رد: هل يمكن تحويل فيات 132 لسيارة حديثة؟
 

يمكن اغلب الناس هنا هتقول عليا مجنون ..... لكن انا معاااااك في انك تصرف عليها زي ما انت حابب طالما انت غاوي و حابب العربية... و ممكن تعدلها و تعمل فيها كل الي انت عايزه بشرط انك تلاقي قطع الغيار المطلوبة و تلاقي الصنايعية الي فاهمة و متمكنة من شغلها... انا معايا 504 و خطة تعديلها مكتوبة و جاهزة لكن ناقصني الفلوس و بحوشها واحدة واحدة لاني هصرف في حدود 30 الف بس هتبقى حاجة تانية خاااالص عايز تعرف ايه يليق بعربيتك و قطع غيار من برة كمان اكتب في جوجل performance parts for fiat 132 و شوف هيطلعلك ايه و تكلفته ايه و لو ليك حد يجيبهولك..... العربية زي الست ... دلعها تدلعك... ممكن تقلبها بور و تكيف و ازاز كهربا و سنتر و انذار و تغري عفشة سبور و جنوط سبور مع شوية سمكرة و دوكو و هتلاقي الصورة الي انت شايفها.. اما باقي التعديلات الي تحت الكابوت ف عيش حياتك مع جوجل... و في للفيات مواتير معدلة جاهزة من شركة ابارث.. ممكن تسال عليها في بورسعيد او تطلبها استيراد
و نصيحة اسمع اراء النااااااس و ادرسها كويس .... و اعمل الي قلبك يرتاحله... و تحياتي ليك و لكل اخواتي هنا... لو حبيت اقلك على الي هعمله ف عربيتي قولي يمكن يديك شوية افكار... بس مش عايز انشرها عشان متنتشرش هههههههههههههههه

رد: هل يمكن تحويل فيات 132 لسيارة حديثة؟
 

:Wkiss5:يارب كل الناس تقتنع بوجهة النظر دى
اهم حاجة انك تلاقى بإذن الله 132 تكون فبريكة دواخل و أساسيات سليمة
ساعتها أسأل بس وقول جزر ، وبإذن الله مش هنتأخر عنك

رد: هل يمكن تحويل فيات 132 لسيارة حديثة؟
 

انا مش فاهم قصدك عايزها تبقى زى العربيات حديثة من ناحية ايه؟
الشكل؟ أم الرفاهية؟
لو من ناحية الشكل فال132 فى رايى شكلها جيد و مقبول الى حد كبير حتى الأن. لكن يمكن اضافة بعد التعديلات لجعله أكثر رياضية.
الرفاهية أعتقد ان تركيب جهاز تكييف هيفرق كتير معاك, و ال132 مجهزة للتكييف أصلا لأن فيه موديلات منها بتنزل بتكييف, و تركيب التكييف سهل.

رد: هل يمكن تحويل فيات 132 لسيارة حديثة؟
 

رد: هل يمكن تحويل فيات 132 لسيارة حديثة؟
 

بص انا لسة صارف 28 الف جنيه على 132 ارجنتا و الحاج عمال يصوتلى على المصاريف ديه فخد الكلام ده نصيحة انت تشوف عربية نضيفة اوى اوى تجيبها 1. اول حاجة تشوف سمكرى نضيف هياخد فى حدود 1500 جنيه 2. بوهيجى نضيف و تنزل تجيب بويا نضيفة عشان تبقى شكلها حلو يعمل 2500 جنيه او اعلى او اقل حسب نوع البويا و الصنايعى 3. تروح للمكانيكى تظبط الماتور ( او تسقط ماتور اعلى ) انت و راحنك و ديه مش هقدر اقولك سعرها 4. كهربا تنزل عزبة شلبى او الحرفين تجيب ضفيرة استراد و تستنضف كهربائى و يزبطلك الكهربا 5. تشوف بتاع عفشى كويس تزبط العفشى و لو عايز تغير هات عفشة اسبور 6. سروجى و تعمل عمرة صالون كاملة ( سقف - ارضية - كراسى - فرش البيبان ) ده مش بيعلى على 1500 جنيه و كدة غالى كمان كدة انت يدوب نضفتها نيجى بقى للترويق 1. تروح على بتاع الجنوط تجيب جنط 17 او 16 انت و زوئق و تجيب عليه كاوتش عريض سرعات ده فى حدود 6 او 7 الاف عشان تكون حاجة نضيفة 2. تطلع على فتاع الفاميه و الاستيكر فيم عشلى خفيف اوى عشان المرور هيدك شكل حلو و تشوف كام استيكر نضيف كدة بس فى الرايق و تكربن الكابوت و الشنطة و الطابلوه و شوف انت لو هتزود انت و شوقك حسب ذوبك و ده مش هيكمل 500 جنيه 3. تروع لبتاع الاكسسوار تركب زينون فى حدود 500 جنيه 4 مكن عشان انت اربع فوانيس و تجيب بقى عدة صوت حلوة كاسيت بايونير او كونيود و سمعتين بايونير 600 و جى ام سينفونى 4 قنوات و زيرو باور و بازوكا ديه كدة 3 الاف و شوف انت بقى السنتر و الانزار و الزجاج الكهربا و مكن الرفع و ادى كمان 2000 جنيه و اركب و ادعيلى و قريب ان شاء الله هنزل صور عربيتى بعد التفنيش

رد: هل يمكن تحويل فيات 132 لسيارة حديثة؟
 

تسلم mustafa mahmoud على مشاركتك الجميلة كلامك من الاخر شكرا مرة تانية ومنتظر صور عربيتك

رد: هل يمكن تحويل فيات 132 لسيارة حديثة؟
 

لو انت غاوى العربيه ومش ناوى تبيعها وهتحتفظ بيها فممكن يتعمل فيها كل اللى تتخيله بس هتصرف لكن فى الاخر هتركب عربيه بجد
لكن لو بعد فتره هتبيع يبقى نصيحه بلاش وفر فلوسك والاهم وفر مجهودك ووقتك وبيعها من دلوقتى