مصر موتورز مجتمع السيارات - المختصر المفيد في الإلانترا الجديد

مصر موتورز مجتمع السيارات (https://www.masrmotors.com/vb/index.php)

- Hyundai Elantra - النترا (https://www.masrmotors.com/vb/forumdisplay.php?f=134)

- - المختصر المفيد في الإلانترا الجديد (https://www.masrmotors.com/vb/showthread.php?t=71148)

رد: المختصر المفيد في الإلانترا الجديد

اقتباس:

المشاركة الأصلية كتبت بواسطة fineart607 (المشاركة 545127)

على فكره يا فندم انا بحس ان لما عربيه كورى او صينى تنزل حلوه تلاقى بتوع اليبانى واللألمانى بيزعلو كانهم مش عايزنا نركب عربيات حلوه والله اعلم ههههههههههههههه:funny25:

الناس بتتكلم على الكوري نفس الكلام من 20 سنة
يا اخوانا هيونداي من اكبر مصنعي السيارات في العالم .. وعامة هي اكتر عربية قيمة بالنسبة للفلوس المدفوعة فيها
حد يجيبلي عربية فيها نفس مميزاتها في نفس رينج السعر

رد: المختصر المفيد في الإلانترا الجديد

للأسف والله سعر العربية مبالغ فيه جدا ليه يعنى اروح اشترى عربية كورى ب التمن دة طب ما انا عندى رينو فليونس عربية ممتازة و شكلها خراااااااااافى و تكنولوجيا بى ام و مستوى امان عالى جدا و توكيلها احسن توكيل فى مصر حاليا و على الأقل اسمها رينو عربية اوروبى مش كورى !!! .
و عندك تيوتا كورولا مثلا او فور فوكس او لانسر قرش ....الخ
و دول انضف من الألنترا مليـــــــــــــــــون مرة و انا روحت و اتفرجت على العربية و فعلا الخامات رديئة جدا على عربية بالسعر دة هى حلوة على عربية ب 80 - 90 الف انما عربية بالسعر دة تعتبر رديئة جدا و كمان مستوى الأمان يعتبر معدوم فيها ايه يعنى ABS دى العربيات الصينى دلوقتى فيها ABS و ايه يعنى اير باج واحدة للسائق يا باشا الفليونس فيها 6 اير باجز تقريبا و كمان بقى انا شايف ان الكيا سيراتو افخم و اشيك منها و دة رأى و اختلاف الرأى لا يفسد للود قضية و لو اتفقت الأراء لبارت السلع و كل عام و انت بخير :THE_PR~18:

رد: المختصر المفيد في الإلانترا الجديد

اى اشتغالة والسلام
الراجل بيقول ان الديسكات بتعوم العربية وان الفرامل الطبلة(القابقبيب) احسن ....عجبى؟؟
احنا شعب الفهلوة

رد: المختصر المفيد في الإلانترا الجديد

تحياتى لصاحب الموضوع واتفق معاه تماما

ونقول كمان ،،

هيونداى ناجحة برة بانها بتقدم عربيات عملية فيها اوبشن كتير بسعر منافس
وبره العربيه بتتقارن بالهوندا التويوتا عادى جدا وبتتفوق عليهم

هيونداى هنا سعر كبيييييييير واوبشن قليييييييييل جداً
لكن الميزة الحقيقية لهيونداى هنا انها ماسكة سعر وقطع الغيار والصيانة فى كل حتة

لكن الكلام ده كله ينطبق على العربية فى الفئات الصغيرة يعنى انا رائى اخرها 120 وكده تبقى تستاهل انها اغلى شوية من السيراتو

لكن الفئات اللى معدية ال 130 ديه انا شايف انها اوفر برايس اوى مقارنة بالكماليات والفئه
والفئات اللى معدية 150 الف بصراحة تهريج لان بالسعر ده تخش فئه اكبر واوربى بمواصفات وكماليات اعلى بكتير من الالنترا

خاصة انها مش هتديك اى تميز عن اللى راكب اختها باقل 30 الف جنية

رد: المختصر المفيد في الإلانترا الجديد

خد دى يا باشا ويا عالم افهموا احنا مش بنقول انها وحشة انما كتيييير عليها السعر على الاقل يعاملوا زى برة وعن نفسى اتمنى امتلك اكسنت اربى يعنى هيونداى ومعايا فيرنا هيونداى انا بحب العربيات الهيونداى لكن السعر يا حضرات المهم
افتح الموضوع دا اقرا اول 4 سطور لصاحب الموضوع وبعدها اقراء كلامى وتعليقى وانتوا تعرفوا بنتكلم فى اية
اللينك من موقع سعودى
http://hyundai-arabic.com/vb/showthread.php?t=2186
التعليـــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــق
طيب كلنا دخلنا وشوفنا الموضوع اخدتوا بالكم من سعر العربية خشوا كدة تانى وشوفوا هتلاقوها قايل 59 الف ريال سعودى
1ريال سعودى = 1.5 جنية مصرى
يعنى 59x1.5=88.5
يعنى بالكتيييييييييييييييييييي يييييير اوى 90 الف جنية مصرى واية الراجل قايل انها فول اوبشن
امال الفول اوبشن فى مصر بكام يا عم محمد
اقولك يا مصرى يا محترم العربية هنا كاملة فول اوبشن اتوماتيك عاملة 153 الف جنية بالمصرى يعنى فرق 60 الف جنية بينا وبينهم ططبعا بعد ما حولنا بالجنية هه وبعدها يقولك مصر يعنى ام الدنيا
انا هنا عرفت معنى كلمة تلاقى امك اللى جيبهالك هو يقصد مصر
مش يقصد يشتمك
ونبقى كما نحب شعب مظلوم وفقير وليس لنا حق العيش كما يفعلوا فى الخارج
مش الخارج اوى دى السعودية جمبنا يعنى
تخيلوا الفيرنا بقى ولاا اللوجان بكام سبحان الله
والسلام عليكم ورحمة الله:sd:

رد: المختصر المفيد في الإلانترا الجديد

اقتباس:

المشاركة الأصلية كتبت بواسطة abdulkhaleq (المشاركة 545076)

السلام عليكم ورحمة الله

هذا الموضوع بناء على خبره شخصيه من اليومين اللي فاتو دول
وده بسبب ان احد اصدقائي (اتهف) في عقله وقرر انه يشتري العربيه الفاشله دي
وبعد محاولات مستميته لاثنائه عن القرار الفاشل ده
فضلت اني ابحث في السوق اكتر عنها يمكن نقدر نجيبله الفئه ال FULLY LOADED
بدل ما ينضحك عليه اكتر ما هيتضحك عليه إن شاء الله:36_1_1[1]:

وجدنا الاتي
طبعا زي ماهو معروف العربيه وكيل و خليجي
سوق الهيونداي بيعمل ايه في مصر (غير انه مقرطس الناس بعربيه فيها حوالي 60 الف جنيه زياده على اللي تستحقه) ؟؟
اعتمد على جهل الشعب للأسف وعلى انهم بيشترو عمياني وآخر اللي يعرفوا يفرقوا فيه الفتيس أوتو ولا مانيوال
ماعلينا انا لو تاجر وعندي المستهلكين اللقطه دول اكيد كنت هقرطسهم برضه

أولا
الموتور ال GDI ماشوفتوش ولا في الخليجي ولا في المصري
الاتنين نازلين بموتور MPI عادي

ثانيا
العربيه ال FULLY LOADED المفروض يكون فيها بلوتوث وكروز كنترول
و نافيجيشن سيستم
لكن طبعا لا الخليجي فيها ولا الوكيل فيها

ثالثا
ودي بقى مفاجأه لوز الجوز
العربيه فرامل ديسكات قدام بس حتى في أعلى فئه في الخليجي والمصري
ولما كنت بسأل عن الموضوع ده اكتشفت ان مش بس المستهلكين اللي مش عارفين لأ ده حتى البياعين
والله العظيم جالي احساس انني بشتري خروف العيد وبكلم واحد جزار
والله حتى في غبور نفسه لما سألنا عن الموضوع ده طبعا الباشا حب (يتفزلك)
تخيلوا يرد يقول ايه ؟؟؟؟
قاللي
(اصل العربيه دي طويله ولو فيها ديسكات ورا وجيت تفرمل العربيه هتعوم منك)
بصراحه ماقدرتش استحمل وضحكت في وشه وحسيت للحظه ان الناس فعلا بتحب اللي يشتغلها
على اساس اننا ماركبناش عربيات ومستنيين مهندس ناسا قصدي غبور ده يكشفلنا المفاجأه اللولبيه دي

(على فكره موضوع الفرامل ده مش هزار, لما تكون العربيه ديسكات قدام وورا زي معظم العربيات الجديده بتكون الفرامل اقوى بكتير من لما تكون ديسكات قدام بس)

اه نسيت اقولكم ان انظمة الامان الخرافيه فيها ABS بس
يعني مافيهاش أي انظمة تحكم خالص EPD, ASR مثلا يعني مافيش
رابعا
العربيه بلاستيك
والله خامات رديئه جدا جدا ومفيش أي اوبشن يذكر ولا حتى سيفتي بس كتر خيرهم فيها اير باج واحد يعني الناس هتقطع نفسها ؟؟
واللعبه دي بكام بقى ؟؟ بحوالي 160 تنقص الف في بعض الاحيان لو هتدفع كاش

فكرة السوق عندنا هنا إيه ؟؟
زي فيلم الكيف كده
(ننزلها شعبي ولما يبقالها سوق نغليها)
ومش كده وبس استنوا مفاجئات قطع الغيار ان شاء الله

مع العلم ان العربيه ال FULLY LOADED انا شفتها فعلا ماشيه في الشارع
لكن ماعرفش صاحبها جابها منين او موجوده عند مين هنا في مصر
ولا زال صديقي يبحث عن هذه السياره ولا زلت شايف ان اخرها 100 ألف للكامله بجد مش الكامله اللي بيقرطسوا الناس بيها
اه حاجه أخيره
العربيه موديل 2011
أرجوكم بطلوا تسموها 2012

شكرا على هذا التحليل الجيد، ولكن أود أن أوضح ما يلي :
1 -- السيارات التي تباع في الخارج مختلفة تماما عن تلك التي تباع في مصر.
2 -- وأنا أعلم أن السيارة الكورية يحتوي على جميع مواصفات السلامة والأمان (أقراص الأمامية والخلفية، ABS ، EBD ، BAS ، لا يقل عن 6 أكياس هوائية ،.. إلخ)، بالإضافة إلى خيارات مثل تعمل باللمس ، وفتحة سقف مكيف /... إلخ مع سعر أقل من 90000 جنيه في كوريا.
3 -- أنا أعرف أن درجة الأمان لهذه السيارة هو 4 من 5 مثل هوندا سيفيك على سبيل المثال.
4 -- إن المشكلة في مصر في معدلات ضرائب ضخمة إذا particularely نحن نعلم أن تحسب هذه المعدلات لمواصفات السلامة أيضا. كيف!!!!!!!!؟
5 -- وفيما يتعلق الأسعار ، وتباع السيارة مع نفس الأسعار من هوندا سيفيك وتويوتا corrola.. إلخ.
6 -- أنا أعيش في انجلترا ولقد قرأت جميع الآراء من أصحابها. لم أجد أي شكاوى حول هذه المشاكل وذلك لسببين : مواصفات السلامة والسعر الصافي.

الرجاء أخي، قل لي من خلال تجربتك هل هو سيارة جيدة في حالة الحصول على هذه المواصفات مع السعر حوالي 145 آلاف في مصر أم لا؟ مع جزيل الشكر

رد: المختصر المفيد في الإلانترا الجديد

اقتباس:

المشاركة الأصلية كتبت بواسطة fineart607 (المشاركة 545120)

مع احترامى لصاحب الموضوع ارفض الأستخفاف بالمشترى وان كان فعلا فى سلبيات كتير كبائع وكمندوب ولكن السوق بيحكمك وهو ده المتوفر وبسعر اقل من اليبانى واللألمانى يبقى نركب ايه ومن الواضح ان حضرتك مش عجباك الخامات لانك مالك لسيارة اغلى وبالتالى خامات احسن
وياريت بخبره حضرتك تقول لى اركب ايه فى حدود 105 بما يتناسب مع المواصفات العالمية لمعاليك وتكون زيرو يا فندم احنا شعب مطحون

ياأستاذي الفاضل هو انا اللي بستخف بالمشتري ؟ لا حول ولا قوة الا بالله !!!
انا بتكلم على عربيه تمنها كاش 160 ألف جنيه !! لو في واجب قوي معاك هتقف ب 159 او 158 !!
يعني انا ملاحظ منك انت استخفاف بيا أنا بالرغم من اني ما اظنش اني غلطت في حد ولا فيك
انا بقول رأيي وبقوله باللي شفته, عايز تناقشني اتفضل قوللي ايه اللي انا ماشوفتوش فيها وقوللي ده ليه غالي
مع العلم ان رينج 160 ده ممكن تزود عليه شويه وتركب جولف, سيات ليون, ولو كلفت نفسك ووصلت توكيل سيتروين وشفت العربيات الجديده وشفت ال c4 اللي نازله ب 168 ساعتها هتعرف يعني ايه عربيه وما اظنش ان اللي يدفع 160 صعب عليه يجيب 8 كمان
وعلى فكره كمان انا كده بتكلم بالموجود والمتاح في السوق وان كنت مستغليهم كللهم
لكن لو هتتكلم على العربيات اللي انا ذكرتها لحضرتك اتفضل انزل التوكيلات وشوف كل العربيات دي فيها كام اير باج (ده كبدايه بس مش هقوللك باقيت الاوبشينز هسيبك تكتشفهم بنفسك:THE_PR~18:)