مصر موتورز مجتمع السيارات - رش بيجو 305 ... ممكن مساعدة؟

مصر موتورز مجتمع السيارات (https://www.masrmotors.com/vb/index.php)

- جسم و هيكل السيارة (https://www.masrmotors.com/vb/forumdisplay.php?f=176)

- - رش بيجو 305 ... ممكن مساعدة؟ (https://www.masrmotors.com/vb/showthread.php?t=81438)

رد: رش بيجو 305 ... ممكن مساعدة؟

اقتباس:

المشاركة الأصلية كتبت بواسطة A.Shoukry (المشاركة 630379)

السلام عليكم و رحمة الله و بركاته ....

بعد اذن الشباب المحترم فى الموقع هنا ... طبعا بعد ما شوفت قد ايه فيه ناس محترفة هنا قررت اسأل قبل ما اتصرف ...

انا عندى بيجو 305 لونها سماوى و كنت عايز اغير لونها للون الاسود و كنت عايز اعرف حبة معلومات عن الرش ....
اولا: المعطيات:
1- الدهان الاول تعبان و شكلها بوية مش نضيفة ...
2- فى بعض الاماكن فى الصاج داخلة لجوة شوية (مش بشكل حاد و لكن كأن حد قعد على الجنب ده).
3- انا عايز ارش بره بس ....

ثانيا: المطلوب:
1- ما نوع الدهان اللى ممكن استخدمه بحيث مايكونش مكلف اوى و لا ردئ ....
2- ما نوع المعجون المستخدم....
3- ما الكم المطلوب من كل الخامات و المواد .....
4- ما الزمن المتغرق لكل عملية من عمليات الدهان؟ (طبعا هاحسب انا الوقت الكلى ... ما انا ناصح برضه :w6w2005041122473461 ) ....

ثالثا: ملاحظة:
1- هل يوجد اى نوع مط لاصق يلصق على السيارة يغير لونها لتوفير وقت و مجهود الدهان؟

إذا عرفت الحل اتصل على 0900 0900 او والنبى ردوا هنا :) و هتكسبوا دعوة محترمة منى :)

و جزاكم الله كل خير على كل حال

استاذي الفاضل انا هردلك علي كل سؤال بس في معلومة
الصنايعي اللي هيرضي ياخد منك مصنعية بس وانت تجيب المون تعرف انه مش صنايعي وهيكلك
لأن الصنايعي المحترف والقديم مش هيرضي بكد ويديلك سر مهنته ومش هيديك معلومة كاملة
نيجي بقي للأسئلة
1-نوع الدهان المعقول ومش ردي ممكن ناشيونال او كابسي
2-المعجون كابسي
3-لو هترش اسود مطلوب : العربية قيدمة يفضل ازالة الدهان بالكامل بواسطة المزيل او النار وإعادة تأسيسها بواسطة المعجون يعني بنتكلم في حوالي 6علب معجون العلبة 3كيلو ده غير لو صنايعي نضيف يجيب عدد 2 جركن تنر قبل المعجون ويطهر بيهم العربية كلها قبل ما يمعجن علشان المعجون ميقبش من الشمس والعوامل الخارجية وبعد مات يمعجن يجيب عدد 2علبة معجون فايبر وياخد قشرة علي العربية كلها عشان المعجون الاستوك دلوقتي المواد الخام بتاعته ضعيفة ده بقي الصنايعي اللي بيحافظ علي سمعته بيقطع من مصنعيته علشان يدي شغل يعيش
4-تجيب 2كيلو فلر اوميجا او كابسي علشان تكبس الشغل اللي تحت ده كلو
5-هتحتاج علي الاقل 2لتر بوية علشان ترش العربية

رد: رش بيجو 305 ... ممكن مساعدة؟

الله يكرمك على ردك يا Aimooooo ........... انا بصراحة كنت اهملت الموضوع من قلة الردود ... ربنا يخليك على ردك الفوق الاحترافى اللى يتجاوز مستوى فهمى ....
كان عندى سؤال اخير الله يكرمك ... الحفلة دى كلها تعمل كام ؟؟؟ و تاخد قد ايه وقت ؟؟؟

رد: رش بيجو 305 ... ممكن مساعدة؟

بص ياباشا اليوم كنت برش الكابوت بسبب واحد الله يكرمه يارب ولزقت كربون عشان ادارى البوظان بس قررت اشيله
عشان المرور بدأ يغلس ومش عاوز تتسحب رخصتى
المهم لقيت انواع بويات كتيره كلها ترجع ليك ولميزانيتك فيه الاوميجا وبعديه الكابسى دول مصرى والاوميجا ارخص
فيه نوع اسمه جنرال وده اغلى وبعديه الكورى وده اغلى وبعديه الاسكنز لو اصلى طبعا سمعت ان الكيلو وصل 750 جنيه
اعتقد لو الخبطات بسيطه تتدارى بالمعجون بس خليك حذر بلاش تبقى طبقه سميكه عشان البويه من اى خبطه هتقشر او تسمكر افضل جدا طبعا
نصيحه ليك اوعى النار فى ازاله البويه القديمه كده هتفكك الصاج من بعضه ومهما استخدمت سيلكون للزق استحاله هيكون زى اللزق الاصلى
الله يعينك وبالتوفيق

رد: رش بيجو 305 ... ممكن مساعدة؟

جزاك الله كل خير يا ash_rsi ,,,, و معلش بقى حصل خير و ربنا يعوض عليك .... انا كنت بالعربية فى وسط البلد النهارده و بكره ان شاء الله هاروح اسجل براءة اختراع لإبتكارى نظرية "ان سلمت من التنح مش هتسلم من الغشيم" و هى نظرية تثبت بموجبها ان نسبة النجاة بالسيارة سليمة من غير خبطات فى شوارع القاهرة لا تتعدى 10% ايام الجمعة و العطلات الرسمية, اما فى الايام العادية فتكون النسبة 2% و مع زيادة مدة وجودك فى وسط البلد تقل النسبة 0.5 % كل ساعة ... :010104~171:

رد: رش بيجو 305 ... ممكن مساعدة؟

الشغل اللي انا بقول عليه يخشلو في 2500 مستريح بس حرام علي 305 الا لو حضرتك غاوي وحابب كده كمان النار مش بتفك الصاج من بعضه لو الصنايعي فاهم ومحترف بلغة الصنايعية مبيلسعش الصاج وكمان ارخص دلوقتي علبة المزيل ب80ج وانت هتحتاج 4 علب بالميت واكتر لكن النار في العربيات الجديدة مينفعش علشان الصاج مش محمل وكمان صاج العربيات الجديده مجلفن ضد الصدأ والنار بتلغي الجلفنه لو انت من الجيزة انا ممكن اعملهالك

رد: رش بيجو 305 ... ممكن مساعدة؟

ربنا يخليك يا aimooooo ...... يعنى 2500 ده لو هنجيبها ارض بالنار ..... ... فى الحالة دى انا شايف ان لونها الحالى تحفة !!! ده حتى فوحلوقى جميل .... بالليل يبان اخضر و بالنهار يبان اغبر !!!
حرام عليكوا يا جدعان !!!
طب انت معندكش اى اقتراح بحيث التكلفة تقل؟؟؟ و لو انت اللى هتعملها هتعملها فين و بكام؟؟؟ و انا عينيا ليك ... كفاية ذوقك و الله ...