رد: اريد ان اقوم بمشروع في مجال السيارات ومحتار جداً واريد نصائحكم - اول مشاركة لا تردوووني
 

ربنا يوفقك وتختار صح .. وانا رايي موضوع التاكسي احسن لانه مضمون وقسطه قليل وسعر اعادة بيعه كويس ... وان شاء الله لما شغلك الاساسي يرجع ممكن تبقى تتسلى عليه شوية بعد الظهر .. ومش زي الميكروباص هتضطر تختلط بطايفة معتقدش هتقدر تنسجم معاهم ... وعربيات الطلبات كترت اوي وليها طريقتها ....... برده عاوزه ناس بمواصفات معينه ... واستخير ربنا قبل اي حاجه

رد: اريد ان اقوم بمشروع في مجال السيارات ومحتار جداً واريد نصائحكم - اول مشاركة لا تردوووني
 

انا شا يف التاكسى اضمن واحسن وممكن تشغل عليه وردية كمان بس لو واحد ثقة وامين .. وربنا يوفقك للى فيه الخير

رد: اريد ان اقوم بمشروع في مجال السيارات ومحتار جداً واريد نصائحكم - اول مشاركة لا تردوووني
 

بجد شكرا علي رئيكم .
لكن انا استقريت بنسبة 60% علي ملاكي زيرو واشتغل بيها سياحة وسفر .
و40% علي تاكسي .
كنت فالاول بفضل التاكسي لكن حاليا مع غلق البنوك وسعر الصالات 1750 جنية القسط للتاكسي والمقدم 60 الف ( جشع ما بعدو جشع ) .
.
ابحث الان علي شركة سياحة في القاهرة او في السواحل كشرم والغردقة . اشتغل معاها سيارة بسائق حتي ولو كان المبلغ مش كبير انا راضي , عن أني اجيبها واجرها للغير بمبلغ كبير .
في حد يعرف شركات تقدر تدخلني فودفون او اتصالات او موبنيل ؟ وليهم عمولة محترمة

رد: اريد ان اقوم بمشروع في مجال السيارات ومحتار جداً واريد نصائحكم - اول مشاركة لا تردوووني
 

أحييك علي فكرك الجيد في استثمار الفلوس علي الرغم من انك كنت مصمم برمجيات.
أنا شايف انك تجيب ميكروباص مستعمل أو جديد لو قدرت وتشغله أجرة وسط البلد.
وممكن برضو تفتح محل صغير كده لقطع غيار العربيات أو حتي الموتوسيكلات الصيني بس بشرط يكون جنب ميكانيكي وأنك ماتغليش سعرك أوي علشان حال المحل يمشي كويس.والرأي ليك انتا طبعا.

رد: اريد ان اقوم بمشروع في مجال السيارات ومحتار جداً واريد نصائحكم - اول مشاركة لا تردوووني
 

1
واستخير ربنا
انا جربت 1 مكملتش 3 شهور وخلعت
لكن بما انك جربتها توكل على الله (((((الخبره بفلوس)))))

رد: اريد ان اقوم بمشروع في مجال السيارات ومحتار جداً واريد نصائحكم - اول مشاركة لا تردوووني
 

رأيى انك تشترى عربية بسعر كويس وتحاول تبيعها وتكسب فيها، يعنى بمعنى أصح تاجر فى العربيات المستعملة.
الشغلانة دى ممكن تدخللك فى الشهر مش أقل من 1000 ج وانت وشطارتك طالما بتقول انك جرئ فى الاستثمار.
وبالتوفيق ان شاء الله

رد: اريد ان اقوم بمشروع في مجال السيارات ومحتار جداً واريد نصائحكم - اول مشاركة لا تردوووني
 

بص حضرتك انا اولا بتمنالك كل الخير وان شاء الله ربنا هيكرمك عشان انت بتسعي علي اكل العيش تاني حاجه انا شايف ان الاقتراح رقم واحد انسب اختيار عشان اولا هيبقي التاكسي بتاعك والقسط كويس مش عالي اوي تاني حاجه لو ربنا كرمك في شغل في تخصصك بعد كده ممكن تجيب سواق يشتغل عليه وانت تشتغل في تخصصك وتبقي المصلحه اتنين وانا عارف ان شغالنه التاكسي متعبه بس ان شاء الله ربنا يقويك ويوفقك للخير