مصر موتورز مجتمع السيارات - سؤال لاهل الخبره فى الكاوتش

مصر موتورز مجتمع السيارات (https://www.masrmotors.com/vb/index.php)

- إطارات السيارة (https://www.masrmotors.com/vb/forumdisplay.php?f=151)

- - سؤال لاهل الخبره فى الكاوتش (https://www.masrmotors.com/vb/showthread.php?t=72599)

رد: سؤال لاهل الخبره فى الكاوتش

http://www.facebook.com/media/set/?s...type=3&theater

اقتباس:

المشاركة الأصلية كتبت بواسطة احمد على 1999 (المشاركة 558608)

بفرض ان واير السرعة موصل بماتور العربية من الاخر ماتور العربية بيدور العجل و السرعة مرتبطة بعدد لفات العجل على الارض يعنى فى نسب مؤية ثابتة بين RPM الكرنك و صندوق التروس بالتالى العجل
اللفة الواحدة بتمشى العربية مسافة = محيط العجلة = قطر العجلة X ط حيث ط = 22 /7 و العداد متعاير كانه بيقسم المسافة المقطوعة اللى هى = عدد اللفات X محيط العجلة على الزمن
فتخيل جدلا انك مركب عجلة ضخمة جدا قطرها 3 ادوار فلفة واحدة فى الدقيقة تمشيك بسرعة عالية مقارنة بلو مركب عجلة صغيرة جدا أد علبة اللافاش كيرى حتعمل مسافة قليلة جدا فى الفة الواحدة
يعنى لو العجلتين الكبيرة و الصغيرة بيدوروا بنفس عدد اللفات فى سرعة العربية حتبقى اعلى بكتير مع العجلة الكبيرة
الحل الوحيد لقياس سرعة العربية دون الاعتماد على حساب عدد لفات العجل هو جهاز اشعة تحت حمراء او دوبللر ساعتها زود تمن العربية 10 تلاف على الاقل

السلام عليكم
أحب أشكر أ/أحمد على و أ/ أسترا على الردود العلميه المفصله أحب أزود ده بعد أذنكم طبعا أن كلما زاد أرتفاع الكاوتش قل التوازن ويعطي لا شعور بالمطبات
كلما قل أرتفاع الكاوتش زاد التوازن وتحس بالضرضره والمطبات

كما قال أساتذتى الأفاضل لازم تحافظ على القطر . القطر = الجنط + أرتفاع الكاوتش
التجنيط للفيرنا كما يلي (أنا فيرناوي 7 سنوات)
195/50/15 العربيه تبقى تمام (بس لو محمل العربيه جامد أو مطبات هواء الكاوتش يحك فى شفه الرفرف) فيه ناس بتعدل الرفرف , ترحيله 2 سم بس أنا بنصح بلاش تلعب فى عضم العربيه
190/50/15 هو مثالي فى الثبات ونفيش حكه (الكاوتش ده موجود بس مش منتشر)
185/70/14 ملوش أي لازمه ثبات أقل و خلاص وشكل غير رياضى

ده الجنط بتاعى (أنا بحب التصوير)

رد: سؤال لاهل الخبره فى الكاوتش

اقتباس:

المشاركة الأصلية كتبت بواسطة ملك القلوب سوفت (المشاركة 557937)

السلام عليكم

العربيه مقاس 185/65/14 ده المقاس الاصلى ليها

وانا عند محل بيع كوتش وبسال البائع قالى ممكنيركب عندى 185/70/14

يا ترى ايه الفرق وينفع يركب عندى المقاس ده ولا لا وثبات العربيه هيفظل زى ما هوه
ولا هيقل وكمان ايه المقسات الى ممكن توفر ثبات للعربيه بشرط يكون 14

تحياتى للجميع وفى انتظار الرد من اهل الخبره:thnkr:

ممكن تركب 195/60/14 مش هاتفرق كتير و تعال نحسبها
انت مركب 185/65 يعنى ارتفاع الجنط عن الارض =185*65/100=120.25 مم= 12 سم تقريبا
و لو ركبت 195/60 هيكون ارتفاع الجنط 195*60/100=117 مم =11.7
يعنى العربيه هتوطى بمقدار 3 مم بس الكاوتش هيعرض و ده يديك ثبات اكتر

رد: سؤال لاهل الخبره فى الكاوتش

اقتباس:

المشاركة الأصلية كتبت بواسطة bmkbmk (المشاركة 558023)

الاخوة الافاضل كلامهم تمام يا باشا

و اضافة بسيطة

بص على طرف باب السواق عندك هتلاقى لستة بالمقاسات اللى ممكن تركب فى عربيتك .. مقاسات الجنوط و مقاسات الكوتش المناسب لكل جنط

التزم بتلك المقاسات فقطط لأنها الانسب و الاصح للسيارة و اما اللى بقولك عليه البياع صحيح مش هيفرق فى الثبات لكن اكيد هيفرق فى عداد السرعة بالزيادة

يعنى العداد مثلا هيبقى على 100 و انت ماشى فعليا على 105 او 107 ... فا لو ظابط سرعتك عشان رادار ولا حاجة ممكن تتصور لأن السرعة الفعلية أعلى من السرعة اللى ظاهرة على العداد ...

و ربنا معاك يا باشا

كلام حضرتك صح فى حالة لو هيكبر الجنط من 14 الى 15 او 16 او هيقلل قطر الجنط لكن لو هيعرض الكاوتش بس مش هياثر فى حاجه