رد: الحمد لله ربنا كرمنى وجبت جيب شيروكى 96
 

الف شكر للجميع
يارب دايما الناس كلها تحب الخير لبعض:fun_36_3_9[1]::fun_36_3_9[1]:

رد: الحمد لله ربنا كرمنى وجبت جيب شيروكى 96
 

الف مبروك ... ربنا يديك خيرها و يكفيك شرها

خبرتى مش كبيرة اوى فى الشيروكى ... بس حقول لحضرتك على الى اعرفه

الدفع الرباعى ده معناه ان حضرتك ممكن تتحكم فى العربية و تخلى العجلتين الاماميتين يتحركوا فى نفس الوقت و السرعة مع العجلتين الخلفيتين
مكونات الدفع الرباعى :

فتيس غرز ... و ده بيبقى ملحق على الفتيس العادى ... و ممكن يتشال خالص من الفتيس .. و يتقفل مكانه
ععمود ادارة ( كردان الغرز ) و ده الى بينقل الحركة من فتيس الغرز للكارونة الامامية
الكارونة الامامية ( كارونة الغرز ) بتبقى زى الكارونة الخلفية تقريبا بس بتنقل الحركة للعجلتين الاماميتين

حاجة اخيرة ... لوك العجل .. و ده بيبقى كهربى اوتوماتيك فى الشيروكى .... و فيه عربيات تانية كتير بيبقى يدوى

حضرتك ممكن تتأكد من ان الحاجات دى شغالة و بعدين تركيب الكردان ده حاجة سهلة

فتيس الغرز عند حضرتك حتلاقى فيه عدة اختيارات :
2H و ده للمشى العادى ... بالعجلتين الى ورا
N و ده يمور الفتيسين ... يعنى ميخليش العربية تاخد غيار و لا حتى من الفتيس العادى
4H و ده يعشق فتيس الغرز على سرعة عالية
4L و ده التعشيق الى بيتقال عليه الغرز ... بيعشق العربية على سرعة واطيه بس بيبقى عزم العربية عالى .. بيفرق جدا مع العربية
السؤال .... هل عربيات الدفع الرباعى ممكن تغرز ؟؟!!
للأسف ... ممكن تغرز بمنتهى البساطة كمان
ليه ؟؟؟ مش ال4 عجلات بيتحركوا مع بعض ؟؟
ده لما يكون الحمل متساوى عليهم .... انما ممكن يحصل ان فيه عجلة امامية تحمل اكتر من العجلة التانية ... فالعجلة تلف على الفاضى ... و يحصل نفس الكلام مع العجل الخلفى
فيه حاجة اسمها كارونة لوك .... دى تخلى العجلتين يتحركوا مع بعض بغض النظر الحمل خف على واحدة منهم و لا لأ
على فكرة .. انا سألت على الكارونة دى قالولى ب 3000 جنيه !!!!
اهتم بغسيل العربية من تحت و بالتشحيم لصلايب الكردان ...
حضرتك لازم تنزل تحت العربية و تشوف الصلايب ليها مشاحم و لا لأ
و لو ليها مشاحم يبقى تخلى بالك مع عامل البنزينة و هو بيشحم ... علشان بينفضوا ساعات كتير و ميشحمش بعض الحاجات

حضرتك لازم تشيك على زيت الكوارين و زيت الفتايس كل فترة

رد: الحمد لله ربنا كرمنى وجبت جيب شيروكى 96
 

ياباشا انا شاكر لحضرتك كفايه اهتمامك وربنا يديم المعروف:GROWIN~12:

رد: الحمد لله ربنا كرمنى وجبت جيب شيروكى 96
 

يا باشا لا شكر على واجب .. ربنا يكرمك و يكفيك شرها و يديك خيرها

لو حضرتك معندكش مانع ... ممكن حضرتك تدينا تفاصيل اكتر عن الشيروكى ؟؟

يعنى 6 و لا 4 سلندر ؟؟ الحاجات الى غيرتها كلفتك كام ؟ اخبارها ايه فى الصيانة ؟ متعبة و لا صيانتها سهلة ؟؟ اخبار الحساسات الى فيها ايه ؟؟

رد: الحمد لله ربنا كرمنى وجبت جيب شيروكى 96
 

الف مبروك يا باشا.هى دى العربيات 4BY4
تابعنا باخبارها دايما علشان العربية دى فى دماغى بس الناس مخوفانى من صيانتها و استهلاكها.:shyy:

رد: الحمد لله ربنا كرمنى وجبت جيب شيروكى 96
 

ألف مبروك على العربية , وربنا يديك خيرها ويكفيك شرها . تبقى تيجى تنورنا فى جنوب سيناء ونجربها مع بعض فى الصحراء وبين الجبال :fun_36_1_39[1]: