|
رد: اكبر مشكلة فى الفان
اقتباس:
تقريبا تصميمها كدة تمشى بسرعة 80 بيكون افضل حالات العربية بس بعد ال80 بتبقى حمل على الموتور و تلاحظ ان صوت الموتور بيعلى اوى و بتبدأ تسخن و علشان كدة تسايسها و تحاول ما تجيبش بيها ال100 كثير علشان ما تتقلبش منك لانها خفيفة و عالية و لو عدى جنبها اتوبيس سياحة بسرعة بتترج جامد و علشان كدة فيه ناس كثير بتغيير الكاوتش بتاعها و بتركب جنوط عريضه و كاوتش عريض علشان العربية توطى سنة صغيرة و كمان تبقى باركة شوية على الارض علشان يقدروا يجروا بيها شوية و ده حل ما اعتقدش انه سليم فيه حركة كمان ممكن تعملها لما تلاقيها سخنت اوى تحاول ترفع رجلك من على البنزين خالص و ممكن كمان تمور العربية و تسيبها ثوانى تمشى لوحدها هتلاقيها رجعت تبرد تانى و الحركة دى توصلت ليها انها بتساعد فى تقليب مياه الريداتير فمثلا لو عربية ملاكى و فتح غطاء الريداتير و داس بنزين المياه بتقلب عادى و ممكن كمان تزود المياه و هو دايس بنزين بس لو شال رجله من على البنزين خالص فجأه بتلاقى رد فعل رهيب باندفاع شلال مياه من الريداتير عن طريق فتحة الغطاء مما يعنى اننى ممكن استفاد من هدا الاندفاع فى تبريد موتور العربية لما تسخن العربية حاجة اخيرة شيك على مسامير وش السلندر ممكن تكون مهوية شوية و عاوزة تتربط كويس هدا و الله اعلم |
رد: اكبر مشكلة فى الفان
بسم الله الرحمن الرحيم
اتأكد ان المروحه راكبة صح يعني بتجيب هوا علي الموتور مش علي الريداتير قصدي بتسحب من قدام الهربية لورا ناحية الموتور لانها لو شغاله العكس هتسخن العربية مع السرعة و مش هتسخن مع السلانسية و ممكن تعرف ده بأنك تحط ورقه علي الشبكة من قدام و المروحه شغاله تشوف الورقه هتتسحب باحية الشبكة ولا عكس العربية و غالبا هيه دي المشكله ممكن العربية تكون نازلة من المصنع بعيب ان الفيش سلوكها معكوسه الارضي مكان الكهربا |
رد: اكبر مشكلة فى الفان
من الأفضل انك تروح التوكيل بتاع العربية الرسمى هما يفهموا اكتر من ميكانيكى الشارع واحسن مننا وهم اللى يحددوا موضوع المروحة دة
ومتلعبش فى العربية وبالذات لو كانت فى الضمان (نصيحة) وشكرا وربنا يوفقك |
رد: اكبر مشكلة فى الفان
بص يا باشا الموضوع دا عيب فعلا فى العربية روح التوكيل وشوف
بس الى انا اعرفه ان العربية حوضها صغييييييييييييير جدا فعشان كدا بتلقط حرارة بسرعة فانا هقولك على حل حاول تخرم فى الكبوت وتعمل منافذ هوا بيبقى شكلها حلو كمان وهاتلك مروحة جديدة زيرو وحط فى الراديتير مياه خضرا مش مياه عادية وخد بالك دايما من مستوى المياه ولو ملقتش حل فى التوكيل للموضوع دا يبقى امشى على كدا بيها بقى لان دا تصميم العربية حاكملها كدا وشوفلها بيعة حلوة وخلاص |
رد: اكبر مشكلة فى الفان
اقتباس:
حرام نبيع حاجة معيوبة علشان غيرنا يشربها ده مش حل :bb127bc6eab060e3e23 |
رد: اكبر مشكلة فى الفان
اقتباس:
متابع المشكلة |
رد: اكبر مشكلة فى الفان
اقتباس:
العربية ما فيهاش كبوت و يخرم فى الكبوت ازاى عربية جديدة و ما فيهاش كبوت كمان تقوم تقوله اخرم فى الكبوت اللى هوه اساسا مش موجود ياريت صاحب الموضوع يدخل يطمنا عمل ايه و ياريت يراجع على الكهرباء بتاعة الاسبراتير لانهم ساعات بينزلوها عالية شوية |
| الساعة الآن 09:10 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017