Re: رد: Re: رد: العربية صوتها عالي اووووي!!!!!!!!
 

الف شكر لحضرتك علي الرد المفيد احب اوضحلك ان المشكلة دي مظهرتش الا لمل غيرت بزيت التعاون بناءا علي نصيحة واحد من المنتدي وعينك ماتشوف الا النور العربية صوتها اكن الومتور بيطلع في الروح ومخنوقة وناشفة اوي
انا كنت بغير زيت ايسسو ابو 70 جنيه وكان حلو اوي وعمر الراجل بتاع الزيت ماقلي ان العربية بتاكل زيت كانت بترشح بس والصوت كان عادي خالص لحد ما سمعت النصيحة الزفت دي والمشاكل ابتدت
انا لسة مغيرلها زيت شل الاحمر ابو 70 من اسبوع وكشفت علي الزيت لقيته ناقص بسيط بعد ممشيت بيها 300 كيلوا
اما الصوت فهو هوه والرشح برضه
تفتكر حضرتك العيب كان منالزيت ولا الموتور فوت وعاوز يتغير ولااريح دماغي وااطنش واستحمل الصوت وخلاص

رد: العربية صوتها عالي اووووي!!!!!!!!
 

الصوت ده من التاكيهات (البلوف بتاعت الصبابات) .. اظبطها او غير البايظ منها وباذن الله هتظبط معاك ..

وعلى فكره عمر الزيت ما يعمل المشاكل دى كلها .. وانا عن نفسى مجرب زيت التعاون الازرق ده واكتر من ممتاز ومشيت عليه حوالى 4000 كيلو ومقالش لأ خالص ولسه من يومين حاطط شل الاحمر وبرضو زيت ممتاز ...

اهم شئ دلوقتى انك تعالج تسريب الزيت و ابقى خلى حد يزود بنزين جامد وروح انت للشكمان وشوف فى دخنه لونها سماوى ظاهره ولا لأ ...

ابقى ظبط التاكيهات عند حد بيفهم وخليك على شل الاحمر لانه اتقل شويه من التعاون وباذن الله هتظبط معاك ..


بالنسبة للرعشه غالبا من قواعد الموتور .. اكشف عليها وغير المقطوع منها .. او ان السلانسية عندك واطى زياده عن اللزوم ....

Re: رد: العربية صوتها عالي اووووي!!!!!!!!
 

الف شكريا باشا علي خبرتك ونصيحتك العظيمة دي انا روحت للميكانيكي وقولتلة الكلام اللي انت قولت علية قاللي فعلا الصوت من التكيهات وكمان البلية بتاعة الدينامو وشافل الزيت اللي انا مغيرة من 500 كيلو بس قالي ده ناقص واسود ولازم يتغير وقالي التسريب من الجوان وفالي هنفك الوش ونمنع التسريب
ومعادنا يوم الجمعة اللي هو اجازتي عشان يعمل دة كلة ياحسام باشا
اية رأي حضرتك في الكلام ده؟