رد: استفسار بخصوص اللوجان
 

انا سألت عن موضوع تغيير الفتيس من مانيوال الى اتوماتيك فكان الرد انه غير ممكن

رد: استفسار بخصوص اللوجان
 

صعب اوى فى اللوجان اولا لان مفيش منها اتوماتيك فى مصر غير النسخة الاستيشن mcv (السبعة راكب) ودى اصلا موتورها مختلف عن الموتور اللى فى السيدان لانه موتور 16 صباب ... وثانيا لانها عربية تعتبر جديده فى السوق المصرى وبالتالى مفيش ليها قطع غيار استيراد .. وبالتالى مش هتقدر تجيب الفتيس الاتوماتيك بتاعها والقطع اللى هتحتاج تغيير زى الريدياتير وعصايه الفتيس ودواسه الفرامل وغيرها ..


علشان كده صعب اوى تحويلها لاتوماتيك ....

رد: استفسار بخصوص اللوجان
 

انا اللي اعرفه ان البنزين 80 لايصلح مع اللانجيكشن وانه بيبوظطلمبه البنزين وده على سبيل المثال اللي بيعانوا منه سواقين التاكسي اللانوس والفيرنا اللي بيستعملوا ال80 دايما بيغيروا طلمبة بنزين بسبب البنزين ال 80 والله اعلى واعلم يعني باختصار ال 80 للكاربريتور العادي وال 90 فما فوق للانجيكشن وتقبلو تحياتي

رد: استفسار بخصوص اللوجان
 

الكلام ده هو الشائع فعلا بس مش دقيق للاسف ..

هو فعلا البنزين ال80 مش مفضل اوى للعربيات الانجيكشن .. ولكن السبب فى كده ان معامل الانضغاط فى المواتير الانجيكشن بيكون عالى فمش مناسب له اوى ال 80 .. وممكن يكون البنزين ال80 بيخلى العمر الافتراضى للرشاشات وطرمبه البنزين اقل بنسبة بسيطة جدا .. ولكن فى سبيل كده توفير كتير جدا ...

يعنى مثلا طرمبه البنزين للفيرنا او الانوس بتكون فى حدود 80 جنية .. وطقم الرشاشات الاستيراد فى حدود 200 جنية .. فمفيش مشكلة اوى لو الطرمبه باظت كل سنتين ولا حاجة ...

عموما انا معايا افانتى (النترا) 97 انجيكشن وبمشيها ب 80 غالبا والحمد لله زى الفل واخر مره غيرت فيها طرمبه البنزين كان من حوالى سنتين وكانت اتحرقت بسبب ان العربية كانت مفيهاش بنزين خالص ..

خلاصة الكلام البنزين 80 فى الشتاء بالذات اداؤه هيبقى معقول اوى بالمقارنة بتوفير حوالى 50 % ..