رد: اخيرا ميكانيكي رينو فقط فيصل وبولاق الدكرور
 

يا جماعة بالنسبة للناس المحترمين اللي كلموني ع الموبيل وبعتولي الخاص وبيشتكوا من الاسطى سيد ياريت اللي عنده شكوى يكتبها ع الصفحة حتى يستفيد الجميع او يواجه الاسطى سيد بنفسة ... لان انا ليس ولاية او وصاية على الاسطى سيد ... انا لما عملت هذه الصفحة عملتها حتى يستفيد الجميع وان كان الامر تسبب في ضرر لاحد ياريت يقول تجربتة والناس هي اللي تحكم
ولكم مني جزيل الشكر

رد: اخيرا ميكانيكي رينو فقط فيصل وبولاق الدكرور
 

الاسطى سيد كان شغال في التوكيل لحد سنة 98 تقريبا لذلك كل الموديلات القديمة بيشتغل فيها كويس جدا
واليكم بعض اسعار المصضنعيات
1_ تغيير بلي العجل 200 جنية
2_تغيير زيت 20 جنية
3_تغيير علبة دركسيون 70جنية

رد: اخيرا ميكانيكي رينو فقط فيصل وبولاق الدكرور
 

والله يا جماعة انا اتعاملت مع سيد دا وراي بمنتهى الصراحة انه حرامي وصنيعي على ادوه ومعندوش اي مقدرة على الابتكار
واستاذ في سرقة قطع الغيار ومصنعياته غاليه

رد: اخيرا ميكانيكي رينو فقط فيصل وبولاق الدكرور
 

نسيت اقولكم حاجة لو حد اتعامل مع سيد اوعى تسيبله قطعت الغيار القديمة لانه هيبيعها لغيرك على اساس انها استيراد ... بجد انا بعتب عليك يا استاذ احمد انك عامل صفحة لميكانيكي زي دا
وبعدين 200 جنية مصنعية تغيير بلي عجل ... دا حرامي دانا اروح للعفشجي او حتى اي ميكانيكي تاني ولو قالي اكتر من 60 جنية يبقى بجد حرام اتعامل معاه تاني
معلش يا جماعة اني بطول عليكم لكني وعن تجربة سيد دا جشع جداااااااااااا وياما سرقني في قطع غيار ومصنعيات

رد: اخيرا ميكانيكي رينو فقط فيصل وبولاق الدكرور
 

السلام عليكم
انا ربنا كرمنى واشتريت عربيه رينو كليو 2004 وبعد اسبوع ظهرت مشاكل كانت صغيرة الاول وروحت لميكانيكى واتنين وتلاته لغايه لما وصل العدد 12 ميكانيكى وبدون مبالغه العربيه بقت فى النازل وركنتها وبقيت ارجع تانى للمواصلات كان الموتور صوته عالى مش عارف من ايه واحد يقولولك حساس شكمان التانى يقولك بوابه التالت يقولك صبابات وياريت يقولوا بس لأ دة كانوا يفكوا الموتور ويركبوة تانى لغايه لما العربيه باظت وروحت بعد كدة التوكيل الى فى شارع فيصل رينو عثمان وكشفت عندهم بالكمبيوتر وقالولى انها هاتصلح عندهم ب 10000 جنيه واللهى العظيم دة حصل المهم اتسدت نفسى لغايه لما دخلت هنا على صفحتكم الكريمه ولاقيت حد بيشكر فى الاسطى سيد الميكانيكى المهم قلت هاتيجى عليه اهو يبقى انضم للقائمه ويبقى رقم 13 المهم اتصلت بيه وروحتله وقلتله ايه الى انا بشتكى منه وقالى سيبها يومين وكتبلى بعض الحاجات الى محتاجها العربيه واشتريتها من التوفيقيه
مثل بوابه استيراد 700 اربع بوجيهات 85 سيركاتينه 100 غطاء اربه المياة 15 جوان وش السلندر بالربع رنجات 100 مش فاكر ايه تانى وفكينا وش السلندر وعمل عند الخراط 3 صبابات وطبعا فلتر هوا وفلتر زيت وحساس حرارة وحساس امبير كل دة غيرة المهم استلمت منه العربيه
واللهى حسيت انى راكب عربيه فعلا واكنى لسه مشتريها هوا خد كام بقى مصنعيه
200 جنيه فقط لا غير وكلها على بعضها اتكلفت 2000 جنيه بمصنعيته
فعلا ربنا يباركلك ياعم سيد
انا اما اروحله بلاقى جميع انوا السيارات الرينو ميجان ولوجان وكليو ورنبو وفلونس
معلم رينو واللهى يحببك فى الرينو ويحسسك ان اى مشكله بسيطه
قدر الله وما شاء فعل كان نفسى يكون اول ميكانيكى بدل البهدله الى اتبهدلتها مع الى قبليه ربنا ياخدهم ولا حرام اهو الى حصل حصل نفسى الى مايعرفش يقول ماعرفش
مكان الاسطى سيد الميكانيكى لو حد احتاجه موجود فى شارع الشوربجى نهايه كوبرى ثروت ومتفرع من شارع العشرين فيصل ودة رقمه 01005466965

رد: اخيرا ميكانيكي رينو فقط فيصل وبولاق الدكرور