مصر موتورز مجتمع السيارات - اجهزة التكييف المنفصلة

مصر موتورز مجتمع السيارات (https://www.masrmotors.com/vb/index.php)

- تكييف السيارة (https://www.masrmotors.com/vb/forumdisplay.php?f=150)

- - اجهزة التكييف المنفصلة (https://www.masrmotors.com/vb/showthread.php?t=80381)

رد: اجهزة التكييف المنفصلة

متابع معاكو
ROSE4U

رد: اجهزة التكييف المنفصلة

اقتباس:

المشاركة الأصلية كتبت بواسطة ahmed_eng2001 (المشاركة 637098)

انا شاكر ليك ردك و اسف على التاخير فى الرد

طيب ... ممكن نخلى جهاز التكييف ده يشتغل على دينامو العربية ؟ انا نتكلم انى ممكن اركب دينامو تانى لجهاز التكييف فقط

دينامو السيارة 12 فولت بينما التكييف المنزلى بيشتغل على 220 او 380 فولت يعنى مفيش دينامو 220 فولت ينفع يركب على السيارة الا بتعديل وكل الموجود فى السوق بتاع مولدات كهرباء صينى يعنى اسبوع ويبوظ

رد: اجهزة التكييف المنفصلة

حضرتك ممكن تحاول توفق تكييف يركب لعربيتك. متابع :010104~171:

رد: اجهزة التكييف المنفصلة

اقتباس:

المشاركة الأصلية كتبت بواسطة محمدقابل (المشاركة 657390)

انا شاكر لحضرتك ردك
بس انا ليا بعض التعليق ...
انا كنت بفكر اركب دينامو تانى فا العربية يدينى 12 فولت ... و بعدين استعمل محول ( كونفرتور ) علشان يدينى 220 فولت
حضرتك تقصد ايه بالتعديل ؟؟؟
الموجود فى السوق صينى ...... حضرتك تقصد المولدات الكهربائية ؟

رد: اجهزة التكييف المنفصلة

اقتباس:

المشاركة الأصلية كتبت بواسطة .EhAb (المشاركة 657403)

حضرتك ممكن تحاول توفق تكييف يركب لعربيتك. متابع :010104~171:

يعنى ايه اوفق تكييف يركب على عربيتى ؟؟

انا جبت تلاجة داخلية منفصلة ... الصينى الى بيتباع فى السوق .. و ركبتها على الكباس الاصلى بتاع العربية ... بس النتيجة كانت غير مرضية على الاطلاق ... التبريد مش جامد .. و العربية بتسخن لما اشغل التكييف
حضرتك تعرف ايه الى ممكن اوفقوا على العربية ؟
انا بفكر اجيب تلاجة ميكروباص تويوتا و الكباس بتاعه كمان

رد: اجهزة التكييف المنفصلة

اقتباس:

المشاركة الأصلية كتبت بواسطة ahmed_eng2001 (المشاركة 657511)

اولا لو ركبت دينامو 12 فولت وركبت عليه محول 220 فولت مش هاينفع للاسباب الاتية .
انت محتاج دينامو اكبر من قدرة التكييف (1.5حصان) وده مش موجود .
ولو موجود عملية تحويل الكهرباء من 12 الى 220 فولت تُحدث فقد فى الطاقة
يبقى اذاَ مفيش امامك الا دينامو يكون 220 فولت مباشر لتوفير فقد الكهرباء وبالتالى الحمل على الموتور وموجود فى السبتية ببولاق ديناموهات صغيرة صينى للمولدات وجودتها مش ولابد ولكن هايكون حمل على الموتور ولازم الموتور يكون قوى علشان يتحمل

رد: اجهزة التكييف المنفصلة

اقتباس:

المشاركة الأصلية كتبت بواسطة محمدقابل (المشاركة 660426)

انا شاكر لحضرتك ردك .... انا بحب اتناقش و اتبادل المعلومات و المعرفة
الموضوع كده شكله مش حينفع ... بس احب اتناقش فى شوية حاجات .....

انا كنت بفكر ...الدينامو 12 فولت ....لو جبت محول 3000 وات .... ده ممكن يدينى 13 امبير 220 فولت ... التكييف ال 1.5 حصان بيحتاج تقريبا 5 امبير علشان يقوم ... و حوالى 2 امبير علشان يشتغل ( المعلومات دى قديمة اتمنى انى اكون لسه فاكر صح ) فده معناه انى ممكن من المحول اقدر اقوم التكييف
بخصوص الحمل على الموتور ... اعتقد حمل الدينامو حيكون اقل من حمل كومبريسور التكييف
موتورى 8 سلندر .. حمل كومبريسور التكييف مش عاملى مشاكل

موضوع الدينامو الى بيخرج 220 فولت مباشرة .. ده موضوع جديد عليا و شكله حاجة جامدة جدا
انا احب اعرف الدينامو ده اخبارة ايه و سعره ايه من باب العلم بالشئ
تنت شاكر لحضرتك للمرة التانية على المعلومة الجديدة دى
تقبل تحياتى