رد: هوندا أو اكسنت مستعمل و لا فيرنا أو سبيرانزا جديد
 

_________________________ __

جزاكم الله خيراً أخي محمد
فيرنا بينك أوتو - والله لو حشتري أوتو يبقى فوشيا أو تركواز بلاش البينك لحسن المعلم بعضشي يفككها الله أكبر زي مسرحية سيدتي الجميلة لما فك عربية فؤاد المهندس البمبي المسخسخ
أنا شفت لون I30 ما شاء الله لا قوة إلا بالله و السليز مان قالي أركبيها و ساعتها كانت بحاجة و تسعين بس بصراحة مش بحب أحط رجلي في حاجة أكبر من إمكانياتي
"أنا ملكة طالما إني على قدي"
و ربنا دائماً بيديني 72 قيراط و لله الحمد و في قمة الرضا عن حالي بس ربنا يرضى عني و عنكم جميعاً

رد: هوندا أو اكسنت مستعمل و لا فيرنا أو سبيرانزا جديد
 

أخوتي الكرام

بصوا بقى فيه ناس بتقول : " تغور من وش منصور و غبور"
و من تجربة البعض بقول: " أبو الفتوح زي ما تيجي زي ما تروح"

يبقى ورقة و قلم و نحسب و نستخير ربنا زي ما الرسول الكريم قال : أعقلها و توكل يعني أحسب الأول و استخير ثم أتوكل:

مستعمل محترم(1600 سي سي)
= 50 ألف+سوم + تأمين + صيانة و تغيير فرش = 55 : 60 ألف
مستعمل نص نص(800 إلى 1200 سي سي)
= 25 ألف+سوم + تأمين + صيانة و تغيير فرش = 35: 40ألف
يفضل مع توتة من 8 : 15 الف خلال خمس سنين بتوع القرض

جديد فيرنا (1600 سي سي)
= 69ألف+ رسوم+تأمين+شنطة عدة و إنذار = 75 ألف
و توتة تستلف من سواقين التوكتوك أربع مخرومة تكمل بيهم بس حاجة محترمة تعيش و بياعة
جديد سبيرانزا (1300 سي سي)
= 56 ألف+ رسوم+تأمين+شنطة عدة و اكسسوارات = 60 ألف
يعني بارك الله فيما رزق و مد لحافك على قد رجليك و أشرب مقالب صيني و يمكن ربنا لو أحسنت الظن فيه و حافظت على عربيتك تعيش الـ 5 سنين بتوع القرض


المشكلة أني استخرت ربنا و حلمت بحاجة شبه (سبيرانزاA113- هيوندايI10-شيفروليه سبارك - كيا بيكانتو)

بس نفسي مرتاحة للفيرنا الهاف مانيوال الزيرو للأسباب التالية:
1- موتور 1600 سي سي و تكيف تلاجة و ركبتها كثير تاكسي و إيجار(4)
2- قطع غيار متوفرة و لو إن آخر الفيرنا يناير 2013 و الإنتاج حيقف(5)
3- أي بلية في بيبي كلاس ممكن يصلحها في غمضة عين(5)
4- سعر إعادة البيع حلو جداً و دورته قصيرة(4)
5- ممكن آخد العيلة معايا في مشاوير البيت(3)
6- الصيانة قريبة من البيت جداً(4)

و في نفس الوقت سبيرانزا رائعة للأسباب التالية:
1- سعرها مناسب كبداية لسيارة شبابية سوبر ميني في فئتها(5)
2- صيني مش حتتحسد قوي و حجيبها شامبين (الأحمر ملفت للنظر قوي)(2)
3- أوبشنز رائعة(سنترال-ريموت-فوانيس شبورة-طي مقاعد-راديو سي دي)(5)
4- ممكن أركنها في أي حتة و خصوصاً إن شارعنا جراج المنطقة كلها و زحمة(3)
5- موفرة في البنزين جداً(5)

نيجي للعيوب:
الفيرنا:
1- بعض الكماليات الهامة ناقصة(سنترال-ريموت-فوانيس الشبورة)(2)
2- بتستهلك بنزين شويتين(3)
3- بتعوم على السرعات العالية و مش فرامل ABS (1)
4- ناس بتشتكي من التوكيل زي كل توكيلات مصر(4)
5- سعرها غالي شويتين بالنظر للتقفيل المصري ( و لو إني بشجع المصري)(3)
6- سعرها مكلف حالياً بالنسبة لي في أدنى فئة(5)

سبيرانزا:
1- موتور صغير و سحبها مش قد كده(4)
2- خامات الصنع فيها جدال(4)
3- قطع الغيار غير متوفرة و غير معمرة(4)
4- ناس بتشتكي من التوكيل زي كل توكيلات مصر(4)
5-صغيرة الحجم لا تتسع لأربع أشخاص بالغين ( حجم مصري أصيل)(4)
6- الصيانة بعيدة عن البيت جداً (2)

ندي نقاط لكل بند من 1 إلى 5 درجات من الأعلى للأقل في المميزات و العكس للعيوب زي ما بعمل في كل حاجة في حياتي

النتيجة(وجهة نظري الشخصية من خلال سماعي لملاك السيارتين و جولتي في النت و الله أعلى و أعلم بالحقيقة و "في السماء رزقكم و ما توعدون"):
الفيرنا 25 مميزات إلى 18 عيوب
سبيرانزا 21 مميزات إلى 22 عيوب

و في النهاية كل شيء نسبي
الفيرنا مميزاتها 58% و عيوبها 42% من التقييم النهائي
سبيرانزا مميزاتها 48% و عيوبها 52% من التقييم النهائي

لذا أريد تجربة أحدكم الفعلية العقل قبل القلب و لا القلب قبل العقل
فلاخاب من استشار
و لا ضل من استخار

و نسألكم الدعاء بإن ربنا ينورلي بصيرتي يهديني للصالح

أختكم توتة المصري

رد: هوندا أو اكسنت مستعمل و لا فيرنا أو سبيرانزا جديد
 

رد: هوندا أو اكسنت مستعمل و لا فيرنا أو سبيرانزا جديد
 

:THUMB_~112::THUMB_~112:: THUMB_~112::THUMB_~112::T HUMB_~112:

رد: هوندا أو اكسنت مستعمل و لا فيرنا أو سبيرانزا جديد
 

بجد احصائية ممتازه جدااااا وده يدل فعلا علي حيرتك في الموضوع
بس تظل في الاخر الفيرنا متربعه علي العرش ^^
بس نجي لعيوبها ونشوف تتحل ازاي وفعلا تحتاج ان احنا نبص علي حاجه غيرها ولا لا
1- بعض الكماليات الهامة ناقصة(سنترال-ريموت-فوانيس الشبورة)(2)
الحاجات دي بتنزل في الفول اوبشن ماعادا الشبوره بتنزل للاوتو بس ودي مش مشكله عشان ب 150 بلبل (جنيه) تتحل بزرار استيراد وفوانيس استيراد والدنيا حتتظبط
2- بتستهلك بنزين شويتين(3)
مش زي منتي متخيله ولو حصل فده عشان المتوور القوي بتاع الفيرنا بس طول منتي مبتقرصيش وماشيه في المعتدل عمرها محتسحب بنزين وحتوفر معاكي
3- بتعوم على السرعات العالية و مش فرامل ABS (1)
دي بتتحل بطقم جنط وكاوتش لو انتي ناويه تمشي فوق ال 120 بس معتقدش طرق مصر حتسمح بسرعه زي دي اصلا ف مش حتشغلنا في حاجه وبالنسبه للفرامل كل الموضوع انك لازم تحسي سنس الفرامل في العربيه دي بالزات عشان يوم متدوسي فرامل طوارئ تبقي فاهمه عند انهي ضغطه العربيه حتقف ومتزحفش (محتاجه منك ممارسه وسنس بس)
4- ناس بتشتكي من التوكيل زي كل توكيلات مصر(4)
طبيعي احنا في مصر متنسيش ^^AHLNWSHALN
5- سعرها غالي شويتين بالنظر للتقفيل المصري ( و لو إني بشجع المصري)(3)
بصراحه مش غالي بالنسبه لمتورها ده بس نعديها
6- سعرها مكلف حالياً بالنسبة لي في أدنى فئة(5)
يبقي دي المشكله الوحيده اللي فاضله وان شاء الله ربنا يحلها في اقرب وقت:GROWIN~12:

رد: هوندا أو اكسنت مستعمل و لا فيرنا أو سبيرانزا جديد
 

انا رأيى فيرنا مستعمله حاله نضيفة ويا ريت 1600 (فل اوبشنز) موديل من 2007 مثلا وانتى طالعه ...

هتعمل من 50 الى 60 حسب الحالة (الصاج - الدوكو - الكاوتش - الموتور) والموديل والكيلومتر والكماليات الزياده (جنوط او كاسيت) ...

ليه فيرنا مستعمله ؟؟!!!

- اولا وده الاهم لان سعرها جديده غالى اوى باعتبارها عربية بسيطة تقفيل مصرى ولان بالـ 70 او 72 الف ممكن اجيب رينو لوجان مثلا احسن منها فى كل حاجة تقريبا (ما عدا السرعة ورخص قطع الغيار) ..

- بكده حضرتك هتكونى قللتى الضغط شويه من حيث المبلغ وخصوصا انه قرض يعنى مش كاش ..

- الفيرنا لو زيرو مش هتحسى اوى معاها بنقطه زيرو دى لانها عربية شعبية وتقفيلها مش اد كده اوى (محلى) ومستساهلش فرق السعر عن المستعمل ...

- مش هيكون فى خوف من المستعمل لانها عربية شعبية ومعروفه جدا وطالما اساسياتها سليمة يبقى كله تمام حتى لو محتاجة حاجات بسيطة هيبقى الموضوع سهل جدا ..



لكن لو حضرتك قررتى زيرو .. يبقى عليكى وعلى اللوجان وبلاش الفيرنا الزيرو خالص لان بجد حرام تشتريها واللوجان موجوده بنفس السعر ...

ولكن اللوجان عربية بنت ناس شويه .. يعنى هتحتاج محافظة اكتر من الفيرنا .. وده شئ طبيعى لكونها عربية اوروبى وبطبيعة الحال قطع غيارها غالية شويه وحاليا مش متوفره خارج التوكيل الا بسيط اوى .. ولكن بدأت فعلا فى الانتشار بره التوكيل بعض القطع .. وكمان نزل ليها شويه حاجات تايوانى ....


بالنسبة لاسبرانزا .. بلاش الـ a 113 علشان الشكاوى منها كتير وعربية مش اد كده بصراحه ده غير انها صغيره ومش هتسعف اوى فى حاله السفر او اصطحاب العيلة ..

لو اسبيرانزا يبقى a 516 دى انا جربتها وفعلا عربية جميله وقويه وسعرها حلو جدا وامكانياتها كتير .. ومشاكلها قليلة .. ولكنها تبقى عربية صينه جودتها غير مضمونه 100% ...


اتمنى اكون قدرت اساعد حضرتك على اتخاذ القرار المناسب .. مع تمنياتى بالتوفيق .....

رد: هوندا أو اكسنت مستعمل و لا فيرنا أو سبيرانزا جديد
 

-------------------------------------

جزاكم الله خيراً أخ محمد بجد ربنا يوقفلك ولاد الحلال مشاكل الفيرنا البسيطة ده كنت بفكر في حلول ليها و ربنا أكرمني بيك تساعدني و تفكر معايا
كله إلا فوانيس الشبورة أنا بخرج من البيت أحياناً الساعة 5,45 أو 6 صباحاً و طريقي زراعي بجد بجد موضوع الشبورة ده من و أنا طالبة معقدني من الحوادث ربنا يستر طريق الكل
بس لو تتفضل عليا تقول ليا ممكن أجيب الحاجات الناقصة منين؟؟؟ علشان يبقى ملف الفيرنا كامل و جاهز بأمر الله على الشراء

تحياتي لحضرتك