|
رد: حوار بين مبتدأ فى السيارات .... والمحترفين فى المنتدى
من رأيي حاله العربيه هيا الفيصل
يعني لو لقيت مازدا 323 نضيفه بالسعر دا توكل علي الله بصراحه العربيه دي جميله جميله جميله و قطع غيارها في المعقول ال128 لو لقيت منها برضه واحده نضيفه و واقفه صح زي ما قال الباشمهندس فادي كده يبقي تجيبها علي طول انما لو فيها شغل ما تجيش ناحيتها هما دول العربيتين المناسبين ليك بصراحه و ان كنت ارشح المازدا لو تساوت حاله السيارتين |
رد: حوار بين مبتدأ فى السيارات .... والمحترفين فى المنتدى
وفيه عربيه حلوه اوي بس قليله لو تلاقي منها حاله نضيفه تبقي تمام اوي
اونو موديل 86 لسه شايف واحد شاري واحده منها موديل 86 فابريكه دواخل و متغيره حاجات بسيطه عن الاونو 94 و نفس التابلوه و موتور 1100 ريجاتا و كان شاريها علي 19 و نص عربيه زي دي لو مع واحد محافظ مش حتصرف كتير و مش حتبقي صديقه الميكانيكي |
رد: حوار بين مبتدأ فى السيارات .... والمحترفين فى المنتدى
1- أولا ياعزيزى ابعد عن الشر وغنى له اذا كنت لسه أبيض فى موضوع السيارات !
معلش أنا لا أقصد الاهانه فشراء سياره مستعملة بالضبط زى شراء بطيخة مقفوله فى الشتاء أو الزواج من مطلقة وماتعرفش اتطلقت ليه !! 2- نصيحتى لك وانت فعلا وقفت على أول السلم الصحيح انك تقرأ كتير جدآ فى هذا المنتدى وبكده حتاخد معلومات هايلة وتدريجيا حيصبح عندك ثقافه معلوماتيه عن السيارات أما آراء الزملاء فرغم أنها قيمة لكن حتدوخ من كثرة التناقض فى الآراء 3- ان كان ولابد والسيف على رقبتك لازم تشترى سيارة مستعملة رخيصة فممكن ماروتى - فولكس بيتلز أو أونو وكل واحده برده لها عيوبها وميزاتها وان كنت لا أحبذ اطلاقا شراء أى شىءمستعمل ولو كان قلم رصاص وشكراااااااااااااا Dr. Bolbolan ptmnlo123per1127 |
رد: حوار بين مبتدأ فى السيارات .... والمحترفين فى المنتدى
اهلا بيك يا استاذ حسين معانا في مصر موتورز ...
يمكن اكون جيت متأخر شويه ... تقريبا الاساتذه قالو كل حاجه ممكن تتقال .. لكن احب ااكد على كام نقطه... الاول تحدد احتياجاتك من العربيه زي ما قال اسلام باشا ... واهم حاجه الحاله .... حاله العربيه اهم من النوع و الموديل و كل حاجه ... وزي ما قال مهندس فادي .. اي عربيه قديمه صديقه الميكانيكي ... يبقى بعد الحاله تبص على اسعار قطع الغيار و و توفرها وسهوله صيانتها و رأيي من رأي حازم باشا في الاختيار .. لو لقيت فيات اونو او مازدا 323 بحاله كويسه يبقى احسن كتير من اي عربيه تانيه .. وبعد كده ممكن ال 128 و ال 127 ... ولو قدرت تزود شويه و تجيب برايد عصفوره يبقى هايل ... بس الحاله اهم حاجه ... ويكون معاك ميكانيكي كويس وامين او واحد بيفهم في العربيات يبص لك على العربيه .. لأن العبره مش بالشكل بس ... ومبروك مقدما |
رد: حوار بين مبتدأ فى السيارات .... والمحترفين فى المنتدى
ربنا يسعدكم وييسر لكم الاحوال
... طيب الكيا العصفورة دى تعمل تقريبا كام ... ورقمها ايه ... معلهش انا ضعيف فى الموضوع ده يعنى اسمها الانجليزى بالضبط ايه وموديل سنة كام وهل الكيا برايد ... قطع غيارها معقوله ومتوفره هى الفيات 128 برغم انها شعبية ولكنى واثق من توفر قطع غيراها وخلافه لكن خايف منها من اللى اسمعه عن سمعتها الوحشه ومشيها البطال هههههههههه .... لكن فيه واحد جارى عنده 128 بحاله جيده جدا واعتقد ان حجم ماشيه معقول برده ومريحه له علما ... ان حجم مواصلاتى بسيط او المشى بالعربيه بسيط وتقليدى جدا ... تجيب الاولاد من المدرسة تروح البيت تذهب الى العمل فقط لا غير. المسافة الاجمالية حوالى 7 محطات مترو يوميا تقريبا رايح وجاى وعدد الركاب امهم طبعا ههههههههه والاولاد 2 فقط لسه صغيرين فى الحضانه مع اطيب التمنيات حسين غزالة |
رد: حوار بين مبتدأ فى السيارات .... والمحترفين فى المنتدى
ا / حسين
اولا: اهل بيك وسط اسرة مصر موتورز ثانيا: الكيا بريد ممتازة جدا وكان فى زميل لينا فى المنتدى( بصراحة مش فاكر الاسم ) كان جايب بريد97=25الف بالضبط ثالثا : لو عايز اى معلومات عن اى عربية ( بالاخص الكيا بريد) اذن انت فى المنتدى المناسب لان كل واحد بيحكى عن المشاكل اللى قابلتة فى عربيتة وكيفية حلها.. اما بالنسبة للكيا فكان ابو نورا ( محب الكيا ) عامل موضوع ممتاز وتفصيلى عن الكيا بريد هتلاقية فى قسم الكيا واهلا بيك مرة اخرىptmnlo123per122 |
| الساعة الآن 01:16 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017