رد: فتيس لانسر 1600 CVT
 

شاكر جدا يا جمأعة وياريت موضوع المواصفات ده يبقى زي الفل

رد: فتيس لانسر 1600 CVT
 

بص حضرتك لو بسال عشان عاوز تشترى عربيه
حضرتك مش هتندم لان العربيه
1- دى معمرة جدا وجميله
2- صالون معقول من حيث المساحه
3- خامات جيده
4- اه اوبشن ضعيف بس اليبانى طول عمرة فقير في الاوبشن
5- بس ثبات ولا اروع انا مشيت بيها اكتر من 180 القاهرة اسكندرية الزراعى - طريق معفن
6- استهلاك بنزين جيد بشرط الصيانات الدورية
7- قطع غيار منتشرة جدا - ماليزي وتيوانى وصينى ويبانى جديد او استيراد
ا8- اعادة بيع فوق الوصف ممكن تكسب فيها لكن صعب تخسر فيها
9- المشكله بس شكلها بقي قديم
* علي فكرة فيه ناس عامله بعربيتها 450 الف كيلو والماتور والفتيس زي الفل اهم حاجه الصيانات الدورية وبلاش تسترخص

رد: فتيس لانسر 1600 CVT
 

فعلا ناوي إن شاء الله على الشراء بس بعد شهرين ثلالثه عشان داخل على عمليه عين سريعة (إدعولى) وبعد الإنبهار بالكوري الزيرو (أكسنت, ريو, سيراتو إلخ ) والإنبهار ده بدأ يزول , حسيت إن بفلوس أقل شويه ممكن أجيب حاجه يابانى موديل قريب وعداد مش كتير (إللى ركب يابانى لازم يحنله تانى, مع إحترامي وإعجابي الشديدي بالكوري بس العيب على مواصفات الأمان الفقير للوكلاء, كل همهم الدلع والأوبشنز لاكن الركوبة تولع) وهتبقى عربيه محترمة تمشي معايا 4 أو 5 سنين وبعدها لو ربنا كرم ننقل على حاجة زيرو.

فأنا دلوقت بجمع معلومات عن الانسر والكورولا, وحسيب النصيب لما يجي وقت الشراء.

وأنا في وجهت نظري, شكل البومه صحيح من 2003 لاكن شيك جدا ومتحسش أنه قديم (شكل الصني الجديد قريب جدا منها ومن سنتين أو ثلاثه فقط) والتابلوه مش مليان حجات زي السيراتو مثلا لاكن برضه شيك وأنيق, هي دي معادله صعبه اليابانيين أتقنوها فعلا من زمان (يعنى مثلا أنا راكب مازدا 323 موديل 83 وصالونها لا يقل كتير عن إكسيل 94 فى التصميم والمستوي).

بالمناسبة هو صيانة الانسر بتتعمل عند مين دلوقت , مصرية ولا الرواس ولا دايموند ,ولا خليني مع الميكانيكية وقطع الغيار الأصليه ولا إيه بالضبط؟؟؟

رد: فتيس لانسر 1600 CVT
 

انا عندى لانسر قرش وفيه صوت ونه بسيطة عند سرعة 30 الى 40 ك ومش عارف هل هى من الفتيس علما بان العربية ماشية 3500 كيلو فقط والونه دى بتتكررعند سرعة 80 الى 90 ولكنها غير ملحوظة الا اللى يركز يعنى لو الزجاج مقفول والكاست مش شغال تسمعها اما غير كدة ماتسمعش حاجه
خايف تكون عيب ف الفتيس وامشى على كدة الموضوع يكبر و العربية تجيب فتيس
ارجو الرد وشكرا جزيلا