مصر موتورز مجتمع السيارات - نيسان تييدا هاتشباك اتوماتيك ولا سانيرو اتوماتيك

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

رد: نيسان تييدا هاتشباك اتوماتيك ولا سانيرو اتوماتيك

اقتباس:

المشاركة الأصلية كتبت بواسطة ahmed-adel (المشاركة 618086)

اللي يحدد اختيار حضرتك هو احتياجاتك
1. وسع العربية
2.استهلاك البنزين
3.ال options
4.التوكيل
5.سعر قطع الغيار
6.الفئة السعرية
7.أداء العربية
8.حجم الشنطة

يعني يا ريت تحددي إيه المطلوب إنه يكون موجود عشان نقدر نساعد

متشكرة جدا على الرد السريع انا عايزة اولا عربية هاتشباك، وشكله يكون حلو، تكييف قوى عزم قوى توكيل محترم زى توكيل نيسان وقريب من المعادى فئة سعرية متوسطة وحجم الشنطة مناسب اما الاوبشنس اتوماتيك ، شبابيك كهرباء، كاسيت وباور ABS، وتكون عالية وجنوط سبور وما تكونش صوتها عالى، كمان لازم قطع الغيار تكون متوفرة، وسعرها كويس عشان انا معايا كيا ريو 2004 بس مطلعة عينى فى قطع الغيار والصيانة

رد: نيسان تييدا هاتشباك اتوماتيك ولا سانيرو اتوماتيك

اقتباس:

المشاركة الأصلية كتبت بواسطة MR speed (المشاركة 618122)

والله انا شايف المقارنة متنفعش اصلا طبيعى التيدا احسن بكتير بس اختيارك يكون على حسب ميزانيتك وفى الحالتين مش هتندمى لان الانتين كويسين :01FDAB~189:

انا كنت خلاص حجيب التيدا بس لما نزلت السانديرو الأوتوماتيك لأن ما كانش بينزل منها اتوماتيك قلت أسأل اهل الخبرة

رد: نيسان تييدا هاتشباك اتوماتيك ولا سانيرو اتوماتيك

اقتباس:

المشاركة الأصلية كتبت بواسطة ayman1204 (المشاركة 618116)

يا باشا
دا كلام تانى

التيدا فئة تانية لا دى فئة تالتة

بص انا كان معايا لوجان وصاحبي معاه تيدا ( عمل حادثة على 180 ودخل فى عمود )
والحمدلله طلع سليم مفيهوش ولا خربوش هو وصاحبه ( شوية كدمات بص ) وادى اللينك علشان ما تفتكرش انى بحور
http://www.facebook.com/media/set/?s...1733048&type=3

التيدا فيها ABS + EBD + ESP وعوامل ثبات الكترونى وحاجة تانية
ماتورها 118 حصان + تشارجر تقريبا ( موتور جبار ) موفرة فى البنزين

انت لو معاك فلوس التيدا هاتها
معكش فلوس التيدا
هات السانديرو ( جميلة جدا جدا جدا )

حضرتك الحوادث دي قضاء وقدر بس ده ميمنعش إن عوامل الأمان في العربية بتفرق برده, اللي اقصده إن الحوادث مش مقياس

التيدا في مصر مفيهاش ESP وموتورها مفيهوش turbocharger ولا supercharger , موتورها naturally aspirated بس العربية جراية فعلا

رد: نيسان تييدا هاتشباك اتوماتيك ولا سانيرو اتوماتيك

اقتباس:

المشاركة الأصلية كتبت بواسطة zaza_elsaghir (المشاركة 618188)

*الشكل: ده أذواق ,يعني حضرتك بس اللي تقدري تحكمي فيه
*التكييف :أكيد الياباني يكسب , يعني التيدا
*توكيل : التوكيلين محترمين
*حجم الشنطة : ده في صالح التيدا
*الاوبشنز: في صالح التيدا بحكم إنها في فئة سعرية أعلى بس كل اللي كتبتيهم موجودين في السانديرو
*الصوت : معرفش
*توفر قطع الغيار :ده في صالح السانديرو بحكم إن انتشارها أكتر وقطاع غيرها ارخص (عموما اللي بيشتري جديد ,يسأل على الوكيل علشان في صيانة المشتري ملزم بيها عشان الضمان )

فيه برده بديل تانية :1.renault megane
2. kia rio
أو ممكن بدايل مش هاتشباك :
1.hyundai elantra
2.accent rb
ممكن يتجابو خليجي وتعملي الصيانة في مراكز معتمدة وأوبشانز أعلى من الوكيل

رد: نيسان تييدا هاتشباك اتوماتيك ولا سانيرو اتوماتيك

نيسان تيدا بدون تفكير الرينو هايتعبك السحب و الهدوء في التيدا افضل و احسن بكتير و ده والله عن تجربه النيسان تيدا تحفة و ياباني على ابوه و ان فاتنا الياباني مش هيرجع تاني :010104~171:

رد: نيسان تييدا هاتشباك اتوماتيك ولا سانيرو اتوماتيك

لو معاكي فلوس يبقي تيدا طبعا بلا نقاش لكن لو الفلوس متكملش يبقي السانديرو وعربيه حريمي ولذيذه فعلا ركبتها بس المانيوال :010104~171: