مصر موتورز مجتمع السيارات - محتار بين بولونيز ورينو داتشيا 97 وريتمو افيدونى ارجوكم

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

رد: محتار بين بولونيز ورينو داتشيا 97 وريتمو افيدونى ارجوكم

اقتباس:

المشاركة الأصلية كتبت بواسطة a_e (المشاركة 626182)

بعد اذنك حضرتك عندى ملاحظات
البولونيز حلوة ودبابه الفيات كمان مفيش كلام ويكفى انها شاسيه مش علب
بــــــــــــــــــــــــ ــــس
الريتمو افضل ليه ؟؟!
الريتمو نشفه برده اى نعم مش بقوة البولونيز بس قويه برده
العزم الريتمو ماتور انعم وسحب 10 / 10 وافضل كمان من البولونيز
العفشه فى الريتمو افضل لانها نعمه مش جامده زاى البولونيز وكمان الريتمو اقل فى عدد القطع المكونه للعفشه فهى عفشة الـ 128 والريجاتا اما البولونيز مثل عفشة الـ 132 كتير ومكلفه
ومن حيث التوفير فى البنزين الريتمو بلا جدال فهى كما يقال بتشم البنزين طبعا لو الكاربرتير مضبوط صح
اما قطع الغيار فهى هى الـ 128 او الريجاتا فلو حد قال ان الـ 128 مش لقين ليها قطع غيار اعرف ان الريتمو برده مش لقين ليها
اما البولونيز فمش كل القطع متوفره بسهولة الريتمو لكن البعض هتلف عليه لحد ما تلاقيه وهيكون غالى برده لانه اقرب للـ 132 بعكس الريتمو الرخيص فى قطع الغيار
اما بالنسبه للصيانه فديه واحد من وجهة نظرى لانها بتوقف على الصنايعى فلو بيفهم هيريحك ولو لا قدر الله هيكرهك فى العربيه ايا ما كانت
ومتنساش اعادة البيع برده فده مهمه
واتمنى ان تتقبل رأى بصدر رحب لانى اقصد الفائده للجميع
:fun_36_3_11[1]:

طبعا متقبل لان فى النهاية دى وجهات نظر تختلف حسب اللى كل واحد عايزة من العربية و تحياتى لسعادتك

رد: محتار بين بولونيز ورينو داتشيا 97 وريتمو افيدونى ارجوكم

البولونيز أقوى عربية وأحسن عربية
لكن الريتمو منظر وشبابى وخفيفة
ونتا واللى ربنا قاسمهولك إن شاء الله

لكن إحذر الداتشيا والرينو عشان لوجبت حاجة منهم يبقى بترمى فلوسك فى الأرض
الريتمو بياعه زى ال128 إنما البولونيز تقيلة شوية فى البيع

لكن إحذر الداتشيا والرينو لأن مفيش حد بيشتريهم ، مع إحترامى وتقديرى لكل الإخوه مالكى الداتشيا والرينو
وسلامى للجميع ، تقبلوا مرورى:CONGRA~238:

رد: محتار بين بولونيز ورينو داتشيا 97 وريتمو افيدونى ارجوكم

اهم حاجة تكون تستحمل فى السفر انتو ايه رايكو ولا فى حاجة تانى غير ال 3 انواع دول

رد: محتار بين بولونيز ورينو داتشيا 97 وريتمو افيدونى ارجوكم

مفيش حد حابب يسعد ويقولى اجيب انهى عربية

رد: محتار بين بولونيز ورينو داتشيا 97 وريتمو افيدونى ارجوكم

إشترى 131 CL 1980+
أو مازدا 323 بعد 82
ماشى ؟؟!!
عربيات حلوة وبتاعت سفر ونفسها طويل :CONGRA~238::CONGRA~238:

رد: محتار بين بولونيز ورينو داتشيا 97 وريتمو افيدونى ارجوكم

الاولة لا لا لا والثانية لا بردة اما الثالثة فألف لا - ابعد يا بنى عن القرف وغنيلة لأن من النوادر تلاقى ريتمو (وهى احسن الوحشين ) بحالة مقبولة ولا اقول جيدة واذا كانت فلوسك حسب ما فهمت من اختياراتك فى حدود 10، 15 الف يبقى شوف 127 نضيفة أو انتظر لتكمل 20000 واشترى لادا او سكودا فيفويت او ماذدا 323 بحالة كويسة

رد: محتار بين بولونيز ورينو داتشيا 97 وريتمو افيدونى ارجوكم

يعنى افهم من كدة ماشتريش اى عربية من ال 3 دول