مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - صناعة لوجان (https://www.masrmotors.com/vb/showthread.php?t=81297)

رد: صناعة لوجان

اقتباس:

المشاركة الأصلية كتبت بواسطة amak313 (المشاركة 630008)

يا أستاذ مصطفى مصر فيها اتنين لوجان...
واحدة مغربي وديه الي كلنا عارفينها وفي الروماني

الروماني بتنزل بنفس تجهيز المغربي مع اضافة اير باج للي جنب السواق بزرار التحكم فيها بالجنب + نظام فرامل اي بي اس + بيقال ان شكلها من ورا مختلف حبتين .. وبتزيد عن ثمن المغربي 6000 جنيه...

بس أنا أسمع ان المغربي أحسن من ناحية التجربة في المنتدى هنا.. حيث ان كل الي اشتروا الروماني شفت منهم كلام حلو عن ان العفشة مش بتستحمل وان الموتور بيكركر و حاجات غريبة كده ربنا يعافي لوجاناتنا من هذه المشكلات :) :)

الكلام ده مش مظبوط
اللوجان الرومانى نزلت دفعه او دفعتين بس و كانت فئه نص كماليات
وهى نفس الشكل سواء رومانى او مغربى
الشكل المختلف ده كان موجود فى 2009 الشكل القديم

رد: صناعة لوجان

هل قطع الغيار متوفرة وهل هي غالية كما سمعت

رد: صناعة لوجان

اقتباس:

المشاركة الأصلية كتبت بواسطة jojojojojo (المشاركة 630024)

مغربي او روماني هي العربيه واحده ومش عارف ليه العربيه ديه منجحتش في اي سوق الا في مصر حتي في تونس منجحتش وقعدين يضحكوا علينا وينزلونا مره ستيب ومره اتوماتيك ومره بلاك لاين وهي هي نفس العربيه انا مش عارف ليه بيضحك علينا وكمان سعرها كانت او منزل ب56 الف دلوقتي النص كماليات 67 والبلاك 71 رغم ان العربيه نازله بدون جمارك وياريت مفيش اي حد من ملاك العربيه يزعل مني انا بقول وجهه نظري وع فكره انا كنت هشتريها بس محصلش توفيق

مع احترامي لحضرتك...

العربية ديه لاقت نجاح باهر في السوق المصرية و كفاية انها بجد بقت منتشرة أوي...
يمكن في الأول مكانتش لها نفس النجاح لكن دلوقتي بمعنى الكلمة بقت المنافس رقم واحد في الفئة السعرية للانوس والفيرنا مع ان اللانوس موجودة في مصر من 1998 والفيرنا من 2003 واللوجان تعتبر ضيف جديد... ده كان أولاً

ثانياً... رداً على نقطة الثمن.. هديلك مثال على اللانوس الي هيه المنافس الأول للوجان هيه والفيرنا...
اللانوس أما نزلت كانت في الأول ب32500 دلوقتي هيه 70000 أظن ديه هيه الي فعلاً زيادة ملهاش أي لازمة... وده ان أثبت شيء فانما يثبت ان العربيات بتغلى كل ما بيزيد الاقبال عليها.. وديه حاجة بيسموها العرض والطلب... وده غير طبعاً ان الي حضرتك بتتكلم عنها اللوجان الي ب56000 ديه كانت الفاضية مش الهاف كان ساعتها الهاف ب61500 والكاملة ب 65500 فهي كل الي زادته هو بس 6000 جنية مش أكتر..

ثالثاً... أنا مش عاوز أصدمك... انما اللوجان بتنزل بجمارك مقدارها 21% من ثمن العربية... عشان الاتفاقية مش بتعفي بشكل كامل انما بتخلي الجمارك قليلة أوي على العربية...

وفي النهاية أنا هقول برضه ان أنا من وجهة نظري وتفكيري أنا شايف اني اذا كنت عاوز عربية أركبها و يكون فيها كل الامكانيات الي أنا عاوزها أو بحلم بيها في عربية هلاقيها في اللوجان بشكل يعتمد عليه... وهيه فعلاً عربية أحسن وأكثر اعتمادية من الكوري بالذات في السفر والمسافات الطويلة... يمكن يكون بينافسها الكيا انما مينفعش أجيب جنبها هيونداي أو دايو أو شيفروليه... عشان دول أنا بحس أما بركبهم انهم بلاستيك سهل الكسر...

رد: صناعة لوجان

اقتباس:

المشاركة الأصلية كتبت بواسطة mohamed1979 (المشاركة 630070)

يا أستاذ محمد... حضرتك أنا أما حبيت اني أشتري اللوجان 2012 بلاك لاين لقيت في الكتالوج شوية حاجات مكنتش لقيتها في النسخة المغربي زي الاي بي اس ومخدع الرأس الخلفي الأوسط والاير باج للراكب الأمامي فسألت الموظف عنها فقالي انها ممكن اني أجيبها بالطلب وبتزيد عليها 6000 جنية وانها مش مغربي انما روماني و في فرق بسيط في شكل الفانوس الخلفي
والكلام ده كان في معرض الطارق عند معهد القلب قريب من الكيتكات في القاهرة...

رد: صناعة لوجان

اقتباس:

المشاركة الأصلية كتبت بواسطة jojojojojo (المشاركة 630024)

على فكرة السياره اللى كانت بتنزل بـــ 56 ألف دى كان موتورها 1200 و كان فى 1400 و فى 1500 سى سى
السياره المتاحه حاليا 1600 سى سى