مصر موتورز مجتمع السيارات - تعديل فرامل اللانوس

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - تعديل فرامل اللانوس (https://www.masrmotors.com/vb/showthread.php?t=78578)

رد: تعديل فرامل اللانوس

اقتباس:

المشاركة الأصلية كتبت بواسطة aaffii (المشاركة 607173)

المشكلة الرئيسية في فرامل اللانوس ان حجم الطنابير والتيل بتاعها اصغر من حجمها كعربيه واصغر من امكانيتها في الجري فلو عرفنا ان طنابير اللانوس هي هي طنابير الماتيز اذن بالتبعيه اكيد فرامل اللانوس حتبقى ضعيفة وبيبان ده لما تكون العربية محمله وبتجري حتلاقى فرامل العربيه ضعيفة وفي الحاله ده العيب مش عيب زيت او ان البساتم بتاعة الفرامل بتخرج بسهوله العيب صغر حجم الطنابير والتيل فيها وده احنا بنحله بالتعديل اللي انا ذكرته في المشاركه السابقة

فعلا لو طنابير اللانوس هى هى طنابير الماتيز دى تبقى سلطهhttp://www.masrmotors.com/vb/images/..._51%5B1%5D.gif
وبعدين انا لما قلت ان التعديل يستحب انه يكون للافيو ده لان كل الناس بتشكر جامد فى فرامل الافيو لكن لو هى عملية صعبة وفى بديل ليها وبيدى نتايج جيدة يبقى على البركة
بس الحقيقة انا لسه جايب ماستر فرامل عمومة جديد ب 450 جنيه وده كان بعد مشاوير للميكانيكة وبتوع الفرامل وكل واحد يقعد يفتى شوية والفرامل كانت بتتصلح يومين وبعدين ترجع ريمه لعادتها القديمه وبعد ماغيرت الماستر فضلت برده الفرامل فى البايباى وفى الحقيقة انا صعبان عليه المصاريف دى كلها وكمان غير مصاريف التعديل .
فهل يوجد حل اخر؟http://www.masrmotors.com/vb/images/...E16%5B1%5D.gif

رد: تعديل فرامل اللانوس

اقتباس:

لتعديل بمنتهى البساطه اننا حنركب الاتي :
1- تركيب طنابير اوبل فيكترا
2- تركيب كاليبرات دايو اسبيرو
3- تركيب تيل دايو نوبيرا
4- ماستر نوبيرا مقاس 22
انا عملت الموضوع ده في عربيتي والنتيجه هايله ووهميه واتكلف بالترتيب كالتالي :
1- طنابير اوبل جديده ماركة ليمفورد ب 300 جنيه
2- كاليبرات دايو اسبيرو استعمال خارج ب 150 جنيه
3- تيل نوبيرا ب 70 جنيه
4- ماستر نوبيرا استعمال ب 140 جنيه
والمصنعيه عباره عن حل وتركيب بدون اي تغيير والميكانيكي اخد تقريبا 100 جنيه مش فاكر بالضبط لأن الموضوع ده من مده
طبعا انسب الفضل في الموضوع ده لكل من م.ممدوح و عصام غنايم

مدام سيادتك غيرت الماستر يبقى ممكن متغيروش مع التعديل اللي انا قولته لأن ماستر النوبيرا بيفرق بس في مشوار بدال الفرامل
لكن عموما التعديل ده بيفرق كتير جدا في العربيه لأن طنابير الاوبل وكاليبرات الاسبيرو اكبر في الحجم وبالتالي حتفرق في الفرامل
هي المشكله الاكبر في التعديل اللي انا بقوله لحضرتك انك لازم تغير الجنوط بتاعة العربيه لأن الجنوط 13 بتوع العربيه مش حينفع يتعمل معاهم التعديل لاننا كبرنا الطنابير والكاليبرات والتالي مش حتركب الجنوط بعد التعديل
في عربيتي انا كده كده كنت مجنط العربيه لجنوط 15 وبالتالي كان الموضوع عندي سهل وبسيط
ملحوظه : ممكن سيادتك تدور على النت على تعديل فرامل اللانوس وحتلاقي ناس كتير عامله التعديل اللي انا قلت عليه وبيشكروا فيه جدا
اقرأ الموضوع ده http://masrmotors.com/vb/showthread.php?t=26737

رد: تعديل فرامل اللانوس

اقتباس:

المشاركة الأصلية كتبت بواسطة aaffii (المشاركة 608080)

انا متشكر جدا ليك وانا حاسس انى تعبتك معايا وبالنسبة لموضوع الجنوط ده فبالنسبة ليه انا معنديش مشاكل لانى اصلا مركب الجنوط الفبريكة بتاعت النوبيرا
وسوال اخير هو التيل بتاع النوبيرا اللى هنجيبه بيكون جديد ولا استيراد وكمان الطنابير الالمانى مينفعش تيجى استيراد وشكرا

رد: تعديل فرامل اللانوس

اقتباس:

التيل بتاع النوبيرا اللى هنجيبه بيكون جديد ولا استيراد وكمان الطنابير الالمانى مينفعش تيجى استيراد وشكرا

ممكن يبقى التيال والطنابير استيراد بس انا مش بنصح بكده لأن ده فرامل مش هزار فيفضل على الاقل ان التيال تبقى جديده وخصوصا انها مش غاليه ده 70 جنيه
اما الطنابير بتوع الاوبل فممكن تجيبهم استيراد وتستنظف جوز وتخدهم تخرطهم الاول قبل ما تركبهم علشان لو فيهم ريجه او عالي وواطي
وانا تحت امرك في اي استفسار !!!!!!!!!

رد: تعديل فرامل اللانوس

اقتباس:

المشاركة الأصلية كتبت بواسطة aaffii (المشاركة 608154)

الف شكر ياباشا
وسوال كمان لو سمحت هو الماستر العادى بتاع اللانوس لو متغيرش مش هيؤثر على الاداء بعد التعديل ( يعنى هيقدر يسيطر على الطنابير الكبيرة والتيل كمان
وكمان هو مفيش حاجة تانية هتتعمل عند العجلتين الخلفيتين ؟
وشكرا

رد: تعديل فرامل اللانوس

اقتباس:

وسوال كمان لو سمحت هو الماستر العادى بتاع اللانوس لو متغيرش مش هيؤثر على الاداء بعد التعديل ( يعنى هيقدر يسيطر على الطنابير الكبيرة والتيل كمان
وكمان هو مفيش حاجة تانية هتتعمل عند العجلتين الخلفيتين ؟

ماستر اللانوس حتبقى مشكلته الوحيده ان بدال الفرامل حيبقى واطي شويه عن الطبيعي وده عادي نظرا لأن الزيت بقى بيملى مساحه اكبر من الاول.
اما العجل الخلفي :-
التعديل الخلفى
او تركيب فرامل سكينه وراء
1 - جنبين خلفى كاملين بتوع (اوبل فكترا مكنة 2000 cc موديل 95 او اوبل استرا مكنة 1600 cc موديل 2002 ) ودول اللى انا جبتهم لانهم احدث وانضف ب 450 جنيه
2- هتحتاج اثناء التركيب لتعديل قاعدتين علشان يمسكو جراب فرامل الهاند ودول هيبقو راكبين على الدونجل الخلفى
ودة الجزء الصعب فى كل الموضوع
الجزء ده للامانه منقول وانا معملتوش في عربيتي

رد: تعديل فرامل اللانوس

اقتباس:

المشاركة الأصلية كتبت بواسطة aaffii (المشاركة 608154)

اقتباس:

المشاركة الأصلية كتبت بواسطة aaffii (المشاركة 608207)

طيب بما ان الجزء الخلفى انت معملتوش فى عربيتك فمن غيره الفرامل عامله ايه ؟
وكمان انت قولت انك مغيرتش الماستر العمومى لماستر النوبيرا فبرده ايه رايك فى الاداء بدون تعديل الماستر وكمان بدون التعديل الخلفى ؟