المشاركة الأصلية كتبت بواسطة Abeer (المشاركة 588807)

أول مشاكلي مع الفتيس... أنا كانت العربية كويسة جدا جدا أول ما جبتها و في شهر 6 2010 كنت بأعمل الصيانة قالولي يوجد عرض نغيرك وحةد الفتيس مع الصيانة و من غير حجز ... قلت لهم بس العربية كويسة و ماعملتش معايا مشاكل قالوا لأ كده هتبقى أحسن و نضمن أنها ما تعملش مشاكل و في أمر من اليابان بتغيير كل العربيات .... المهم بعد ربع ساعة نقاش وافقت أغيره ... في الأول الموضوع كان رائع و العربية كانت بتوفر في البنزين كمان... من حوالي شهرين حصل معايا موضوع رفض الفتيس للنقل بعد الغيار الأول و بيكون عادة بعد التهدئة لمطب... و من يومين لا حظت في رزع في النقلة بس المشكلة الأكبر رزع رهيب مع الرجوع للخلف (R) في الأول بتبقى مش عايزة ترجع و لما بأدوس بنزين تعمل صوت غريب و رزع جامد ... أنا بجد مش عارفة أعمل ايه؟ و أروح أكلم مين في التوكيل ؟ و دخلت على group على facebook بس مالقيتش حد عمل حاجة... و المشكلة إني ممكن مش أقدر أروح التوكيل قبل يوم السبت ... فإيه نصيحتكم أمشي بيها و لا لأ و أعمل ايه؟

المشاركة الأصلية كتبت بواسطة احمد على 1999 (المشاركة 590712)

مفيهاش دبرياج بالمعنى التقليدى

و هو فعلا الشركة الام استدعت على مستوى العالم كل ال mmt للتعديل مجانا لتجنب حدوث مشاكل منه
فمعلش قدر ربنا ان حصل كده معاكى بعد التعديل و دى مسئولية التوكيل و هو توكيل محترم
عيب زيى ده لو كان فى عربية تانية مكنش حيلاقى دعم من شركة عريقة زيى تيوتا لا تخجل من مواجهة اخطائها

فالله المستعان و ان شاء الله التوكيل يحلها