رد: تعرف حاجة عن السيارات فى ليبيا؟؟؟؟
 

مستوى المرتبات إيه فى ليبيا بالنسبة للمصريين عمال كانوا أو مؤهلات

طبعا مقارنة بباقى الجنسيات ؟

و كمان مستوى المعيشة إيه ؟؟؟ أسعار الأكل و المسكن و أنواع العربيات من الصينى للألمانى

رد: تعرف حاجة عن السيارات فى ليبيا؟؟؟؟
 

رد: تعرف حاجة عن السيارات فى ليبيا؟؟؟؟
 

شكرا يا ابو نورا على المجاملة

بالنسبة الى سؤال الاخ ايهاب عن المرتبات فى ليبيا

المرتبات طبعا متفاوتة جدا زى اى مكان لكن انا ممكن اديك فكرة

بالنسبة للمحاسبين اللى زى حالاتى بيبدأ من 750 دينار كمبتدأ الى 2500 دينار

الصيادلة يبدأ من 1000 دولار (الدولار = 1.30 دينار) الى 4000 دولار طبعا حسب الشركة اللى انت شغال معاها و ودرجتك انت ومؤهلاتك سواء كنت لسة مبتدأ او معاك MPA

المهندسين من 1000 دينار الى 3000 دينار

بالنسبة للحرفيين الموضوع مقدرش احسبهولك خالص
لكن اللى احب اقولة ليك حاجة مهمة اوى

لو قررت تيجى ليبيا قدامك خيار من اتنين

الاول انك تكون شاطر فى مجالك ايا كان مجالك بس تكون شاطر هتشتغل وتعمل فلوس وترتاح ع الاخر

لو لسة بتتعلم هتتعب

لو انت ماتعرفش حاجة اصلا يبقى تخليك فى مصر وبلاش بهدلة

لية انا بقولك كدة

ليبيا فيها حوالى 2 او 3 مليون مصرى

اللى شغال كويس قليلين اوى لان الصعايدة اخواتنا وغيرهم من المصريين اللى مش لاقى شغل فى مصر وهو مش مؤهل خالص ولا يعرف صنعه يقوم راكب العربية ويجي على ليبيا . الناس دى فعلا بتتعب

لكن لو حد معاه صنعه وشاطر او بيفهم كويس فى مجالة الشغل بالنسبة لة كتير جدا ومرتبات ممتازة وراحة نفسية فوق ما تتخيل

على فكرة البرى قافل من فترة للى داخلين ليبيا الدخول بس طيران
لكن الخروج من ليبيا البرى مفتوح عادى

ودة عشان يقللو شوية من العمالة اللى بتيجى وهى مش مؤهلة لان اللى هيجي طيران هيبقى جاد شوية

على العموم انا موجود للى عايز يسال على اى حاجة

بالنسبة للعربيات هكلمك عليها بعد شوية

رد: تعرف حاجة عن السيارات فى ليبيا؟؟؟؟
 

بالنسبة للعربيات

مفيش جمارك على العربيات خالص علشان كدة العربيات اسعارها رخيصة جدا بالنسبة لمصر تقريبا النص بالظبط بالنسبة للسيارات 1600 سى سى والفرق بيزيد جدا للفئات الاعلى

علشان كدة هنا بتلاقى كل موديلات العربيات اللى خلقها ربنا

لكن

الصينى قليل جدااااااااا

الموديلات قبل 90 تقريبا نادرة

فى بعض الموديلات كتير جدا فى الشوارع زى

الاوبترا - نيسان صنى - هيونداى فيرنا (اسمها هنا اكسنت) - الكيا سيراتو - وقبل كدة كانت النوبيرا بس قلت خالص الفترة الاخيرة

طبعا الموديلات دى بالنسبة للشعبى

الباسات هنا واخدة نصيب الاسد بالنسبة للسيارات الالمانى

بى ام دبليو و اودى رقم 2 فى الانتشار

المرسيدس مش كتير مقارنة بالاودى وال بى ام دبلو

بالنسبة للعربيا 4 * 4 التيوتا الاند كروزر والهيونداى سانتا فيا مالين الشوارع

صاحب الشغل بتاعى لسة شارى عربية تحفة وهى اللكزس 4 * 4 فول اوبشن حاجة وهمية

العربية ركبتها اكتر من مرة بصراحة كنت حاسس انى سايق مازنجر (فاكرين مازنجر؟؟؟؟)

كل الامكانيات اللى ممكن تتخيلها فيها ما عدا الحوامة (فكرينها اللى ماهر كان بيركبها عشان يطلع يسوق مازنجر ؟؟ ) وثمنها بالنسبة لمصر رخيصة جدا يعنى هى ب 160 الف دولار

طبعا هى غالية اوى بالنسبة لينا لكن دى بالنسبة لسعرها فى مصر اقل من الثلث لان هنا انت من حقك تستوردها راسا ليك ومن غير جمارك لان مفيش توكيلات زى مصر

انا مش عايز اتكلم عن الانواع الغالية دى تانى لو حد عايز يسالنى على عربية زى الهيوندى بتاعتى انا ممكن اجاوبة

رد: تعرف حاجة عن السيارات فى ليبيا؟؟؟؟
 

رد: تعرف حاجة عن السيارات فى ليبيا؟؟؟؟
 

شوف يا ابو نورا العزيز

انت كلامك مظبوط جدا بالنسبة الى ان شغل السايبرات والشركات الصغيرة مش كويس وفعلا مبيدوش مرتبات كويسة خصوصا ان اى واحد واخد معهد حاسب الى فى مصر او حتى اتعلم ينزل ويندوز بيجى هنا يقولك انا مهندس كمبيوتر ودة خلى سمعتنا فى الحتة دى وحشة خالص

لكن الخبر الكويس

هو ان ليبيا فى التلات سنين اللى فاتو انفتحت انفتاح كبير اوى على العالم بعكس الفترة اللى قبلها لما كان فى حصار من العالم على ليبيا وكل الدول اللى كانت قاطعه علاقتها بليبيا رجعت تانى لدرجة ان السفارة الامريكية فتحت هنا تانى وبتبنى حاليا اكبر سارة ليها فى الشرق الاوسط

وفى شركات كتير اشتغلت هنا كلها عالمية ودة زود الطلب جدا على الناس اللى متعلمة كويس

لكن رغم كل دة بالنسبة ليك بردو لازم تكون مظبط قبل ما تيجى لان الوظيفة دى عادة الشركات الكبيرة بتكون جايبة I T بتاعها معهاها من بلدهم يعنى

شركة المانية بتلاقية المانى انجليزية بيكون انجليزى

دة اللى انا شفتة بنفسى فى الشركات اللى دخلتها هنا لكن ممكن يكون فية مصريين انا معرفهمش

لكن دة ما يمنعش وجود شغل لكن انا بكلمك على الشركات الكبيرة اوى

فى مجالات تانية بقى الطلب عليها زايد جدا زى المحاسبين الشغل كتير اوى ( بس بقول المحاسبين مش خريجين كليات التجارة) يعنى لازم تكون تعرف اكسيل كويس جدا وتكون فى الحسابات شاطر وتعرف شوية انجليزى مش كتير لكن المصطلحات
فى الحالة دى الشغل كتير اوى وممكن تشتغل شغلتين وتلاتة فى اليوم
هنا عايزين الجاهز اللى يشتغل على طول مش اللى لسة هيتعلم
اللى لسة بيتعلم بيشتغل فى الشركات الصغيرة ودى مرتباتها مش عالية اوى حلوة لكن مش زى الشركات الكبيرة طبعا

رد: تعرف حاجة عن السيارات فى ليبيا؟؟؟؟
 

الله ينور عليك يا بيرو انت فهمت اللى اقصدة بالظبط

بس بدام كده اعتقد باذن الله هيبقى فيه تمثيل اكتر للمصريين فى الشركات المتعددة الجنسيات multinational لان المصريين فعلاً فى المجال بتاعنا مهاريين جداً واكيد مرتباتهم هتبقى اقل من الاجانب الغربيين هو المنافس الحقيقى لينا الهنود بس على الله ميعرفوش طريق ليبيا هى كمان زى ما عرفوا طريق الخليج وخربوها على المصريين ptmnlo123per111