مصر موتورز مجتمع السيارات - ميجان ولا نوبيرا

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - ميجان ولا نوبيرا (https://www.masrmotors.com/vb/showthread.php?t=78243)

رد: ميجان ولا نوبيرا

yesyes

اقتباس:

المشاركة الأصلية كتبت بواسطة Hisham.Elgazzar (المشاركة 604065)

ممكن يعملها بعد الـ 150 وممكن يعملها بعد الـ50
أهم حاجة حالته ساعت ما تشترى وبعدين ، الزيت بتاع الفتيس تغيروا فى معاده أو قبل معاده ، متحرقش عليه ونتا محمل العربية وتملى تتابع الأويل سيلات ( الأولسيهات ) بتعته آخر حاجة لو الفتيس فيه مشكلة بيبان وش ونتا بتجرب العربية يعنى بيطول فى النقل صوت الموتور بيعلا أو سخونة زيادة ... إلخ
آخر حاجة هقولهالك وش السلندر بتاع النوبيرا بـ 800 جنية
الفتيس الأوتو (تشترى بتاع الليجانزا لو لا قدر الله لزم تغييرة ) بيتباع ب 1500 جنيه يعنى ببلاش بالمقارنة مع الميجان
الكلام ده عن تجربة و الأسعار دى واقعية وياريت برضو لو حد من أخواننا فى المجال ده يفيدونا أكتر ، منتظرين الرد :)
ودى برضو وجهة نظر تحتمل الخطأ أو الصواب

yesyesyesyesyesyesyesyesy esyesyesyes

رد: ميجان ولا نوبيرا

yesyes

اقتباس:

المشاركة الأصلية كتبت بواسطة Hisham.Elgazzar (المشاركة 604043)

وجهة نظرى إحذر الميجان مهما كان سعرها ولو هيبيعولك فوقيها عربية زيها ، العربية دى محدش يقدر يحط أيده فيها غير التوكيل
معقدة جدا فى صيانتها اللى مش بتتم غير فى التوكيل
ترس كامة البنزين سعرة 1880 جنية من عند بتاع قطع الغيار ده غير انه مش بيتغير لوحدة لازم معاه طقم الكاتينه وده سعرة 850 قطع بس ده غير المصنعية ، وعلى حد علمى ترس الكامة ده بيتغير كل 40 الف وطبعا غير الكويلات بتاعت البواجى وحجات تانية كتير هتخليك تكره العربية دى

النوبيرا كل حاجتها موجودة وسهلة وأدائها ممتاز ولما بيتحافظ عليها بتبقى زى الفل موديل 2007 بتعمل 45الف كاملة اوتوماتيك
وحاجتها رخيصة وناس كتير بتفهم فيها

ودى وجهة نظرى وتحتمل الخطأ أو الصواب
وتقبلوا مرورى
مع تحياتى

yesyesyesyesyesyesyesyesy esyes

رد: ميجان ولا نوبيرا

ميجان طبعا وسائل أمان و صاج أقوى بس عيبها قطع غيارها غالية شوية بس بتعيش مش زى النوبيرا و كفاية التكنولوجيا بتاعت الميجان تكنولوجيا عالية و ثابتة عن النوبيرا

رد: ميجان ولا نوبيرا

من الاخر لو انت ليك حد قريبك في توكيل ميجان وعاوز تقوي صلة الرحم بينك وبينه يبقي هات ميجان لانها هتخليك تعتبر التوكيل بتك التاني ان لم يكن الاول من الاخر الميجان ميجيبهاش غير واحد تتوفر فيه صفتين انه فاضي جدا ومعاه قرشين تاعبينه
بجد نصيحة بلاش الميجان انا بنت خالي كانت فكرت بس تغير البطاريه بنفسها وكانت النتيجه اني فيه ازاز فصل وحاجات والكمبيوتر فقد الوعي تماما وعامة انا كنت بفكر بردو اشتريها حتي قررت اني اجازف بمشاوير التوكيل والمصاريف لاني كنت مقتنع جدا اني فيها اوبشن كتير وعاجبني بس لما سالت نفسي ليه العربيه سعرها في المستعمل قليل قوي كده مقابل كميه الاوبشن اللي فيها حسيت انها فعلا فيها حاجه عامة اتمني اصحاب العربيه ميزعلوش مني بس اتمني بجد اني العربيه دي يكون ليها مراكز صيانه كتير وهكون من اول المشترين ليها لانها عربيه بجد محترمه جدا بغض النظر عن الصيانه

بالتوفيق

رد: ميجان ولا نوبيرا

نوبيرا أفضل

رد: ميجان ولا نوبيرا

لو حتجيب ميجان و دي حاجه انصح بيها .....اهم حاجه تكون العربيه كل صياناتها في التوكيل و ان شاء الله طول ما انت كمان حتلتزم بالصيانه الدوريه بالتوكيل يبقى انت حترتاح باءذن الله و كلها تكنولوجيا و سلامه و ممتازة و الف مبروك مقدما:12EA7A~153: