رد: ارجوكم الإفادة في مشكلتين
 

إكشف برضه على تواجد بارومه من تحت

ممكن يكون عندك بارومه من تحت المنطقه دى

وبدخلك ماء مطر عند السير بالسياره فى أماكن مليئه بالمياه الراكده من المطر فى البرك والمستنقعات

رد: ارجوكم الإفادة في مشكلتين
 

السلام عليكم
بالنسبه للمشكله التانيه
اكشف على زجاج العربيه الامامى
ولو ليها فتحه سقف اكشف عليه
وممكن يبقى من المكان الى فيه اريل الراديو
فى سقف العربيه

رد: ارجوكم الإفادة في مشكلتين
 

الف شكر على المساعدة يا رجالة
انا شكيت في موضوع البارومة من تحت دي اول حاجة فكرت فيها
بالنسبة لموضوع الإريال انا معنديش اريال اودام , العربية هاتشباك الاريال في اخر السقف
بالنسبة لفتحة السقف فيها مزرابين وسالكين ومختبرهم قبل كدة ومش بتدخل حاجة

رد: ارجوكم الإفادة في مشكلتين
 

ساعات بيكون عزل فتحة الهوايات فيه قطع فالميه تدخل من السدر
او خرطوم فايظ التكييف مسدود فميه المطر تملى حوض الهوايات و تفيض تنزل لجوه على الدواسات

محتاجة خرطوم ميه و تجرب ترش من حوالين الهوايات الخارجية و لو مجبيتش ميه يبقى جرب رش جواها لو جابت يبقى احتمال الفايظ مسدود

رد: ارجوكم الإفادة في مشكلتين
 

انا كان معايا أخت عربيتك يباشا
ياريت تروح لميكانيكى كويس تنزل الفتيس عندوا وتشوف الإسطوانة تتغير ولا تملاها
وبالمرة تشوف الديسك والبلية
أما موضوع المية ده من عند الحوض اللى تحت البرابريز الأمامى هتلاقى مكان لدخول المياه اللى بتدخل على الصالون مش من السقف

تقبل مرورى

رد: ارجوكم الإفادة في مشكلتين
 

الله ينور عليك انا عملت كدة امبارح كبيت ميه على البرابريز مكان البطارية ولقيت المية بتنزل جوه العربية يعني الحمد لله عرفت مكان التسريب.
وبالنسبة لإسطوانة انا هغيرها ان شاء الله .بس بعد اللي حصل امبارح دة الواحد ملوش نفس يعمل اي حاجة .حسبي الله ونعم الوكيل

رد: ارجوكم الإفادة في مشكلتين
 

هى العربية عامله اه معاك فى الدوارة والمشى ، انا قريت شوية مواضيع من القديمة بعد إذنك ، مشكلة العربية دى انها بتسخن اوى أكتر من أى عربية تانية وطبعا انت عارف ان السخونية بتفتح حجات كتير ، ربنا يوفقك و يديك خيرها ويكفيك شرها

تقبل مرورى