مصر موتورز مجتمع السيارات - مشاكل الrpm على السلانسيه فى الحقن الإلكترونى

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

- - مشاكل الrpm على السلانسيه فى الحقن الإلكترونى (https://www.masrmotors.com/vb/showthread.php?t=79834)

رد: مشاكل الrpm على السلانسيه فى الحقن الإلكترونى

بارك الله فيك على الشرح الجميل و المعلومات القيمة

رد: مشاكل الrpm على السلانسيه فى الحقن الإلكترونى

ممكن يا هندسة تشرح اذا موضوع فتح البواية يدوى مكنش سبب عدم ظبط السيارة ايه يا ترى ممكن يكون السبب ؟

رد: مشاكل الrpm على السلانسيه فى الحقن الإلكترونى

اقتباس:

المشاركة الأصلية كتبت بواسطة fox3d (المشاركة 617129)

ممكن يا هندسة تشرح اذا موضوع فتح البواية يدوى مكنش سبب عدم ظبط السيارة ايه يا ترى ممكن يكون السبب ؟

حاضر

هحضر الأمور التانيه ذات المشاكل المتعلقه بعدم ضبط سلانسيه المكنه

وأضيفها فى هذا التوبيك

رد: مشاكل الrpm على السلانسيه فى الحقن الإلكترونى

اقتباس:

المشاركة الأصلية كتبت بواسطة samirayad (المشاركة 616606)

هقول لحضرتك على فكره حلوه

علشان نعرف المشكله قادمه من بلف الأيدل ولا ليها أسباب أخرى

1- خللى حد يقعد على كرسى السواق

2- إفتح الكبوت وشيل خرطوم الهواء من على زور البوابه

3- ببكرة الأكسراتير ....وارب البوابه سنه بسيطه بحيث يخش هواء

بدون الأعتماد على بلف الأيدل

4- لو دارت على طول بدون مشاكل خليك ثابت على الوضع ده فتره وجيزه

لحد ماتسخن

لو حصل معاك كده بالضبط

يبقى يجب أنك تعمل الكلام المكتوب فى الموضوع ده

مع تغيير فلتر الهواء

هتلاقى كله بأه تمام

ربنا يخليك يا بشمهندس ويجازيك كل خير وجارى التجربة

رد: مشاكل الrpm على السلانسيه فى الحقن الإلكترونى

لنا أخ : فاضل

فى هذا التوبيك نبهنى بالتحدث عن الأسباب الأخرى

المتعلقه بخلل سرعة السلانسيه

وهحاول مع حضراتكم تجميع كل الأسباب المحتمله

بخصوص مشاكل السلانسيه

ومنها

حينما تواجهك إضاءه للمبة الأعطال فى محركك

ذو الحقن الإلكترونى

وقمت بعمل مسح إلكترونى بالأسكانر

وتم تحديد كود عطل P0300

فهنا أنت تمتلك عطل حريق عشوائى

الحريق العشوائى يمكن إكتشافه فى المحركات الحديثه فقط

ذات نظام التشخيص OBD II

فحينما تحدث أخطاء حريق عشوائى بمحرك سيارتك

فيكون سبب هذا غالبا هوكالآتى

1- هروب هواء تخلخل من مانيفولد دخول الهواء للمحرك

2- بلف (EGR) تالف

3- بنزين غير جيد أو غير مناسب لسيارتك

4- كابلات بوجيهات رديئه

5- بوجيهات غير جيده أو مهببه

6- بوبينا ضعيفه

7- رشاشات تالفه أو بحاجه للتنظيف

8- ضغط بنزين ضعيف بسبب فلتر مخنوق

أو طلمبة بنزين ضعيفه

9- سوست صبابات ضعيفه

وإذا حدث خطأ حريق عشوائى فى غرفه أو أكثر

من غرف الحريق

فيمكن لجهاز الأسكانر من تحديد رقم الغرفه

المتواجد بها خطأ الحريق

رد: مشاكل الrpm على السلانسيه فى الحقن الإلكترونى

بارك الله فيك وزادك بسطاً فى العلم .
معظم العربيات اللى فيها السلانسية مش مظبوط مش بيطلع اخطاء على الاسكانر.فكده العملية هتكون محصورة فى موضوع البوابة و الحساس فقط ؟

رد: مشاكل الrpm على السلانسيه فى الحقن الإلكترونى

اقتباس:

فكده العملية هتكون محصورة فى موضوع البوابة و الحساس فقط ؟

أو الأمور المذكوره من 1 إلى 9 فى مشاركتى السابقه

وطبعا

بنبدأ بالبركه كده بالأسهل ثم الأصعب

لحين وضع أيدينا على مكمن الداء