مصر موتورز مجتمع السيارات - إستطلاع هام : حظر مقارنة الأديان و التشكيك فى العقائد السماوية

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

رد: إستطلاع هام : حظر مقارنة الأديان و التشكيك فى العقائد السماوية

اقتباس:

المشاركة الأصلية كتبت بواسطة AboNoRa (المشاركة 578084)

انا لا مع حجب موضوعات السياسة ولا الدين زى ما احنا فى الواقع بنتلكم فى الحاجات ديه طبيعى فى منتدياتنا الاجتماعية والثقافيه نتناقش فيها وفى رائى النقاش فيها فى المنتديات ( بشكل مكتوب) وجماعى تفاعلى احسن بكتير من الدردشة فى المترو لانة اكيد منظم اكتر ومراقب ومثبت

فكرة كورسير انه دراء للخلافات للاسف مش صحيحة لان الخلاف فى الراى ممكن ينشاء على عربيات او اراء وتلعيقات فى مجال العربيات وعلى مر السنين بنشوف ده كتير وليه مواسم كمان
واتذكر فى فترة من الفترات كان فيه اراء فى الادارة ومن الاعضاء عايزة ناخد موقف من الموضوعات الترفيهية ( النكت والقفشات والحركات) لبعدها عن تخصص المنتدى ولتضخمها مقارنة بقيمتها
بس كان الموقف المعتدل والنهائى بالحفاظ على عموم الطبيعة الاجتماعية للمنتدى وحرية اعضائه فى نشر ما يريدو حتى وان تحملت الادارة والدعم الفنى جهد اكبر او تكلفة اكثر

واتذكر فى وقت من الاوقات كان فيه دعوات من ناس فى الادارة واعضاء برضو باتخاذ اجراءات ضد الاعضاء و الموضوعات اللى اقل من المستوى تخصصياً يعنى اللى يقول العربيات الصينى ابوابها بتطير فى الهواء من المطبات او اللى يقول الفيرنا ثابتة على كل السرعات يتاخذ ضدة اجراء ادارى علشان منروجش كلام مش علمى او مش دقيق

بس استقرينا على وسطية التناول واهمية المتابعة والرد على كل مغالطة بالتصحيح والشرح لتعم الفائدة ونساهم فى تصحيح المفاهيم

بس يكمن دلوقتى مفيش عربيات مثيرة للجدل اوى وطبيعى الاحداث السياسية او الدينية هى اللى على الساحة فالتاريخ بيعيد نفسه تانى وتتعالى الاصوات لحذف مشاركات واراء مئات من الاعضاء كتبت فى مئات من الساعات تلخص اراء حقيقة وصور جامعة لشخصياتنا وقناعتنا جميعاً

انا شخصياً فى المجمل استفدت من اراء كل المشاركين فى الحوارات السابقة منذ افتتاح منتدى الثورة حتى اللى بختلف معاهم لا ابالغ لو قلت انى استفدت منهم برضو ولو بشكل غير مباشر وبعتز بكل كلمة اتكتبت سواء اتفق عليها او اختلف

فانا فى النهاية مع الحفاظ على المنتدى الاجتماعى بكل جوانبة كنموذج طبيعى لمجتمعنا الاجتماعى الاكبر

واسمحولى اكرر ردى ده فى كل الموضوعات ذات الصلة

ROSE4UROSE4UROSE4Uمعك في الرايROSE4U

رد: إستطلاع هام : حظر مقارنة الأديان و التشكيك فى العقائد السماوية

ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِالْمُهْتَدِينَ ... النحل 125

رد: إستطلاع هام : حظر مقارنة الأديان و التشكيك فى العقائد السماوية

غير موافق مع التاكيد وبشدة فى عدم تجريح شخص لاخر واتباع اسلوب الحوار الهادى وبعيدا عن اى لفظ خارج او جارح

رد: إستطلاع هام : حظر مقارنة الأديان و التشكيك فى العقائد السماوية

اوافق على المنع , اولا لان يفضل مناقشة هذة المواضيع من قبل اساتذة و متخصصيين فى مقارنة الاديان و هذا غير متوفر هنا مما سيتسبب فى اذى نفسى و احتقان بين ابناء الوطن الواحد.

رد: إستطلاع هام : حظر مقارنة الأديان و التشكيك فى العقائد السماوية

أنا أوافق على منع هذه المواضيع مع الإبقاء على المواضيع الدينية التى لا مشاكل فيها
خاصة وأن الرد على هذه المناقشات تحتاج لعلماء دين متخصصون فى مجال الدعوة من خريجى الأزهر والشريعة

رد: إستطلاع هام : حظر مقارنة الأديان و التشكيك فى العقائد السماوية

طبعا يا استاذ حازم الاديان جميعها لها قدسيتها والتشكيك فيها خط احمر
يا باشا انت ديمقراطى قوى الموضوع مش محتاج استطلاع توكل على اللهROSE4U

رد: إستطلاع هام : حظر مقارنة الأديان و التشكيك فى العقائد السماوية

أنا أوافق على منع مناقشة المعتقدات الدينية والسياسة أيضا... على الأقل في الوقت الحالي

مشكلتنا إننا لسة ما اتعودناش على فكرة قبول الأفكار المختلفة عننا لأن دي ثقافة متربناش عليها للأسف،
ده غير إن مصر حاليا في وضع حرج ومش عايزين نزود الفرقة بين الناس ... خاصة إن في ردود بتبقى حادة وممكن بتخرج عن حدود اللياقة

وزي ما بيقولوا... صوتك العاااااااااااليييييييييي يييييييي دلييييييييييييييل على ضعف موقفككككككككككككك :)

وربنا يوفق

...