رد: يا رجاله موقع كونتاكت كارز بيقول اللوجان الاتوماتيك مش ستيبترونيك بالصور!!
 

الفتيس للوجان الجديدة هوا نفس فتيس الميجان مش ستيبترونيك اللي ركب الكورولا الشكل الجديد اول مانزلت كانت ستبترونيك بس اللوجان الجديده اوتوماتيك الفرق انك في الوتوماتيك كل النقلات تحت بعض بالترتيب ده P N D L 2 من اعلى لاسفل اللوجان P N D من اعلى لاسفل و عند الD في تكة شمال مع تكه لفوق لو هتجيب ال L اللي مغيرينها ل + و شمال مع تكة اتحت لو هتجيب ال 2 اللي مغيرنها برضو ل - يعني اللي ساق فيراري هيفهمها و للتسهيل اللي شاف فيلم محامي خلع يركز داليا البحيري اول الفيلم و هيا طالعة بالفيراري من البيت بيجيبولقطه و هيا بتنقل الغيارات :36_13_6[1]:

رد: يا رجاله موقع كونتاكت كارز بيقول اللوجان الاتوماتيك مش ستيبترونيك بالصور!!
 

ومين قال انها ستيبترونك
الموقع كاتب اتوماتيك
اما الستيبترونيك الاكسنت rb


انا مش عارف يا غالى بس واضح من كلامك ان الاستيبترونك انواع
و ممكن الخاص باللوجان يكون ستيبترونك نوع اخر مثل ايزى ترونك؟ ولا الايزى شئ اخر

رد: يا رجاله موقع كونتاكت كارز بيقول اللوجان الاتوماتيك مش ستيبترونيك بالصور!!
 

السيارة استيبترونيك و الدليل هو + و - اللى فى الفتيس

رد: يا رجاله موقع كونتاكت كارز بيقول اللوجان الاتوماتيك مش ستيبترونيك بالصور!!
 

لا يكبير انا فاهم انته قصدق ايه انته قصدك استيب ترونك الفيه درعات وراه الدركسيون تزود وتنقص بيهم ده اكيد مش موجود فى الوجان وده مش موجود فى العربيات العاليه جدا وده اوبشن على الاستيب ترونك مش اساس فيه

شوف الاستيب ترونك انواع وامكانيات وبيعتمد على العربيه يعنى انا مثلا الوجان استيب ترونك لكن انا مش بعتمد عليه بدرجه كبيره لانى بصراحه خايف عليه لكن لو راكب بى ام هيهرها مثلا فى البين وكده ممكن وانته وسط d تحول لستيب ترونك وتزود نقلات وتنقص انا مجربتش ده فى الوجان لكن
اعتقد غلط لكن وانته فى وضع الوقوف تعمل ستيب ترونك تمشى معاك عادى اول فى تانى فى تالت فى رابع وكانك مانول فعلا

خلاصة الكلام الوجان ستيب ترونك والكلام ده اكيد مليار فى الميه الوكيل بياكده العربيه معايه فى تقرير هنا وجرب الستيب ترونك واساله لكن مكن نقول انه مش ستيب ترونك بامكانيات عاليه مش ينفع تقارنه بجير عربيه اوكتافيا مثلا وده طبيعى على عربيه ثمنها 79 الف لكن هو ستيب ترونك ستيب ترونك

فيرات منقعدشى نلف حولين بعض فى قضيه محسومه العربيه استيب ترونك وده ميزه امكانياته مش واو اصلا مفيش عربيه تحت 100 الف ستيب ترونك فوجوده اصلا معجزه فيرت نركز فى حجات اهم لان لو كان الجير اوتماتيك عادى كان بردك اعجاز فى السعر ده

رد: يا رجاله موقع كونتاكت كارز بيقول اللوجان الاتوماتيك مش ستيبترونيك بالصور!!
 

موقع كونتاكت يقول زى ما هوا عايز انا سوقتها وكانت ستيبترونيك وطالما اللوجان اللى انا سوقتها ستيبترونيك تبقى ستيبترونيك

سيبك يا باشا من الاقاويل العربيه ستيبترونيك بلا ادنى شك

تقبل تحياتى

رد: يا رجاله موقع كونتاكت كارز بيقول اللوجان الاتوماتيك مش ستيبترونيك بالصور!!
 

بعني ايه فتيس ستيب ترونيك
هو فتيس اتوماتيك عادي جدا بس متزود عليه اوبشن انك ممكن تنقل منه مانيوال
ازاي برضه
يعني في الفتيس الاتوماتيك المفروض العربية بتوصل ل ار بي ام معين حسب وضعية دواسة البنزين و حسب وضعية نظام الفتيس نفسه فبيقوم كمبيوتر العربية او وحدة التحكم مشفته السرعات في الاستيب ترونيك بقي انت بتعمل دور وحده التحكم انت اللي بشفت الغيارات بنفسك و ده اوبشن بيبقي في الفتيس عشان لو حد حب يجري بالعربية او عايز قبادة رياضية او عايز يحرق بصفة عامة
الاستيب ترونيك ده بيعتبر نوع من انواع النقل التتابعي او السيكونشال يعني انت بتنقل واحد ورا التاني زي الموتسيكلات يعني 1 2 3 4 5 مينفعش تنقل من 1 ل 3 او اي سرعة زي المنيوال ده معني كلمة تتابعي
اخر حاجة ان رغم ان الفتيس الستيبترونيك ده يعتبر تتابعي من حيث طريقة الاستخدام بس ده بيختلف تماما عن التتابعي بتاع السوبر كار زي الفيراري و طبعا الستيب ترونك ممكن يكون في دراع الفتيس نفسه او بدلات ورا الدكسيون
في ملاحظة اخيرة بس في احد الاعضاء هنا قال ان عربية داليا البحيري في فيلم محامي خلع كانت فيراري....هي مش فيراري علي فكره هي بورشة بوكستر :Bravo: