رد: اكسسوارات اللانوس
 

كمان من اسباب نجاح السيارة زى ما قلت فى وقتها سعرها التنافسى جدا والمدروس بعناية مقابل من تقدمة من تجهيزات فى حين كان اغلب المقبلين عليها يمتلكون سيارات اشبة باشباه السيارات فى تلك الفترة زى الفيات واللادا الخ وبالتالى كانت تعتبر اختراع وبالذات حكاية الباور والغيار اللى يشبة الالمانى انا فاكر كلام الناس ايامها عنها لدرجة ليا صديق كان معاه لانسر كريستاله كان عايز يغيرها بالجولييت لغاية مرة ما شد مع لانوس وعرف اد ايه انها بتضيع وقت فى القومة حتى

رد: اكسسوارات اللانوس
 

طيب طالما الموضوع مؤقت
ممكن حضرتك تجرب جنوط استعمال و تتفق مع التاجر انك تجربهم يومين مثلا ؟ و لا صعب حد يوافق ؟

رد: اكسسوارات اللانوس
 

مشكلة اللانوس الكارثية فعلا الفرامل والسحب والتكييف وعموما الثبات محدش يدور عليه فى اى عربية غير الالمانى

رد: اكسسوارات اللانوس
 

أنا حاسس ان العربيه دى معذباك حاول تغير طالما مش مقتنع

رد: اكسسوارات اللانوس
 

لية مش فى غير الالمانى عندك الهوندا ثبات بدون مبالغة ممكن تقول علية الثبات العظيم مقارنة بوزن واداء السياره انا سيارتى موديل 84 الهوندا القديمة مختفظ بها لسة زى الزيرو حالاتها من جوة وبرة لكن المكنة محتاجة عمره بس اسال اى واحد معاه الموديل دة عن الثبات والاداء مش ممكن عربية كانت سابقة وقتها ب 30 سنة
جرب فى سيارات الدفع الرباعى الاندكروزر تعتبر افضل عربية على وجه البسيطة من ناحية الاداء وعبور اصعب المناطق فى العالم وتتفوق على الالمانى واحسن من المرسيدس فى الثبات وعبور المنحدرات والميلان الخ مش شرط الالمانى نعم الالمانى هو الرائد عالميا لكن لسة فى ماركات تغلبات عليهم وان كانت هذه الماركة استنبطت جميع موديلاتها من الالمان لكن مش شرط ممكن تتفوق جيب مثلا لاندرروفر ومرسيدس وتويوتا ونيسان اعرق شركات فى مجال الدفع الرباعى وخبره وسيب نفس السيارات تعمل فى شركة تنقيب عن البترول سنة فى مناطق وعرة وتعال نشوف مين اللى لسة شغال ومين اللى اتعطل دة عن تجربة مش تلاقى حول العالم كله حتى الشركات المانى حد بيستخدم سيارات المانى مثلا فى مجال الشاحنات الخفيفة فى مجال التنقيب والاستكشاف اقصد مش شرط انا اسف للاطاله بس مش شرط لكن كلامك صح من ناحية الالمانى لكن يعيبة ارتفاع الاسعار التشغيل والسعر السايرة وقطع الغيار وصعوبتها الخ كمجمل قيمة اليابانى ممتاز

رد: اكسسوارات اللانوس
 

ان شاء الله بس حاليا عندى اولويات تانية فى ظل الاوضاع الحالية خاصة انى اعتبر بستخدمها اربع شهور انا لقيت عربيات نظيفة جدا بس بتخسر جامد استعمال نظيف جدا زى الاوبل الفيكترا جديد يعتبر موديل من ثلاث سنين الميجان سيارات ادائها جيد وفى منه استخدام ممتاز ونظيف مشكلتة اعادة البيع ومش محبوبة فى مصر متعرفش ديما مصر بينجح فيها اسوأ عربيات فى العالم او السيارات المرادف لسوء التصنيع والجودة تلاقيها نار فى مصر فعلا سوق غريب جدا ؟
وبيطلع فى السيارات المحترمة عيوب غريبة مع ان تلاقى مثلا ان الاوبل نفس محركات الدايو بس الدايو على اجيال اقدم وفنيش اقل جودة اقل ممكن تحس دة بوضوح جدا فى غيارات كل الدايو خصوصا اللانوس كانها سيارة عسكرية الغيارات فيها تتسم بالعناد ههههه والعدوانية خاصة الريفيرس والاول غير كدة النقلات غير سلسه كله يهون لكن العيب الخطير الفرامل بكل تاكيد فى عنصر مش مناسب فى فرامل اللانوس انا مغير التيل ثلاث مرات وكشفت فى التوكيل الدائره سليمة لكن العربية بتزحف حتى لو الفرامل مش سخنة كذا مرة بستر ربنا العربية تقف على اخر مللى رغم ان سرعتى متوسطة

رد: اكسسوارات اللانوس
 

لما العربية مش عجباك بيها وبتمنها ممكن تجيب هوندا تانية زى اللى معاك وبعدين الانوس مش عربية سيئة جداللدرجة دى وبعدين لما تفارنها بالاند كروزر انت بتظلمها دى اية ودى اية والسحب مش وحش اوى كدة ممكن الفرامل ضعيفة بس نصيحة اى عفشجى محترم ممكن يظبطها . وحاول تغير بوجيهات وتهتم بالعربية كأساس مش اكسسوار