات الأشعال (البوبينا ) زيت بهدف تبريد الكويل بسبب تأثير الحراره الغير مرغوب فيها على ملفات الكويل ....وذلك حيث أن مرور التيار يولد حراره غير مرغوبه ...تؤثر على العزل الكهربى للملفات

أذا الحراره مش كويسه على البوبينا ....علشان كده بنلاحظ أن أكتر حاجه بتؤثر على آداء البوبينا هى الحراره
علشان كده بنحط فوطه مبلوله على البوبينا .....علشان نعرف العيب منها ولا لا ....
لما بنلاقى صعوبه فى الدواره والمكنه ساخنه
لأن معروف أن السخونه بترفع مقاومة الموصلات أو الملفات بصفه خاصه....ممايعنى مقاومه أكبر لمرور التيار ( حسب قانون أوم الكهربى )
http://i728.photobucket.com/albums/w...ystem-coil.gif


لما بيحط أرضى للبوبينا ....بيلغى مرور التيار الكهربى فى ملفات الملف الإبتدائى

ومن هنا

لاتتم عملية التحويل الكهربى بين الأبتدائى والثانوى

وطبعا لو كانت أطرافها الكهربيه متوصله ( القادم لها من البطاريه أو الكونتاكت )

فهنا الخطأ وممكن يقلل عمر البوبينا

__________________

لأنه بشكل عام ( حتى لو لغينا تفكيرنا )

أى شىء نغير من طبيعته

بيكون معرض للخطر

رد: فصل الموبينة بالارضى
 

موسوعة من يومك يا هندسة , ربنا يفتح عليك و يزيدك من علمه :GROWIN~12:

قصد حضرتك هنا اننا بنكون عملين شورت على الملف الابتدائى اللى هيودى لمرور تيار كبير فيه و يسخنه

رد: فصل الموبينة بالارضى
 

انا مركبة من 3سنين وملوش اى اضرار

رد: فصل الموبينة بالارضى
 

مش بالمعنى ده برضه ياأبو حميد

أوضحلك وجهة نظرى

البوبينا داخلها طبعا على الملف الأبتدائى كهرباء 12 فولت وده يعتبر موجب

لما الباشا يروح موصل أرضى للبوبينا

بيروح واخد كهربة البوبينا ( الداخله ليها طبعا )

ويفرغها فى جسم العربيه كقطب سالب

ومن هنا بيختل عمل البوبينا وتتوقف عن إنتاج قدره من الملف الثانوى

وبالتالى تتوقف السياره

شغل لخبطه يعنى

واللخبطه زى ما أنت عارف

مش مطلوبه

وخصوصا فى شغل الكهرباء

------------------------

القصه دى عامله بالظبط

زى مايكون فيه واحد ماسك ورقه وقلم

وهو بيشخبط أساسا بالقلم فى الورقه

ويقوم مدعى أنه بيكتب قصيده من الشعر

رد: فصل الموبينة بالارضى
 

وصلت يا سمير باشا

:GROWIN~12: :GROWIN~12: :GROWIN~12:

رد: فصل الموبينة بالارضى
 

عارف

لو يفصل كابلات البوجيهات عن البوبينا ( زى عندنا فى الدايو مثلا )

أو يفصل من عند وش الأسبراتير ( فى أنظمة الأشعال ذات نظم التوزيع )

أو من عند البوجيهات عامة بهدف تبطيل إضطرارى للسياره

أفضل من موضوع الأرضى ده

رد: فصل الموبينة بالارضى