|
رد: فلول الثوار
حسبي الله ونعم الوكيل في كل خائن للوطن اللهم ما اجعل دائرة السؤ عليه واجعل كيده فى نحره
واهلك يا ربنا الظالمين بالظالمين واجرجنا من بينهم سالمين |
رد: فلول الثوار
يا استاذ وليد
يا اخي يا محترم يعني موضوعك ده من اوله لاخره ليس له محل من الاعراب مش مفهوم انت عايز منه ايه طعن في الثورة و الثوار من اول و جديد؟؟؟؟ البلد ولا هيه مستحمله ولا الموقف مستحمل ولا البطيخ يعني مش نفكر شوية حتى قبل ما نسخن او نشوه في اي طرف و كلنا عارفين في الاول و الاخر ان ام المصايب اللي بتحصل في البلد من اولها لاخرها تخطيط و تنفيذ امن الدولة و فلول الحزن الواطي و البلطجية المأجورين و بترحيب من المجلس السمكري الذي يسعى بكل قوة لفرض الفوضى حتى يطالب الشعب بحكم العسكر لوقف نزيف الدم و الفوضى المفتعلة!!! حتقعد تهاجم و نقعد ندافع - يا اخي انت مش بتتعب؟؟؟ البلد والله مش مستحمله!!! صحابنا و اهلنا بيتقتلوا كل يوم من بلطجية الحزب الوطني و الداخلية و الجيش و انت طالع تشتم في الثوار و ثم فيديو وائل غنيم الترجمة صباح البطيخ مع الكلام لو مش بتفهم انجليزي خللي واحد يترجملك الكلام اللي هو بيقوله لان الترجمة ملهاش اي علاقة في البرنجان مع اللي هو بيقوله ارحمونا شوية يا اخي مش وقته |
رد: فلول الثوار
قرأت كلام حبيت أنقله
عزيزي وحبيبي المعتصم السلمي: أرجوك لا تعتصم باسمي مرة أخرى. فلقد قمت ومعي ملايين المصريين بانتخاب من يمثلنا ويحقق أهدافنا أو هكذا نظن، وهو بالطبع ليس أنت. وإذا جاءك أفراد جيشنا أو قوات شرطتنا يفضون اعتصامك بالقوة فاعلم أنني أنا من أرسلتهم لأن من أمن العقوبة أساء الأدب. وأرجوك لا تحدثني عن عنف وعنف مفرط، فأنا أعرف عنف فوق المفرط قد ينتج عنه مئات وآلاف القتلى وقد يحرق بلادي. فأنت لا شرعية لك وأنت جار مشاغب لي في وطن أريد أن أبنيه. تختار أنت المعارك وتريدنا جميعاً أن نتحمل نتائج تهورك، واعلم أن عدم وجود قيادة ليس ذنبك ولا ذنبي. تتجاهل أنت كل سنن الكون في التدرج، وتكفر بالديموقراطية إذا لم تعجبك، وتظن أن الصوت العالي هو الحق المطلق. لا وألف لا. أما إذا مت فأنا خصيمك أمام الله يوم القيامة حيث يغلب على ظني أنك ألقيت بنفسك إلى التهلكة، ووقعت بغشامة في الفتنة، وأنا أدعو الله أن ينتقم من قاتلك أين ما كان إذا كان قد قتلك ظلماً. وإن لم تُسلم السلطة في 1 يوليو فسننزل معاً و لن نعود حتي نموت معاً. قبل هذا التاريخ أنت في نظري تريد خطف بلادى إلى اتجاه بعينه متجاهلاً أن الثورة أطلق شرارتها قليل من شباب مصر، وشارك فيها كل الشعب المصرى، وشارك فيها الجيش نفسه، وأنت تريد أن تقودها لاتجاه ما غير واضح المعالم. منقول |
رد: فلول الثوار
اقتباس:
والله يا اخ محمود لو كنت شوفت نفس الحمئة بتاعتك دي على موضوع العضو سيلفر كنت قولت انك محايد لكن انت لست محايد عشان الموضوع مش على هواك جاي تعاتبني وتغلطنى هو فية ايه الدنيا اتقلبت ولا ايه الصح بقى من وجهة نظرك خطأ ولا ايه كفاية انتم واللي عاملينة الثورة اللي بصحيح كانت 25 يناير2011 اللي بيحصل دلوقتي دا بلطجة وقلة ادب اتقى الله انت في كلامك الاول وفكر في كلامك قبل ماتقوله ثم مش انت مقرر مقاطعه المنتدى داخل ليه وماعلقتش لية على موضوع العضو سيلفر مش دا موضوع مهيج ومثير للمشاعر انا مش بدافع الا عن الحق اللي انت مش شايفه للاسف وبعدين انا مش جايب غير حقائق مش كلام مرسل |
رد: فلول الثوار
|
رد: فلول الثوار
http://www.youtube.com/watch?v=y7u8l...eature=related
ده فيديو بيوضع مين اللي بيقتل الناس و بيشعل الفتنة النقطة التانية برضه مردتش على نقطة فيديو وائل غنيم و الترجمة المتخلفة عقليا المرفقه بيه - يا ريت تسمع كلامه و الاعتراف بالحق فضيلة و طالما قلتلي وفر كلامي يبقى انا حرد على كلامك و اضافاتك بند بند و الله الموفق اخيرا انا مشوفتش موضوع سيلفر و ياريت تحط الرابط بتاعه علشان اشاهده و اعلق عليه و موضوع التوقف عن التعليق كان قبل يوم 25 يناير و انا وضحت النقطة دي |
رد: فلول الثوار
تعليق مهم اذا كانت اهانة المجلس العسكرى والجيش اليوم اسهل من شكه الدبوس في معظم بل كل وسائل الاعلام فانا اعلم تمام العلم بان الباطل دائما كان صوته اعلى من الحق على مر التاريخ ولكن في النهاية كانت الغلبة وستكون للحق |
| الساعة الآن 12:29 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017