رد: سؤال ... و ياريت تساعدونى
 

اولا: كتيب الضمان و يكون مختوم و خلي بالك الكاسيت في رينو يحتاج لكلمة سر مرتبطة برقم شاسيه الكاسيت و لازم تاخده بعد ما ترخص ،تاخده من التوكيل و احتفظ بكلمة السر مكتوبة علي كتيب تشغيل الكاسيت علشان لو رفعت البطارية
ثانيا: تأكد من محتويات الشنطة الاستبن و الكوريك و المفتاح و طاسات العجل او تكون راكبه
ثالثا: غطا علبة الفيوزات اقصي يسار التابلوه بمحاذاة الباب ،لو بتشتري من معرض احيانا بيرفعها و حصلت معايا في االلوجان من يومين و اخدتها من عربية تانية عندهم
رابعا: ارفع طبقة المشمع العازل من اعلي السيارة لفحص الدهان و سلامة البودي
خامسا: جرب سريعا الابواب و الكراسي و فتح الشنطة و السنتر و الدبرياج و التابلوه و الكلاكس و التكييف
سادسا: افتح الكابوت و نظرة سريعة علي الموتور كله بيلمع ،عدا بعض اجزاء تثبيت الموتور و عمود الكوبلن و صرة الجنط غالبا بيكون عليهم صدا نتيجة النقل في المراكب و وقفة الجمرك
سابعا: حتاخد مفتاحين ،واحد بريموت و التاني احتياطي بدون ريموت

و ربنا يباركلك فيها و يكفيك شرها