|
رد: لانسر كريستالة ولا تويوتا مسطرة
العربيتين كويسين
الحاله هي الفيصل و قطع غيار اللانسر اكتر بكتير من حيث الصاج و الفوانيس و المواتير و كل حاجه. لو تبص علي اي عربيه كورولا في الشارع هتلاقي فوانيسها الخلفيه تايواني بدليل ان فوانيسها الخلفيه مش موجود لا جديد و لا استعمال اوريجنال دي حاجه بسيطه بالنسبه للثبات فاللانسر اثبت من الكورولا بمراحل حكايه الفانوس اللي في الاكصدام دي فعلا شكلها قديم و مش لازم علشان اللي قدامي يعرف اني مدي اشاره انها تبقي في الاكصدام ممكن تبقي جنب الفانوس الكبير عادي يعني... الخلاصه لو لقيت كورولا نضيفه هاتها بس موديل 96 لان موديل 93 دلوقتي بتتكلم في عربيه ماشيع 20 سنه و دا كتير جدا بصراحه ولو لقيت كريستاله نضيفه ما تسيبهاش |
رد: لانسر كريستالة ولا تويوتا مسطرة
الف شكر ياباشا على ردك
انا فعلا يمكن بشوف الكريستالة اكتر بكتير من المسطرة لكن بصراحة شكل المسطرة احلى بكتير من وجهة نظرى يمكن عيبها الوحيد من حيث الشكل حوار الاشارة اللى فى الاكصدامات ده الكريستالة ادامى كذا عربية بصراحة ومعظمهم عاوز مصاريف والى مش عاوزة مصاريف غالية اوى وعايز اخد رأيك فى حاجة انا معاك ان الموديل الاحدث فى الكورولا احسن بكتير لكن ايه يمنع لو لقيت 93 بس حالة نضيفة اوى ?? مستنى رأيك ياباشا ومستنى رأى كل الخبراء |
رد: لانسر كريستالة ولا تويوتا مسطرة
حاله نضيفه
لكن العمر الافتراضي قل طبعا يعني حاجه زي الموبينه مثلا احتمال انها تفصل منك في ال93 ا اكبر من احتمال انها تفصل منك 96 دا كمثال و خد عندك مكونات العفشه و عمر الصاج و التابلوه و و و ...الخ الخ يبقي في الوقت دا هل ال 93 النضيفه زي ال 96 النضيفه؟؟؟ |
رد: لانسر كريستالة ولا تويوتا مسطرة
انا معاك فى كل الى قولته
انا ايدى على كتفك لو ادامك كورولا مسطرة 96 جميع الكماليا مانيوال وياريت لو اى لون غير الاخضر بتاعها دا , مش مهم اللون المهم تكون حالتها حلوة ابعتلى على الخاص وانا اجى اخدها منك لو فى اخر حتة فى مصر , اهم حاجة الحالة بس الله يكرمك وشكرا مقدما ياباشا |
رد: لانسر كريستالة ولا تويوتا مسطرة
اقتباس:
اختلف مع حضرتك ف نقطتين الاولي ان الفوانيس اللي ف الاكصدام شكلها قديم طب ايه رايك ان فيه فوانيس اشاره ف اكصداك الباسات واتأمل ف الباسات كويس هتلاقي فانوس شابوره وفوقه فانوس اشاره رفيع ف الباسات ثانيا بالنسبه ان التفكير يكون ف 96 مش 93 هو كلام ممكن يكون صح بس مش دايما بالعكس انت ممكن تجيب كورولا موديل 99 مش 96 كمان وتطلع عينك عشان صاحبها مبهدل فيها رغم انها ممكن تكون قدامك عربيه مالهاش حل اللي اقصده ان الكورولا 93 هي نفسها الكورولا 97 مفيش اختلاف غير حاجات تافهه قووووي زي شكل الفوانيس الخلفيه وان كان الفوانيس الخلفيه والعاكس اللي بينكتب عليه كورولا اشيك بمراااحل ف ال 93 و ال 94 عن ال 96 وال 97 المهم الحاااااله والموديل يجي بعد كده والدليل علي كده اسعار السوق فيه ناس بتبيع كورولا عيون ب 40 وناس بتبيع كورولا 93 و 94 علي 48 عشان الحاله وشكرا لاهتمام حضرتك |
رد: لانسر كريستالة ولا تويوتا مسطرة
شكرا لحضراتكم جميعا
ويبقى الطلب مفتوح مطلوب تويوتا كورولا مسطرة لا يشترط الموديل ولكن يشترط الحالة وشكرا |
رد: لانسر كريستالة ولا تويوتا مسطرة
يعنى نشترى عربيه موديل 93 ولا موديل 2000 زى الانوس ويمكن ارخص من التويوتا وقطع غيار ارخص وبنزين 80 حلو مش بتقول لا
ANAA7TG |
| الساعة الآن 02:48 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017