رد: العربيه مش عايزه تدور نهائى
 

طريقه أخرى لإختبار عمل الطلمبه

يمكنك أيضا قبل فتح الكونتاكت

1- حل خرطوم دخول البنزين لفلتر البنزين

2- حط بوز الخرطوم فى زجاجه فارغه

3- إفتح الكوناكت وشوف البنزين هيخرج للزجاجه بقوه ولا لا

رد: العربيه مش عايزه تدور نهائى
 

متابع باهتمام

رد: العربيه مش عايزه تدور نهائى
 

الحمد لله العربيه دارت والشكر موصول للبشمهندس سمير والعيب كان كالاتى للافاده

البوجيهات واه من البوجيهات العيب منها مكملتش 1000 كيلو او 2000 كيلو بالكتير

البوجيهات طلعت غرقانه بنزين وطبعا مسوده

انا عايز اعرف السبب من واقع خبره حضرتك يا استاذ سمير او اى اخ ممكن يساعدنا بمعلومه

1-هل البوش 3 شمعه (روسى وليس المانى) مرطب ومضروب كما يقال عنه؟
2-هل البوجيهات غرقت بنزين من كتر التزويد اثناء محاوله الدوراه؟
3-هل البوجيهات باظت بسبب انى نظفت البوابه باسبراى تنظيف قبلها بيوم (عملتها قبل كده على ngk وفضلت سليمه)
4-عامل الجراج يركن العربيه بطريقه غريبه فيقوم بتزويد كذا (امبليه) بنزين ويتحرك سنه سنه مع الامبليهات اللى ملهاش لازمه وقبل التبطيل بيدى 2 امبليه عالين (هل ممكن تكون العربيه شرقت) العربيه انجيكشين


اخيرا اشتريت طقم ngk يابانى الكترونى شمعه واحده (ياريت نعرف فايده الالكترونى ) البائع قالى انه مناسب للغاز اكثر ومفيش ضرر للبنزين

رد: العربيه مش عايزه تدور نهائى
 

هى البوجيهات التلاته شمعه مكنتش إلكترونى ..........؟

وهل ممكن تكتبلنا الرموز المتواجده عليها ( من على جسمها )

وعلى بوجيهاتك الحاليه ( من واقع العلب )

رد: العربيه مش عايزه تدور نهائى
 

الواضح بعد اما تأكدت من البوجيهات انهم الاثنين كانوا الكترونى بس يعنى ايه الكترونى وايه علاقه بالعربيات الغاز وايه ضرره على البنزين

الرموز المكتوبه على البيجو 3 شمعه بوش روسى
super r6 102
fr7dic

الرموز المكتوبه على ال ngk اليابانى شمعه واحده

2756
BKR6E-11

العربيه اكسنت 99 انجيكشن

رد: العربيه مش عايزه تدور نهائى
 

واضح فعلا أن البوجيهات التلاته شمعه دى

كانت غير مناسبه بالمره لسيارتك

هنتابع مع بعض آداء البوجيهات ال NGK

لزيادة التأكيد مع مرور الأيام

رد: العربيه مش عايزه تدور نهائى
 

شكرا يا استاذ سمير

فى سؤال اتناقش كتير جدا وللاسف مفيش رد قاطع فيه

الشمعات الزياده بتزود استهلاك البنزين ولا بتقلله