رد: سرقة بالإكراة على وصلة الدائرى بالمريوطية
 

بعدما كانت مصر بلد الأمن والأمان شوفو وصلنا لغاية فين السرقة أصبحت جهاراً نهاراً على روؤس الأشهاد وللاسف الشرطة أصبحت منتزعة المهابة
لا حول ولا قوة إلا بالله وحسبنا الله ونعم الوكيل ربنا يهديهم أو يُهلكهم أشد الهلاك

رد: سرقة بالإكراة على وصلة الدائرى بالمريوطية
 

ده حضرتك عاوز اجمع لك المقالات الى اتكتبت و المناقشات الى اتقالت من بداية الثورة حتى الان .....
علشان احتمال تقتنع

موضوع البلطجية و الحرامية ....... ياريت حضرتك تفكر بالراحة و واحدة واحدة كدة على مهلك ايه و مين السبب فى انتشار الموضوع ده

انا مش حقولك الجيش و المجلس العسكرى و 6 ابريل و 5 مايو و الكلام الكبير ده ... حضرتك لوحدك كده فكر على مهلك و اتمنى انك تعرف السبب الحقيقى

اما عن موضوع الامن ... فمما لا شك فيه ... احنا ( كشعب مصر ) فقدنا ما كان يسمى الامن الظاهرى الشامل .... الى هو الحرامية و البلطجية
طيب .... احنا اسوا بلد فى العالم ؟؟؟ لا طبعا ... فيه بلاد كتير حالتها اسوا من حالنا و هى مستقرة و الناس مش بتشكى .... حضرتك حتقول احنا ملناش دعوة بالبلاد دى ... عندك حق ... انا بس بضرب لحضرتك امثلة بس
زميلى اتثبت فى الكونغو و اتاخد منه 200 دولار .. انا اتسرق منى 100 دولار
زميلى اتضرب و اتاخد منه 300 دولار و جواز سفره و الحمد لله ربنا نجاه, كان حيروح فيها فى اوكرانيا
اكتر من زميل ليا اتثبتوا فى امريكا ( نيويورك و ميتشجان ) فى مناطق متوسطة الحال
انا و زميل ليا اتسرقنا فى جنوب افريقيا
مدير والدى فى الشغل اتسرق فى هونج كونج ( 15 الف دولار و جواز سفره )
و غيرها كتير اوى لو حضرتك تحب تسمع

انا مش بدافع عن حال البلد .... بس مش ده الشماعة الى نعلق عليها مشاكلنا و كان حياتنا كانت زى الفل قبل الثورة و مفيش غير موضوع الحرامية ده بس الى جد علينا بعدها

رد: سرقة بالإكراة على وصلة الدائرى بالمريوطية
 

ومازالت الفوضي:pty: ومسلسل البلطجيه مستمره

رد: سرقة بالإكراة على وصلة الدائرى بالمريوطية
 

هيا الدعوة دى عليا انا
عموما الله يسامحك

وبعدين بتقول لمين يصبر
انا الى اصبر ولا اعتصمات كل جمعة هيا الى تصبر
فاكر حكومة الجنزورى اول ما مسكت حصل ايه ولا افكرك
فاكر جمعة ارحل يا مشير ولا افكرك
الناس يا باشا بينها وبين بعضيها ملهاش نفس تختار رئيس جديد وبيقلك هنختار اى واحد
لان كدا كدا شباب الثورة هينزلو التحرير ويعتصمو عشان يمشوه
يبقا مين الى يصبر بقا

رد: سرقة بالإكراة على وصلة الدائرى بالمريوطية
 

يا باشا انت بتكلم عن حالات السرقة العادية
وطبعا مفيش بلد مفهاش بلطجية ولصوص
بس مش لدرجة الفوضى الى احنا فيها دى
وانا لو كلمتك عن حالات السرقة الى بسمعها من ناس اعرفهم
مش هتصدقنى لان دول بيتسرق منهم بالملاين وحالات قتل مش سرقة وبس
دلوقتى لو اتخنقت مع حد فى الشارع بيطلعلك طبنجة ويضربك ويمشى
دول كمان من الداخلية ؟؟
دا غير حالات سرقة العربيات الى بقت موضة وحالات الخطف

رد: سرقة بالإكراة على وصلة الدائرى بالمريوطية
 

ياباشا بعد ازنك تقتبس كل مشاركتى وليس جزء منها علشان توضح الصوره لاى عضو يقراء مشاركتى كامله وبعدين حسبى الله ونعم الوكيل ديه دعاء لله وليست بدعاء على احد . ربنا يصلح حال البلد وحال اهل البلد

رد: سرقة بالإكراة على وصلة الدائرى بالمريوطية
 

...ربنا يسترها على الجميع