رد: مشكلة خطيرة
 

ممكن يكون العيب فى الافيز انه حامى او الزرو اللى بيدكك فيه الخرطوم حامى

رد: مشكلة خطيرة
 

بسم الله الرحمن الرحيم
المشكلة مش في الخرطوم يا سيدي الفاضل المشكلة في خرطوم الراجع هتلاقيه مسدود او ملغي علشان كده الضغط بيعلي في خرطوم الداخل و بيضرب
انا مرة ميكانيكي عمل لي افتكاسه و لغي الراجع و قال مالوش فايده هيه العوامه هتفصل لما تاخد المنسوب بتاعها و انا قلت له طيب ماهو الطرمبة عماله تضغط و العوامه هتبقي قافله قال لا ماتاخدش في بالك
و حياتك حوالي خمسة كيلو بالعربية و اول ما سرعتها زادت و الضغط زاد الخرطوم اتخلع من مكانه و العربية ولعت بس ولاد الحلال شاورولي وقفت و كان معايا طفايا طفيتها في ثواني و الحمد لله
راجع دورة البنزين من عند الكربراتير و شوف دورة الراجع شغال ولا لأ و حاول تفك خرطوم الداخل و الراجع و تضغط فيهم هوا عند اي واحد بتاع كاوتش و هما راكبين في التانكط عادي شوف المواسير سالكه لغاية التانك ورا ولا لأ
و اي خدمة
م - سامح ليله

رد: مشكلة خطيرة
 

+11111111111111
:funny25::funny25:

رد: مشكلة خطيرة
 

متشكر ليك ولزوقك ويا ريت التجربه دى تفيد الناس كلها

رد: مشكلة خطيرة
 

ااهم حاجه ماتمشيش بيها ولو مشوار قريب لا قدر الله يحصل حاجه ولا بتاع والمشكله تبقي اكبر
انا مش هعرف افيدك زي ما هما فادوك بس ياريت ماتركبهااش الا وانت مطمن انه كل سليم
دي ارواح ناس
بلاش تغامر

رد: مشكلة خطيرة
 

بصراحة غيرت الخرطوم بواحد اطول وغيرت الأفيز
ومشيت من المهندسين لشبرا ومن شبرا للهرم ومن الهرم للمهندسين والحمدلله ماحصلش حاجة بس بابقى ماشى مرعوب وعينى على الكبوت

رد: مشكلة خطيرة
 

يا رب خير
يعنى هل فعلا الراجع عندك ملغى ؟