|
رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
حبيت أنا كمان اكتب تقييمي البسيط عن السياره الرائعه فعلا النترا2012 من خلال قيادتي لسيارة زميلي منذ ساعات بسيطه لمسافه أكثر من 60 كيلو رايح جاي__ بس انا في الكويت مش في مصر يعني العربيه خليجي __ وبسم الله ماشاء الله ولا أروع من كده وتستاهل فعلا فلوسها وماسمعتش أي تزييق ولا طقطقه فيها خالص وأخدت فيها أكترمن حفره بسيطه وصغيره كده علي الماشي والسياره ماشيه ولا كأن في حاجه ومشيت علي سرعة 100 كيلو علي عين القط__ وكان تقريبا خمس صفوف جنب بعضها يعني قويه__ وماحستش بيه أوي زي اللي بحس بيه في عربيتي __ نيسان ماكسيما _وفي جنب شقتي مطب رخم عربيتي بتحك فيه لما أكون واخد مطب علي سرعة عشرين العربيه أخدته بكل راحه يعني يا جماعه العفشه بتاعتها حلوه وكويسه ومش زي مابعض الأعضاء قالو ان عفشتها ناشفه ومش طريه.
|
رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
معقول يا جماعه لحد دلوقتي مافيش الا كام تعليق بس!!!!!!!
الأعضاء راحو فين؟؟؟؟؟؟؟؟؟؟؟!!!!!! |
رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
انا ملاحظ حاجة يا جماعة انة كل اللي شكر فى ثبات الالنترا بتكون عربيات خليجي
وانا معايا النترا وكيل 2012 وثبتها مش عاجبني تماما فها فعلا ممكن يكون العيب فى تقفيل الوكيل ؟؟؟ |
رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
لسه مفيش النترا تقفيل مصري كله زي بعضه جاى من كوريا الفرق في المواصفات المطلوبه من الشركه الام حسب كل وكيل بيطلب اللي هو عاوزه
|
رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
ثبات العربية حلو في الملفات اللي مشعاصية انا خدت ملف علي 120 بس الشارع كان كويس مافيهوش مطبات
لكن اخدت ملف في شارع فيع عيوب في الاسفلت حسيت انها عومت بس عدلت نفسها بسرعه جدا من غير مأفكر انا معايا وكيل بس من الاخر العربيات ديه لازم مانهينهاش ومش نجري بيها في شوارع مش سليمة لانها مش عربية سباق ديه عربية مصممة عشان تجري كويس بس في شوارع في بلاد محترمة مش بلد زيينا كانوا بينهبوا في ميزانية الطرق ويعملوها اي كلام ومش مهم حياة الناس والله لو بي ام دبليو جريت 120 في شارع من الشوارع اللي مليانة نقر ومطبات لتعوم وممكن تتقلب.... العربيات ديه مش معمولة عشان تمشي في شوارع بلد زي مصر |
رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
انا معايا النترا 2012 او ما استلمتها فتحتها بالمفتاح الانزار اشتغل ومس ساعتها مسمعتش صوته تانى هو بيتلغى ممكن اكون لغيته من غير ما احس
|
رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
افاده لملاك النترا العربيه فيها انذار فعلا واشتغل معايا كويس واللي بيعانى من مشاكل في الريموت فيه مفتاح في علبة الفيوزات اللي تحت الدركسيون يعمله وضع اون هو بيكون علي وضع اوف مقفول يعنى علشان يوفر البطاريه لو العربية متخزنة كتير والانزار مش للحركه يعنى اقفل العربيه وهو بيشتغل اوتو بعد 60 ثانيه كمان فيه ميزه حلوه بس مش عندى ان الاشارات تشتغل وحدها لما تلف الطارة والابواب تقفل وتفتح وحدها حسب الغيار اللي واخده العربيه حتى الان مشكلتين معايا الصوت العالي للتاكيهات حاسس انها هتتكسر ربنا يستر والتانيه الركن للخلف مش شايف حاجه وحكيتها امبارح للاسف يارتنى جبت فئه اعلي عشان الامكانيات دى وكمان الكامرا الخلفية
|
| الساعة الآن 10:16 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017