مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- A 113 (https://www.masrmotors.com/vb/forumdisplay.php?f=188)

- - مشكلتين (https://www.masrmotors.com/vb/showthread.php?t=72755)

رد: مشكلتين

أشكرك جميع السادة الزملاء والإصدقاء الذين يتواصلون معي ومع أخباري وان شاء الله اذهب للتوكيل وبعدين اقولكم علي المشاكل وحلها وبالمناسبة انا اتصلت بالتوكيل وحدد ميعاد خلال اسبوع ان شاء الله مرة اخري شكراً لكم جزيلاً

رد: مشكلتين

اقتباس:

المشاركة الأصلية كتبت بواسطة احمد على 1999 (المشاركة 559658)

يعنى العربية بتحدف يمين ؟ و لا رسمة الدركسيون لو معدولة العربية تحود يمين ؟
على العموم فى الحالتين ظبطت الزوايا و ظبط ضغط الكاوتش حيحلوا المشكلة بإذن الله

اقتباس:

المشاركة الأصلية كتبت بواسطة luaai (المشاركة 559668)

لازم تكشف على الآتي بالترتيب:
1-ضغط الكاوتش (الأمامي الأيمن بالتحديد) ممكن يكون ضغط الهوا أقل من الشمال وتحدف معاك وتظبطها بإنك تحكم الدركسيون للشمال شوية

الحل: ضبط الفردتين الأماميتين على نفس القيمة تماما (طبعا على أد ما تقدر ماحدش بيوصل لـ "تماما" دي 100%)

2- المساعد الأمامي الأيمن (ممكن يكون ضارب منك وأنت مش واخد بالك)

الحل: لو السيارة جديدة تروح عالتوكيل ولو بره الضمان اكشف عليها عند عفشجي محترم
مع إني أشك إن طول المساعد ممكن يتغير بالسهولة دي

3- زوايا العربية (حد عنده ضمير وممكن توصل له بإنك تحدد مكان سكنك والأعضاء يقترحوا عليك حسب المسافة)

الحل: طبعا أظبط الزوايا عنده وتخرج تجرب العربية والعفشجي معاك لحد ماتحس انها اتظبطت

4- المقصات الأمامية (ممكن المقص اليمين يكون مرحل ورا نتيجة خبطة في الرصيف)

الحل: نفس اللي فات والعفشجي هو اللي يحدد إذا كانت يتعمل لها زرجينة ولا تتغير

هو ده الطبيعي لأن دي الفرامل الـ ABS ويفضل عمل الآتي:

شارع واسع مافيهوش عربيات (ماتقولش فين، إتصرف:shyy:)
حط كرتونة فاضية في آخر الشارع وامشي على سرعة في إتجاه الكرتونة وحاول تقف قبلها
وجرب فرامل عربيتك لحد ما تتعود على مسافة التوقف بتاعتها وصوت الفرملة وإحساس رجلك بالبدال
المفروض لما البدال يرقص تحت رجلك و(يزغزغك) تفضل دايس أو تتقل رجلك كمان

وقول لنا برضه السبب كان إيه عشان نتعلم لو حاجة جديدة

:GROWIN~12::GROWIN~12::GR OWIN~12:

رد: مشكلتين

اقتباس:

المشاركة الأصلية كتبت بواسطة اشرف صلاح الدين (المشاركة 561927)

لسة من يومين ظهرت حاجة تانية وهي صوت سريخ أو صفارة حادة عندلف الدريكسيون حتي وأنا واقف وسألت سواق عندنا في الشغل قاللي لازم تشحم مش عارف هل ده صح ولا لأ عموماُ سوف أتابع معاكم آخر التطورات وشكراً جزيلاً

غالبا و الله اعلم سير الباور يا عايز يتشد يا حيتغير

اقتباس:

المشاركة الأصلية كتبت بواسطة اشرف صلاح الدين (المشاركة 561930)

نسيت اقول حاجة ان الفرامل ماكانتش بتعمل كدة قبل كدة ومش ABS لأن الموضوع مش متكرر عندضغط الفرامل ولكن ده بيحصل أحيانا ومش في كل مرة مع العلم أن لمبةABS بتنور برضة أحيانا وبعد ماأدور العربية تختفي ومرة واحدة تنور ومرة تختفي وهكذا والتنتيش او ان الفرامل تحس انها بتتكسر تحت رجليك كأن في حاجة معلقة أو زي احساس تروس مش عارفة تعشق مع بعضها باحس علي طول باني لازم اشد فرامل اليد وربنا يستر

طالما اللمبة بتنور بعد تدوير العربية حتى لو متقطع يبقى لازم سكان

رد: مشكلتين

والله مش عارف اعمل ايه لسا في ناس في مصر بخير ومش عارف اقول ايه ربنا يجعل كل رد من ردود السادة الأفاضل في ميزان حسناتكم ولسوف اكون في تواصل معكم بعد الزيارة والتساؤلات وشكراً لكم مرة أخري

رد: مشكلتين

ياريت حضرتك تقول لينا ايه اللي حصل لان انا عندي نفس مشكلة الحدفة لليمين
وجزاك الله خيرا

رد: مشكلتين

ياريت حضرتك تقولنا عملت إيه فى الحدفة اليمين
لأنها عندى من يوم ما إشتريت العربية ومش عارف أعمل إيه
ظبط زوايا فى التوكيل مرتين ورصصت وظبط زوايا مرة خارج التوكيل ورصصت
وغيرت مكان الكاوتش وبردة الحدفة موجودة
مع العلم الحدفة دى مجتش عندى إلا بعد تغيير المساعد الأمامى يمين ( فى التوكيل )