مصر موتورز مجتمع السيارات - ما افضل سيارة فى حدود 80 الف الى 100 الف ؟

انا في رايي الشخصي لا الالنترا ولا السيراتو انا شايف ان الاوبترا افضل منهم الاتنين لسببين لو بصيت للسيراتو فهي عربيه عفشتها خشنه ف المطبات ومش هتكيفك وده عشان نظام التعليق الخلفي متصل بمعني لو فرده الشمال اخدت نقره يبقي الفرده اليمين هتطلع فوق وده مش هيدي راحه للركاب اما بالنسبه للالنترا ف انا اسف لجميع ملاك هيونداي بصفه عامه هيونداي معودنا دايما انها بتعمل عربياتها من ورق الكولينكس المعاد تصنيعه هي عربيه كويسه جدا كعفشه وموتور وقطع غيار لكن الصاج بتاعها ضعيف وككل عربيه مش كويسه ف حالات الحوادث لا قدر الله لكن الاوبترا قطع غيار الي حد ما رخيصه وعفشه وموتور كويسين واتساع من جوه خيالي عكس الالنترا علي فكره اللي حجمها يوهمك بالاتساع لكن مجرد ما تركبها تلاقي حجمها عادي مش بالاتساع اللي تمدد رجلك فيها يعني واهم من اي حاجه صاج الاوبترا كويس لو حد سند عليها او قعد فوقها حتي زي ما بيحصل ف شوارعنا مش هتطبق خالص غير الارتفاع المحترم عن الارض اللي يخليك تاخد اجدع مطب مستريح يعني
الخلاصه الاوبترا هي فيها بعض مميزات الالنترا والسيراتو لكن ما فيهاش عيوبهم والاختيار لك