|
رد: محتار بين عربيتى 132 2000 بمواصفات جيده جدا وريجاتا
انا فى شدة الاسف لكثرة اسئلتى ولكن سؤال اخير لو مش هاغير لريجاتا قدامى اكثر من اختيار
1-بى ام دابليو 518او 520 موديل 1982 2-هوندا اكورد 1983 ........ هوندا سيفيك 1984 3-مازدا 929 موديل 1982 اتمنى اعرف راي حضراتكم فى هذه السيارات كبديل لسيارتى بالنسبه -قطع الغيار والقوه والرفاهيه والفخامه اسف للاطاله ولكن هذا من عشمى لما رايته من تعاون مستمر طوال متابعتى لمصر موتورز |
رد: محتار بين عربيتى 132 2000 بمواصفات جيده جدا وريجاتا
مع احترامي لخياراتك كلهم مش قد كده لانه من الصعب انك تلاقي حاجه من دول سليمه 100% انما الريجاتا افضلهم طبعا لو مصمم عالتغير وعن الثبات والاعتماديه واداء المحرك في عربيه محترمه جدا |
رد: محتار بين عربيتى 132 2000 بمواصفات جيده جدا وريجاتا
الافضل فى كل اللى ذكرته هى الـ 132 بتاعتك .. لانها زى ما بتقول حالتها ممتازة وواضح انك مرتاح معاها ومبسوط منها ..
فزى ما قلتلك خليك معايا وبلاش ترمى فلوسك فى عربية تمانينات .. وعلى فكره قوه التحمل والثبات والراحة والوسع اللى فى الـ 132 عمرك ما هتلاقيه فى الريجاتا .. اما البى ام او الاكورد او الـ 929 دى عربيات مقاربة للـ 132 فى الثبات والوسع .. ولكن صعب اوى تلاقى واحده بحالة كويسة ومش محتاجة مصاريف .. فبالتاكيد هتحتاج تصرف وتظبط .. علشان كده بقولك اصبر شويتين وهات حاجة حديثة مره واحده (تسعينات مثلا) علشان تحس بفرق (زى التمبرا مثلا) ... |
رد: محتار بين عربيتى 132 2000 بمواصفات جيده جدا وريجاتا
انا رايى مع بقية الاعضاء .... فعلا خلى معاك ال 132 فترة و غير بالمرة بحاجة مختلفة تماما .....
كل الاختيارات الى حضرتك قلتها ... عربيتك افضل واحدة فيهم |
رد: محتار بين عربيتى 132 2000 بمواصفات جيده جدا وريجاتا
السلام عليكم جميعا ويارب تكونوا بخير
أخى الكريم حضرتك مقتنى ال132 وكل حاجة فيها سليمة ماشاء الله 100% ما أفضلش انك تبيعها ، هتشترى معاها لو تفكر فى عربية منظر تركب الإكسيل أو الاكسنت الريجاتا عربية محترمة جدا لكن مش هتغير من نظرة الناس للعربية وكل الإختيارات التانية من مازدا لهوندا لأ......... هيبقى عبئ كبير انك ترجعهم لحالتهم تانى مازدا 323- 1600 - بالتكييف وقطع غيارها متوفرة وممكن يركبلها مواتير من الجديدة الكورى هتخليها ماشية معاها الند بالند بجد العربية دى تحفة وتقبلوا مرورى |
رد: محتار بين عربيتى 132 2000 بمواصفات جيده جدا وريجاتا
الف الف شكر على الاهتمام ايها الساده الكرام انا بس كان نفسى احدث الموديل شويه
كل نصائحكم الحكيمه ممتازه ولكن انا امامى مازدا 929 موديل 1982 الفراشه فابريكه دواخل زجاج كهربائى وفتحة سقف كهرباء موتور لسه متعمر جديد 2000 وعافشه وكارونه نمره واحد البودى الخارجى معقول جدا اعلانها على مصر كار وطالب 20000 جنيه وقابل للتفاوض انا شوفتها امبارح بالليل فى راى حضراتكم لو المازدا او هوندا اكورد بالحاله دى برده هاتكون متعبه وبالمقارنه بسيارتى ال132 هايبقى ايهما اقيم واقوى وايهما اسهل من ناحية كثرة الاعطال وتوفر قطع الغيار والف الف شكر على مشاركتكم معى فى حيرتى مرفق بعض صور سيارتى:w6w200504112236376 d |
رد: محتار بين عربيتى 132 2000 بمواصفات جيده جدا وريجاتا
اقتباس:
كتيييييييييييير قوي السعر ده انت تجيب سوزوكي سويفت بالمبلغ ده اي نعم حتكون محتاجه مصاريف بس ارحم واحدث او ريجاتا 90 يبقي تمام جدا |
| الساعة الآن 10:44 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017