رد: محتاج مساعده أخبار الطريق والجو إلي مطروح إيه
 

طيب وعلي طريق العلمين أخبار الرادار إيه ، وبعد ما أطلع علي الساحل وقبل ما أوصل لسيدي عبد الرحمن أو الضبعة ، أخبار الرادار إيه برضة ، يعني أفتح علي طريق العلمين وبعد ما أخرج من البوابات ولا أخليني في السليم ، ياريت تطمنوني ،وكمان طريق إسكندرية بعد البوابات ما أعدي منها في مصر أخبار الرادار إيه

رد: محتاج مساعده أخبار الطريق والجو إلي مطروح إيه
 

انا معرفش اية نظام طريق العلمين انما طريق اسكندرية مطروح انا بمشى علية كل اسبوع
اة صحيح لو مسافر بليل فى رادار ليلى فى الكيلو 22 قبل بوابة مطروح
وفى رادار ليلى عند بوابة الحمام لو جاى من اسكندرية
لو احتجت حاجة فى مطروح قولى انا شغال هناك :01FDAB~189:

رد: محتاج مساعده أخبار الطريق والجو إلي مطروح إيه
 

يااااااااااااه طيب الحمد لله ده حضرتك جيت ليه نجده من السما ، ياريت تقولي أخبار مطروح اليومين دول إيه ، يعني الجو أخباره إيه ساقعة ولا دفا وفي أمطار ولا لأ والمدينة شغالة ولا لأ وأخبار الأمن فيها إيه ، والطريق باليل عند الأبيض أخباره إيه ، ياريت تطمني ، لحسن أنا قالقان أوي وياريت نمرة تليفون حضرتك علي الخاص علشان لو فيه حاجة أكلمك ، وجزاك الله كل خير

رد: محتاج مساعده أخبار الطريق والجو إلي مطروح إيه
 

الجو هناك سقعة مووووووت انا هربان فى اسكندرية من السقعة :w6w2005041113562663
البلد امان متخفش وطريق الابيض مشكلتة المطبات الكتير خلى بالك منها

رد: محتاج مساعده أخبار الطريق والجو إلي مطروح إيه
 

يانهار أبيض ده كل إللي يكلمني يقولي البلد والجو هناك اليومين دول دفا ، طيب كويس إن حضرتك قولت ليه يعني أنا مش حنزل البحر ديه زياره سريعة لتقضية مصلحة وبرضة مايمنعش الواحد يقعد يومين يغير جو ، يعني أأجل المشوار شوية لحد الجو ما يتظبط ، ومعلش الجو هناك الصبح ساقعة ولا برد ، وبرضة البلد شغاله ولا لأ ، جزاك الله كل خير .

رد: محتاج مساعده أخبار الطريق والجو إلي مطروح إيه
 

بالنهار كويس بليل سقعة وحضرتك تقصد اية البلد شغالة ولا لأ ؟ هى شغالة عادى يعنى بس طبعا مفيش مصيف دلوقت

رد: محتاج مساعده أخبار الطريق والجو إلي مطروح إيه
 

آه طبعا ، أنا أقصد الخدمات الرئيسية فيها والمحلات علشان الأكل والشرب ، وياريت حضرتك تبعت ليه نمرتك علشان قبل ماأسافر أتصل بحضرتك أستفسر علي الجو يعني مطره - عواصف ، لإني كل شوية بأقرأ في النشره الجوية علي عواصف وأتربه وأمطار غزيره ، بتخليني أأجل المشوار ، فمعلش إستحملني .
د/ خالد