|
رد: تجربة : مشروع حياة
اقتباس:
اخى الفاضل تابع معى وسأمدك بالتفاصيل من خلال القصة ان شاء الله |
رد: تجربة : مشروع حياة
الفصل الثانى : مقالب مقالب طبعا انا كنت سمعت ان اصحاب الأراضى موجودين على القهوة مع عمو حسن والد على جريت ونزلت قابلت اصحابى واخدتهم وروحنا على القهوة بسرعة لقينا راجل قاعد قعدنا نفهم منه الدنيا عاملة ازاى ولازم اقولكم ان كان المفترض ان احنا نقابل صاحب الارض اتضح انه عم صديقى على ولأن هو الواسطة اللى من خلاله هيتم الموضوع ماشى المهم اتكلمنا مع الراجل واللى اسمه عم عمار بالمناسبة وهو أخو عم حسن بس عايش فى المنطقة هناك وعلى فكرة المنطقة دى الشوبك الغربى لو حد يسمع عنها ... المهم قالنا الأرض احنا هناخدها من ناس بيننا وبينهم علاقات نسب يعنى اعتبروا ان الارض دى بتاعتكم يعنى لو بيأجر للناس بأربعة احنا هناخد الفدان على تلاتة ونص بشبكته طبعا احنا انبسطنا جدا من الكلام ده والراجل كلمنا عن ان البطاطس هناك بتبقى جميلة جدا ومحصولها بيطلع ممتاز ... وفى اللحظة دى تفكيرنا اتغير تماما بعد ما كنا ناوييين على محاصيل تانية طبقا لدراسة عاملها المهندس اسعد الفقى على الانترنت غيرنا فكرنا تماما بناء على كلام الحج عمار واستقرينا على ان احنا نزرع بطاطس وطبعا زى كدة حصل ان احنا جينا فى يوم من ايام رمضان برده لقيت اصحابى بيقولولى اجهز بسرعة الكلام ده كان الساعة 10 الصبح قالولى رايحين الأرض طبعا انا فى خلال عشر دقايق كنت لبست وجهزت بسرعة بس قالولى لازم تحصلنا انت بقى لأن احنا هنطلع دلوقتى قولتلهم ماشى وخدت عربيتى وطرت عليهم وبصراحة كنت فاكر ان الارض بعيدة جدا وهنروح صحارى وحاجات زى كدة ... اكتشفت ان الأرض قريبة مش بعيدة للدرجة دى .. ولما روحنا هناك لقينا زى سمسار بيفرجنا على الأراضى وكان معانا الحج عمار وصحابى كانوا جايين بالعربية اللادا بتاعت محمد وصلاح .. وأول ما وصلنا هناك رميت الدايو بتاعتى عند صاحب الأرض وطلعت اتفرج على الاراضى فى اللادا طبعا انتو عارفين لو كانت الدايو كان حصل فيها ايه فى الطرق الغير ممهدة دى ... المهم اتفرجنا على ارضين واحدة كانت مزروعة قمح والتانية كانت مزروعة ذرة شامى انا نسيت اقول ان القطع كانت الواحدة مساحتها 5 فدان نزلنا بقى ولقينا عمو حسن كان اتكلم مع صحاب الأراضى بس اهم مقلب حصلنا وقتها ان كان المفروض ان احنا هناخد الارض بشبكتها على 3 او 3.5 الف للفدان لقينا بقى الراجل بيتكلم فى 7 آلاف جنيه وده طبعا كان كفيل بتحطيمنا معنويا لان الفلوس معانا محدودة مش كتيرة كدة يعنى المهم اتفقنا معاهم على ان لينا حضور تانى ان شاء الله بس طبعا نسيت اقولكم ان احنا اتبهدلنا فى الصيام الجو هناك شمس قوى وريقنا نشف بشكل صعب المهم انتهت المقابلة ولما اجتمعنا مع بعض قعدنا نفكر هنعمل ايه وموصلناش لأى قرار المهم انه يومين كمان ولقيت اصحابى بيكلمونى 10 الصبح برده ياللا بسرعة نازلين الأرض رايحين نكتب العقود !!!! |
رد: تجربة : مشروع حياة
اولا احييك علي حبك لخوض هذه التجربه ولكن للعلم موضوع الاستثمار الزراعي مجهد وعايز عمل ..........
بالنسبه للارض اهم نقطه هي مصدر المياه وده مهم تحديدا في اراضي الاستصلاح وغالبا بتعمل بير ارتوازي علي عمق من 60 الي 120 متر وتحمله امتا علي موتور ديزل او الافضل موتور كهرباء عشان تبعد عن الجاز والزيت والميكانيكيه........ بالنسبه للزراعه حاول تختار ارض تجود فيها زراعه الاشجار وبلاش شغل زراعه الخضارلانه متعب ومرهق ماديا.............بس زراعه الاشجار استثمار طويل الاجل لانه مش بيديك محصول غير بعد 5 سنوات بس اريح واحسن وقرشه ملموم وربنا يوفقك واصحابك ان شاء الله.......... تحياتي:12EA7A~153: |
رد: تجربة : مشروع حياة
اقتباس:
على كدة مجال تخصص حضرتك ايه بقى بالظبط ؟؟؟ يمكن نشتغل سوا |
رد: تجربة : مشروع حياة
اقتباس:
|
رد: تجربة : مشروع حياة
حاول تحوط الارض باشجار الجازورينا مش بتحتاج رعاية وبتحمى الارض من التصحر وفى المستقبل البعيد خلال 7-10سنين تديك انتاج من الخشب كويس :286:
|
رد: تجربة : مشروع حياة
متابع .................:286:
|
| الساعة الآن 12:22 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017