رد: عندي حجات كتير غلط في العربيه!!
 

ولا زعل ولا حاجه..

هيا بقالها معايا سنه ونص بعد استخدام والدي ليها ..

موضوع الفرك فعلا صحيح بس اكيد انا مش هفرك كل يوم ولا كل اسبوع حتي

يعني ممكن مرة مثلا وانا بشد مع حد من صحابي :) بس انا بشد كتير شويه :D

ربنا يهدينا..

وشكراً

اتمني بقيه الاعضاء يفيدوني اكتر واروح فين لكل حاجه :)

رد: عندي حجات كتير غلط في العربيه!!
 

غير فلتر البنزين طبعا وهات بوجيهات 3 شمعه بما انك بتحب الجري وفلتر الهوا ده اساسا وموضوع الرجه اللي مع الفرامل طنابير اماميه ولازم معاها تغير تيل امامي وموضوع فرامل اليد ده معناه ان تيل ورا قرب يخلص غيره ورجلش فرامل اليد هترجع زي الاول موضوع العضه والغيارات ده اكشف علي زيت الفتيس الاول او غبره افضل وبعد كده جرب لقيته الموضوع هوه هوه يبقي ديسك واسطوانه علما ب ان الاسطوانه طبعا تأثر جدا علي سحب العربيه وموضوع زيوت ليكولي مولي عادي اي زيت فتيس معتمد ومتنساش تغير بالمره مع زيت الموتور الفلتر يارب اكون افدتك :fun_36_3_13[1]: وكمل صيانتك بالمره وغير فلتر التكييف وكمان هات منظف رشاشات ابرو الاسود وححطه مع البنزين تحياااااااتي

رد: عندي حجات كتير غلط في العربيه!!
 

متشكر جدا يابشمهندس تامر..

انا لسا مغير فلتز البنزين من حوالي 4 شهور كنت فاكر موضوع السحب منه..بس مطلعش للاسف

معلش هيا الطنابير دي البتاعه المدورة اللي فيها الفرامل ولا ايه اصل انا مليش في الميكانيكا نهائي..؟

وهل بوجيهات 3 شمعه تنفع تركب عندي ولا لا لأن اسمع لازم البوجيهات الاصليه؟؟

موضوع الصيانه انا جربت التوكيل مرة واحده بس مش مرتاح معاهم لانهم بياخدوا العربيه ومعرفش بيعملو فيها ايه ممكن يقوليلي عملنا كل حاجه واكتشف لا..

بس الديسك والاسطوانه دا لازم اغيرة في التوكيل اساسي بس انا خايف اقولهم يكشفوا عليه يقولو غير وهوا ممكن ميكونش بايظ ولا صعب الكلام دا يحصل اصل انا دايما بفترض سؤء النيه :sd: من خلال كذا تجربه بسيطه مع الصنايعيه :)

وشكراً

رد: عندي حجات كتير غلط في العربيه!!
 

كويس انك غيرت فلتر البنزين بس كان لازم كمان تغير فلتر الهوا عشان مشكلة السحب اللي عندك جزء كبير من حلها فلتر هوا خصوصا لو عربيتك انجكشن

والطنابير هي فعلا البتاعة الحديد اللي فيها الفرامل اللي ورا ومن قدام اسمها ديسكات - والبوجيهات ال 3 شمعة كويسة بس اهم حاجة تجيبهم اصلي NGK او حاجة في نفس المستوي بس خلي بالك عشان المضروب مالي السوق

وغير الديسك والسطوانة عند اي ميكانيكي كويس مش لازم التوكيل والميكانيكية الكويسن كتير ومالين اسكندرية - لو انت من سكان ميامي او قريب فيه عندك اتنين

فيه واحد في اسكندر ابراهيم امام الاكاديمية البحرية بعد تقاطع جمال عبد الناصر وانت رايح علي سكة القطار علي اليمين

وفيه واحد تاني بعد ما تعدي شارع خالد ابن الوليد وانت جاي من علي البحر ادخل اول شارع يمين اسمة الدكتور اسامة معروف جدا هناك لو سالت علية

انا عن نفسي ارشحلك بتاع اسكندر انا جربت الاتنين في عربية جولف والاتنين كويسين بس بتاع اسكندر حنين شوية عن الدكتور

واي استفسار انا تحت امرك

رد: عندي حجات كتير غلط في العربيه!!
 

ومتنساش تغير سير الكاتينة وبليته انت بتقول عاملة 73000ك ومغيرتش حاجة فيها ومو 2004

رد: عندي حجات كتير غلط في العربيه!!
 

متشكر جدا حضرتك بس اظن الافضل لتوكيل في الديسك والاسطوانه ولا الموضوع مش صعب ؟

رد: عندي حجات كتير غلط في العربيه!!
 

فعل لم يغير بس هل دا ممكن يهدي صوت الماتور؟؟

وهل هوا دا وقته انه يتغير؟

سؤال اخير سير الكاتينه دا فين اصلا؟؟ :(

ومتشكر جدا